Samuel 1 1:11 - Katɔti Ɔku Kedee

¹¹ Amu na ɔ́kpali ala úse kenye ɔnini, “O Unwoti Ɔyikune Ƒui, ƒula kabla ɔblane na ndi, nsu mina lɛlɔ libo kɔnyana. Taya na kɔnyana kɔdu-mi. Kɛ te-mi ubi ɔnanabi unwi pɛ na lɛwɔ. Na si énu-mi bɔkpali na ábla éte-mi lɛni ni, ndubɔsɔku ubi ɔmmɔ lite-ɔ kusɛ kusɛ nwuna ngba emeyi ƒui. Na ukyuli ɔdi ulékulo-nwu linwini kudii.”

Samuel 1 1:11 ပူးပေါင်းရင်းမြစ်များ

Ala Kalɔ Buse 28:20

Amu na Yakob ɔ́kpali Unwoti Katɔti lɛnyi na úse kenye ɔnini, “Lieku-mi, na asia-mi anu na ulu busie bɔmɛni kemmo, na ete-mi adila ku adala.

Ala Kalɔ Buse 29:32

Lea úbada kaƒɔ na ɔ́wɔ ubi ɔnanabi. Na ɔ́sia-nwu lɛnyi ɔnii Ruben, na nwuna kalɔ ndi Katɔti únu-mi kɔnyana buwulo. Na ɔ́su ɔnini, “Na ubi ɔmɛni ɔsu ni, mina ɔgyani ɔdubo-mi butaayɔ ɔƒɛni amu.”

Ala Kalɔ Buse 30:22

Ɔmmɔ kama ni, Unwoti Katɔti ɔ́ya na Rahel ɔ́ti ka útayiƒala-nwu. Anwuɔsu ɔ́lɛmi-nwu kaƒɔ, na ɔ́wɔ ɔnanabi. Na ɔ́su ɔnini, “Unwoti Katɔti údie kɔƒa mina anumi.”

Ala Kalɔ Buse 8:1

Nsu Katɔti anu asia Noa ku beƒiebuo ku ɔmantɛ bebuo bani nkya-nwu kudɔ na ɔkɔlɔ ɔmmɔ kemmo lɛlɔ. Anwuɔsu ɔ́ya na ɔƒɛƒɛɛ ɔdi úkpo ɔ́vi ntu bɔmmɔ anumi na ɔ́ya na ntu bɔmmɔ bɔ́kpɛ.

Samuel 2 16:12

Ɔƒɛni kalɛ Unwoti ɔdubɔnu-mina lɛbibo na uti lɛbuni ɔƒɔ-mi kayu na ewida ammɔ kenye.”

Kɔgya 25:18

Nu ala ani muukpóku-mi ku kalɛ na muunú ɔlɛ na mina lɛlɔ kemmo, na eti mina alaekpidi akyiɛ-mi.

Israelƒuɔ Bɔlɛ 4:31

Na ka bánu akɔla ala budie taatina ammɔ ni, báƒɔ bádi. Na ka bénu ka Unwoti úbo-ma lɛlɔ kasusu na ɔ́nu kalɛ na bakya beebó abi ni, bana ƒui béboku lɛlɔ kalɔ béte-nwu na bémwi-nwu.

Agba 31:2

“O mina ubi, mina kaƒɔ ubi, ubi ɔni lɛlɔ na líse kenye,

Etemila 5:4

Si ánu ka ése Katɔti kenye kadi ni, taya na uwi utu-ka lɛlɔ. Babla na abla linyese lɛmmɔ lɛlɔ ete-nwu, ɔsika kaƒɔ kalayɔ-nwu na kɔdɔlɔ ala bɔbla lɛlɔ.

Lewiƒuɔ Ɔda Bubo 27:2

“Kɔ lɛsa na asu Israelƒuɔ anini, ‘Si ɔdi úti ukyuli úte Unwoti ɔkɛnku kenye kani na úse ɔsu ni, ɔkana ɔsɔ ɔƒɔ-nwu uye ku kayu kani námanku.

Bumomo Bɔka 21:2

Mmɔ na Israelƒuɔ bése kenye béte Unwoti básu-nwu banini, “Unwoti, si adubuti Kanaanƒuɔ bamɛni akya-bu enu kemmo ni, bɔdubɔyila bana lɛma linengudi ƒui udu kede kede.”

Bumomo Bɔka 6:11

Na ɔkpane ɔmmɔ ɔdubuti aasɛ unwi ɔbla likpidi lili buvele akpala na uti unyɔdi ɔbla bɔkyula akpala ute Unwoti na nwuna likpidi lili kayu bɔƒɔ. Ɔsika úlie bekyuli bani muuwulo ukpine akɔ ɔsu ɔ́bla likpidi. Na limeyi lɛmmɔ kani lɛlɔ ni, ɔlɛka ɔsɔ ɔbla nwuna lili linwini kedee sɛsɛɛ use ute Unwoti.

Bumomo Bɔka 6:5

“ ‘Na uwi ɔni na údie lɛlɔ lɛti sɛsɛɛ úse úte Unwoti mɛni ni, utalɛka ukpeyi lili. Ɔlɛka ɔbla kedee ute Unwoti úti útédu ka uwi ɔni na ɔ́su ka wedie lɛlɔ lɛti sɛsɛɛ wetédu mmɔ údu. Na ɔlɛka ɔnyonu nwuna kuli linwini na line gyɔlɔɔ.

Bumomo Bɔka 6:8

Nwuna lɛlɔ budie buse lɛti bɔmɛni bɔɔtina ka ɔ́bla lɛlɔ sɛsɛɛ kedee úte Unwoti.

Litemi Batɛne 11:30

Amu na Yeƒta úse kenye úte Unwoti ɔnini, “Si ákana na éti Amonƒuɔ ákya-mi enu kemmo si bútékpoku-ma ni,

Litemi Batɛne 13:5

Ɔsika adubo kaƒɔ bɔda na adubɔwɔ ubi ɔnanabi. Na si áwɔ-nwu taya na bekpeyi-nwu lili kudii. Ɔsika ubiwɔ ɔmmɔ ɔdubo buse bute Unwoti lɛti. Na anwu ndubuse kalɔ uteekpo taaƒɔ Israelƒuɔ ɔlɛku Ƒilistiƒuɔ enu kemmo.”

Samuel 1 1:10

Mmɔ ni, Hana ɔ́nu lɛlɔ na nwuna lɛlɔ lɛ́bla-nwu kɔnyana na úse kalɔ uuwulo na ɔɔkpali Katɔti ku keku.

Samuel 1 1:12

Ka ɔɔkpali Katɔti lɛni ku kabɛnsɛ ni, Eli unye ɔɔnu-nwu kpoo.

Samuel 1 1:19

Ka kadi kégye ni, Elkana ku nwuna badi ƒui báta na ka bátákpa Katɔti báwɔlɔ ni, bátɔlɔ bésie bana ɔma na Rama. Na Elkana ku ulekudi Hana bátɛ, na Unwoti anu asia-nwu lɛlɔ.

Samuel 1 1:22

Nsu Hana anwu útasiaku-ma mmomu ɔ́su ɔgyani ɔnini, “Si ɔnamu ɔmmɔ úkulo lɛnyi ni, ndubuti-nwu lisienku Katɔti na ɔsɔ ɔkya mmɔ nwuna ngba bulie uwi ƒui.”

Samuel 1 1:27

Na lívele-nwu nnii ute-mi ubi na lɛwɔ. Na Unwoti únu-mi bɔkpali sɔsɔ, na ɔ́ya lɛ́wɔ ubi ɔni na nda mɛni.

Samuel 1 1:28

Ɔmɛni ɔsu ni, líti-nwu muute Unwoti na unwini nwuna ɔdi nwuna ngba bulie uwi ƒui.” Na ɔmɛni kama ni, bákpa Unwoti na mmɔ.

Samuel 1 2:20

Na Eli uute Elkana ku ulekudi kusɛ kusɛ. Na ɔɔsu-ma ɔnini, “Unwoti ute-mii bebi bamba na bɛwɔ, na ama benye udeedi kenye ka anwu na ƒ'ulekudi úvele Unwoti na úte-nwu, na ɔ́sɔku-nwu úte Unwoti.” Na ɔmmɔ kama ni, baasɔ teenwini teesie bana ɔma.