Samuel 1 1:22 - Katɔti Ɔku Kedee

²² Nsu Hana anwu útasiaku-ma mmomu ɔ́su ɔgyani ɔnini, “Si ɔnamu ɔmmɔ úkulo lɛnyi ni, ndubuti-nwu lisienku Katɔti na ɔsɔ ɔkya mmɔ nwuna ngba bulie uwi ƒui.”

Samuel 1 1:22 ပူးပေါင်းရင်းမြစ်များ

Kɔgya 110:4

Unwoti úse kenye na uláda ulavia kenye kammɔ. Ɔ́su ɔnini, “Adi ɔkpane úsela uwi ƒui na Melkisedek ɔkpane bɔdi ulu lɛlɔ.”

Kɔgya 23:6

Na ndubɔnu lɛti kalɛ na ƒula lɛƒɔndia ku lɛbuni ku ƒula bɔyɔ bɔdubɔsiaku-mi na mina ngba emeyi ƒui kemmo, na ndubulie-ɔ kaduli uwi ƒui.

Kɔgya 27:4

Mmomu lɛla linwi pɛ kani na muuvele mina Unwoti kpakplaa nnii ɔya na lɛkɛ keliekɔ na nwuna ɔtɔ kemmo. Na lɛsɔ lilie mmɔ mina ngba emeyi ƒui kemmo na ntaanu Unwoti bɔdia na nteevele-nwu kasusu taasiku nwuna kakpakɔ mmɔ.

Israelƒuɔ Bɔlɛ 21:6

na nwuna unwoti ɔkpanku-nwu usienku Katɔti kakpakɔ na Katɔti anumi, na ɔya na uténye kakpakɔ kammɔ kayakun iye nwuna kayakun ugyii lɛlɔ na baƒuaala-nwu kɔtu. Na ɔ́si ɔmmɔ kama ɔdubɔbla ukyuli ɔni ndubutaabla kabla teete-ɔ nwuna akwa ƒui.

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Lewiƒuɔ Ɔda Bubo 25:23

“ ‘Ukyuli biala uuubo kuƒi ka uti kalɔ kadi uye ute ukyuli bamba kusɛ kusɛ. Ɔsika kalɔ kammɔ ƒui kadi ami Unwoti kadi. Na baƒɔ na bɛdi na líte-mii mmɔ na bilie.

Luka 2:22

Amu na uwi úbedu ka Yoseƒ ku Maria babla lɛlɔ bɔbla sɛɛn ɔdi aani kalɛ na Mose ɔda bubo bɔɔtina kenye. Na béti ubiwɔ ɔmmɔ lɛnɔ bésienku Yerusalem banii beeti-nwu bete Unwoti.

Lɛkpa Ulu 16:16

Na lɛkwa biala kemmo ni, Israelƒuɔ ƒui banana ɔlɛka bebo Unwoti anumi kɔtɛ babakpa-nwu na kesii kani na ɔ́su úse ka bitaakpa-nwu mmɔ. Na emeyi ani badubɔdi mmɔ ndi Bodobodo Ɔni Néteƒu Limeyi ku Edula Bɔƒɛ Limeyi ku Kevo Kemmo Bulie Emeyi. Na ukyuli ɔdi utebo Katɔti anumi mmɔ ku enukplu.

Yosua 4:7

Na bɛsu-ma ka uwi ɔni na Unwoti Bunyimi Adaka ɔɔvia Yordan Ketu ni, ketu kammɔ káda na ntu bɔmmɔ bɔ́kwii na Israelƒuɔ bávia. Na atakpɛ amɛni adubɔya na Israelƒuɔ beteenyimo lɛla lɛni nálɛ mɛni uwi biala.”

Samuel 1 1:11

Amu na ɔ́kpali ala úse kenye ɔnini, “O Unwoti Ɔyikune Ƒui, ƒula kabla ɔblane na ndi, nsu mina lɛlɔ libo kɔnyana. Taya na kɔnyana kɔdu-mi. Kɛ te-mi ubi ɔnanabi unwi pɛ na lɛwɔ. Na si énu-mi bɔkpali na ábla éte-mi lɛni ni, ndubɔsɔku ubi ɔmmɔ lite-ɔ kusɛ kusɛ nwuna ngba emeyi ƒui. Na ukyuli ɔdi ulékulo-nwu linwini kudii.”

Samuel 1 1:28

Ɔmɛni ɔsu ni, líti-nwu muute Unwoti na unwini nwuna ɔdi nwuna ngba bulie uwi ƒui.” Na ɔmɛni kama ni, bákpa Unwoti na mmɔ.

Samuel 1 13:13

Amu na Samuel ɔ́su Saul ɔnini, “Adɔlɔla geen na adi na ábla mɛni. Bi ɔsu na átadi Unwoti etemila lɛlɔ. Si banii bɔdi na ádi nwuna etemila lɛlɔ ni, nka Unwoti ɔdubɔya na awɔ ku ƒula kaba kemmo bebi bɛdi lɛga na Israelƒuɔ lɛlɔ uwi ƒui.

Samuel 1 2:11

Ɔmmɔ kama ni, Elkana únwini úsie nwuna ɔma na Rama. Na ubidi ɔnanabi ɔmmɔ ɔ́sɔ ɔ́kya Eli kudɔ na Katɔti kakpakɔ mmɔ útaabla kabla.

Samuel 1 2:18

Nsu uwi ɔmmɔ ƒui ni, na ubi Samuel ɔkya Katɔti kakpakɔ mmɔ ɔɔbla nwuna kabla. Na ɔkya bakpane awu ɔƒualadi kedee.

Samuel 1 28:2

Dawid údie kenye ɔnini, “Mɛni na adubɔnu lɛla lɛni na ƒula kabla ɔblane ɔdubɔkana bɔbla.” Amu na Ɔga Akis ɔnini, “Ɔdia, amu ndubuti-ɔ lɛbla ami ɔlati ɔgyumanane mina ngba uwi ƒui.”

Samuel 1 3:1

Na uwi ɔmmɔ ni, Samuel ɔ́kya Eli kudɔ útaabla Unwoti kabla, ɔƒɛni lɛnɔ ni, Unwoti ulátɛmiku ukyuli pla pla na ulédie lɛlɔ lɛnɔ taatina ukyuli na kɔna kemmo pla pla.