22 Mmɔ na béye Unwoti banini, “Ukyuli ɔni na álɛ ugyii éte-bu ni, bubo na útebo tɔ útebeduo munuu dɛ?” Amu na Katɔti údie kenye ɔnini, “Ɛɛn, úubo na ɔ́bɛ ɔkya ala ani na bákono bése mmɔ akɔ.”
Na kaƒɔ kani na ɔda mmɔ ni, Rebeka ɔ́ti ka alakpa anyɔ adi eekpóku lɛlɔ na nwuna kaƒɔ kemmo. Mmɔ na úye lɛlɔ ɔnini, “Bi ɔsu na lɛla lɛmɛni udu lɛɛlɛ́ku-mi?” Ɔmmɔ ɔsu úsie útákpali Katɔti na úvele-nwu ka ɔya na ɔti lɛla lɛmmɔ kalɔ.
Na uténye ɔkpane Eleasar anumi na uye Unwoti kasusu ute-nwu na ulu sɛsɛɛ lɛlɔ. Na si Yosua údie lɛdi asa na anwu ku Israelƒuɔ ƒui badubɔlɛ busie kesii kadi na si ɔ́sɔ údie lɛdi na basɔ benwini bebo.”
Na Aaron uwɔ Pinehas ɔni ndi Eleasar ubidi ndi ɔkpane. Na béye-nwu banii, “Bɔsɔ busie butékpoku bula banwa Benyaminƒuɔ, munuu butesie?” Amu na Unwoti údie kenye ɔnini, “Biteesie kɔnaadi na ndubo-ma buti bɔkya bina enu kemmo.”
Mmɔ na Katɔti ɔ́lɛ Benyamin kɔdua kemmo bekyuli lɛnumi ka ama na ɔ́ƒuna. Na kɔdua kɔmmɔ kemmo lɛnɔ ni, ɔ́ya na Matri ɔtɔ kemmo banana bálɛ bébo, na ɔ́ƒuna Saul ɔni ndi Kis ubidi ka anwu madi lɛga lɛmmɔ. Nsu ka bátɛ anumi bámana ni, bátanu Saul na kesii biala.
Mmɔ na Samuel úsie anumi ɔnini, “Uwi ɔni na awɔ ɔlati muedi átanu tɔ lɛlɔ átati ka adi lɛla lɛdi ni, Unwoti úse-ɔ likpo na énwini ɔga na Israel kadi bekyuli adua pii ammɔ ƒui lɛlɔ.
Na anwu nébunku-nwu na úvele Katɔti úte Dawid kalɛ na ɔti lɛla lɛni na ɔbla. Úte-nwu adila adi. Na úti Goliat Ƒilistini kewii kani na útaada mmɔ úte-nwu.”
Na Dawid úye Unwoti ɔnini, “Nteesie na ntásia bekyuli bani nébekpoku-bu mɛni kama? Na si lísie ni, ndubɔsiaku-ma?” Amu na Unwoti údie kenye ɔnini, “Teesie, adubɔsiaku-ma na aƒɔ bina lɛlɔ bekyuli lɛnɔ ƒui.”
Mmɔ ni, Saul údie kenye na ɔ́su Samuel ɔnini, “Kɔdua kubliidi ƒui ndi Benyamin kɔdua na Israelƒuɔ akɔ, na mmɔ lɛ́si. Na mina ɔtɔ bekyuli ndi bani neeebo kenyekɔ geen kadi na Benyamin kɔdua kɔmmɔ kemmo. Bi ɔsu na aasu-mi lɛmɛni udu?”