Samuel 1 1:3 - Katɔti Ɔku Kedee

³ Lɛkwa ndi lɛkwa ni, Elkana ɔɔsí nwuna ɔma mmɔ teesie Silo kesii kani na uusié taatákpa Unwoti Katɔti Ɔyikune Ƒui. Na mmɔ na Unwoti Katɔti bakpane inyɔ badi bákya na badi Eli bebi. Ama baalɔ Hoƒni ku Pinehas.

Samuel 1 1:3 ပူးပေါင်းရင်းမြစ်များ

Kɔgya 78:60

Na ka úni Silo kevo kani kemmo na uli na bula akɔ ni,

Israelƒuɔ Bɔlɛ 23:14

“Kɔtɛ na ɔlɛka bɛdi limeyi na lɛkwa kemmo bite-mi.

Israelƒuɔ Bɔlɛ 23:17

“Ɔlɛka banana ƒui bebenye Katɔti Ɔyikune Ƒui anumi kɔtɛ na lɛkwa kemmo.

Israelƒuɔ Bɔlɛ 34:23

Kɔtɛ na eteebo mina anumi taabakpa ami Unwoti ɔni ndi Israelƒuɔ Katɔti.

Luka 2:41

Lɛkwa ndi lɛkwa ni, Yesu bawɔne beesié Yerusalem taatádi limeyi lɛni baalɔ banii Kukpi Lili Bɔvia Limeyi.

Lɛkpa Ulu 16:16

Na lɛkwa biala kemmo ni, Israelƒuɔ ƒui banana ɔlɛka bebo Unwoti anumi kɔtɛ babakpa-nwu na kesii kani na ɔ́su úse ka bitaakpa-nwu mmɔ. Na emeyi ani badubɔdi mmɔ ndi Bodobodo Ɔni Néteƒu Limeyi ku Edula Bɔƒɛ Limeyi ku Kevo Kemmo Bulie Emeyi. Na ukyuli ɔdi utebo Katɔti anumi mmɔ ku enukplu.

Yosua 18:1

Uwi ɔni na Yosua ku Israelƒuɔ békpo báƒɔ kɔlɔ kɔmmɔ ƒui báwɔlɔ ni, amu na Israelƒuɔ bása na Silo na bátu Unwoti Adi Kevo bálɛ mmɔ. Na kalɔ kammɔ kéduo-ma lɛlɔ bɔnu kalɔ na baadi-ka lɛlɔ.

Litemi Batɛne 18:31

Na bákya bátaakpa Mika baƒiɔ bammɔ ina ka Katɔti kakpakɔ kakya Silo uwi ɔmmɔ ƒui.

Litemi Batɛne 21:19

Nsu bɛnu! Uwi údu na bɔdi Unwoti lɛkwa ndi lɛkwa limeyi na Silo ɔni nkya Betel katɔ kakɛ. Na Silo ɔkya ɔƒɛ kanukɔ ulu ɔni néti úsela ɔ́si Betel úsie Sekem na útédu Lebon kada kakɛ.”

Samuel 1 1:21

Ka lɛkwa línwini na uwi ɔmmɔ ɔ́sɔ údu ni, Elkana ku nwuna kaduli bekyuli ƒui béti akpala na bésie batákpa Katɔti.

Samuel 1 1:9

Limeyi lɛdi ka bésie Silo mmɔ na báwɔlɔ bɔdi ku bɔni ni, Hana ɔ́ta únye. Na uwi ɔmmɔ ni, Katɔti Ɔkpane Eli ulie kalɔ na kakpakɔ kayakun kenye, na liboku lɛdi lɛlɔ.

Samuel 1 14:3

Na ɔkpane ɔni baalɔ Ahiya lɛnɔ ɔ́kya mmɔ na ɔkya bakpane awu ɔni muubi-ma kayi ku kama. Ɔkpane ɔmɛni ɔdi Ahitub ubidi na Ahitub ɔdi Ikabod ɔnwani. Na Ahiya ɔdi Pinehas uwɔ, na Pinehas lɛnɔ ɔdi Unwoti ɔkpane Eli ubidi ɔni nákya Silo ɔma. Na Yonatan anwu ni, ukyuli ɔdi ɔɔɔgyi ɔnii anwu ku nwuna ukpone ɔmmɔ bátɔlɔ bana Israelƒuɔ keliekɔ mmɔ bésie kesii kadi.

Samuel 1 2:19

Na lɛkwa ndi lɛkwa ni, uni uudí awu bamba teesienku-nwu si uwi ɔni na anwu ku ɔgyani bésela batábla lɛkwa akpala.

Samuel 1 2:34

“Na lɛla lɛni ndubɔlɛku ƒula bebi Hoƒni ku Pinehas ni, anwu na adubuti ati lɛla lɛni na mɔɔsu-ɔ mɛni. Bana inyɔ badubo bukpi limeyi linwi.

Samuel 1 3:13

Ɔsika lɛ́su-nwu ka ndubo anwu ku nwuna kaduli bekyuli ƒui kɔtɔ bɔdu na likpidi lɛni na ɔgyi nwaa, nsu údie atu ɔsu. Nwuna bebi ala bɔbla émo bekyuli bammɔ ƒui, nsu útakana na ɔ́bala-ma ɔsiku ɔbladu buɛ ɔmmɔ kudɔ.

Samuel 1 4:11

Na béƒie Bunyimi Adaka ɔmmɔ báƒɔ, na Eli bebi inyɔ bammɔ lɛnɔ békpi.

Samuel 1 4:4

Ɔmmɔ ɔsu bésie na bététi Unwoti Ɔyikune Ƒui Bunyimi Adaka ɔmmɔ. Na nwuna lɛlɔ ni, Unwoti batu bebweyi inyɔ badi udu bénye bani baalɔ Kerub na bebo avwi. Na Bunyimi Adaka ɔmmɔ kudɔ ni, Eli bebi inyɔ, Hoƒni ku Pinehas, benye.