Sakaria 9:9 - Katɔti Ɔku Kedee

⁹ Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Sakaria 9:9 ပူးပေါင်းရင်းမြစ်များ

Baga 1 1:38

Anwuɔsu ɔkpane Sadok ku Kenye Udiene Natan ku Yoiada ubidi Benaia ku Keretiƒuɔ ku Peletiƒuɔ bésie na bátágyu Salomo básia Ɔga Dawid ɔpɔnkɔ lɛlɔ na bákpanku-nwu bésienku Gihon.

Kɔgya 149:2

Israel, lɛlɔ lɛyɔ-mii, amii bani na Unwoti Katɔti údie. Na amii Sion bebi ku bawɔ ni, lɛlɔ lɛyɔ-mii na bina ɔga lɛlɔ.

Kɔgya 2:6

“Sion Kɔbi kedee lɛlɔ na líse mina Ɔga Ɔƒunadi líse.”

Kɔgya 45:1

Etemila abuni sɔɔn néyi-mi lili kemmo na ndubudie keyi na lɛtu kɔgya lite ɔga ɔmmɔ. Na mina unyemi na ndubuti lɛbla aani unwenigyii ɔni na ɔkutine ɔbuni ɔdi ɔda uunweni ala teese.

Yesaia 12:6

Amii bani nkya Sion ƒui bidie ɔnu ku kudu momoomo, ɔsika Israel Unwoti Kedee úbomo na bina akɔ.”

Yesaia 30:6

Unwoti údie lɛla lɛdi ɔ́tina na kalɔ kakwiidi bebuo lɛlɔ ɔnini, “Kalɔ kani kemmo na bɔnɔ ku lɛbibo lɛkya, na bagyata bagyani ku beledi ku balakpi bekpidi baakya, na bebuo ala betine bebliidi ku benengudi bani mbo keƒu beti batu bammɔ akɛla na bésela kalɔ kani neeebo kɔsia kɔdi kuuute-ma kemmo.

Yesaia 33:22

Unwoti ndubɔtɛ bula litemi ute-bu, na ɔdi-bu lɛlɔ. Unwoti ndi bula ɔga ɔni ndubɔda-bu, na lɛla lɛdi lilékpoku-bu.

Yesaia 40:9

Awɔ ɔni nda litemi buni éboku Sion ni, kɔ sie abi kangyaa ammɔ eli. Na awɔ ɔni nda litemi buni éboku Yerusalem ni, kɔliku ƒula lɛdi katɔ momoomo. Va momoomo, na tayia! Su Yuda lɛma lɛmmɔ anini, “Aanu ƒula Katɔti!”

Yesaia 43:11

Ami lɛti kani ndi Unwoti ɔmmɔ, na ami ndubɔƒɔ-mii ngba.

Yesaia 43:3

Ami ndi bina Unwoti Israel Katɔti Kedee ɔni mɔɔƒɔ́-mii ngba. Na kalɛ na amii bɛkɛ bɔnwuna ɔsu ni, lídie Egyipte ku Kus ku Seeba kadi bekyuli ƒui atu.

Yesaia 45:21

Bɛta na bɔsa na litemi katɛkɔ, munuu ńtasu-mii ɔ́si kukuuku lɛla lɛni ndubo libalɛ? Ami lɛti kani ndi Katɔti ɔmmɔ! Na ɔdi ɔsɔ uuubunku-mi. Ami kani mɔɔƒɔ́ bekyuli ngba na ami kani mɔɔbla ala ulu siin lɛlɔ.

Yesaia 52:7

Bi mɔɔdia bɔnu lɛni! Bɛnu abi lɛlɔ na binu bekyuli bani ndubo babakɔ litemi buni lɛmmɔ lɛsa kalɛ na bana bubo kɔku kɔɔda kubiti. Baakɔ́ keyi buɛɛ ku ngba bɔƒɔ lɛsa banini, “O Sion, ɔƒɛni amu ƒula Katɔti ndi bina ɔga.”

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Yesaia 62:11

Na bati ka Unwoti muute-ma bɔti ɔnini, “Yerusalem bebi bɛnu, bina Ɔƒɔne ɔ́si ɔdubo! Na ɔda lɛyuƒɔla ɔduboku-mii.

Yeremia 30:9

Na ɔmmɔ kama na binwini mina kabla bablane na lɛƒuna ɔga lite-mii lɛsiku Dawid ɔtɔ kemmo.

Esekiel 21:32

Badubo-mii bɔkyula ƒui na bikpi na amii alati bina kalɔ lɛlɔ. Na bekyuli badubo-mii bɔyiƒala ƒui. Ami Unwoti násu.’ ”

Hosea 1:7

Nsu ami ndi Yudaƒuɔ Unwoti Katɔti na ndubɔnu-ma kɔnyana na ndubudie-ma na libunku-ma ɔkɛnku ami ɔlati ɔyikun kemmo. Na ɔɔɔdi kekpo na badubo bukpo iye kɔtaminta iye kuwii kɔni na bekyuli bani muulie bapɔnkɔ lɛlɔ badubɔtu bekyuli ɔsu.”

Mika 4:8

Sion Kɔbi na Yerusalem, awɔ ndi mina bekyuli lɛlɔ ɔnune na adubɔsɔ adi lɛga na mina bekyuli lɛlɔ.

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Sakaria 2:10

Amii Sion ɔma unengudi bekyuli, bidie lɛnu na bɛdi limeyi! Ɔsika Unwoti úse kenye ka ɔdubo ubelieku-mii.

Mateo 1:21

Na ɔdubɔwɔ ɔnanabi. Na awɔ Yoseƒ asia-nwu lɛnyi anii Yesu, ɔsika anwu ndubudie nwuna bekyuli ɔlɛku bana ekpidi kemmo.”

Mateo 11:29

Bibo bɔda kɔda, na bɛtɛya bɛsiku-mi kudɔ. Nse buɛɛ na muuboku lɛlɔ kalɔ, na bɛdubɔkɛ bɔnwuna.

Mateo 2:2

Na béye banini, “Wɛ na báwɔ ubi ɔni ndubɔdi lɛga na Yudaƒuɔ kalɔ lɛlɔ? Bɔ́nu nwuna lɛyabi na ɔƒɛ katukɔ. Na búbo bɔnii bubemwi-nwu.”

Marko 11:7

Ka béti ebuo ɔmɛni béboku Yesu ni, bébimi bana adi béwi ebuo ɔmmɔ lɛlɔ, na Yesu ɔ́kɔ úlie-nwu kama.

Luka 24:27

Na Yesu údie ala ammɔ kalɔ úte-ma ɔ́si ala ani na bénweni bákya Bunweni Kedee Ɔku kemmo ɔ́si Mose ɔku ku ala ani ƒui na Katɔti kenye bediene bénweni ɔkɛnku anwu Yesu ɔmmɔ lɛlɔ.

Yohane 1:49

Natanael ɔ́su-nwu ɔnini, “Rabi, awɔ ndi Katɔti Ubidi. Awɔ ndi Israelƒuɔ Ɔga.”

Yohane 19:15

Amu na báva básu banini, “Gyunku-nwu! Gyunku-nwu! Kana-nwu mana ugyii lɛlɔ!” Mmɔ na Pilato úye-ma ɔnini, “Bɔkana na nkana bina Ɔga mmana ugyii lɛlɔ?” Amu na bakpane benengu bammɔ básu-nwu banini, “Buuubo ɔga ɔdi buuutulo Romaƒuɔ Ɔga Unengudi Kaesare!”

Litemi Batɛne 10:4

Na ɔ́wɔ bananabi avlaatɛ na bélie bapɔnkɔ avlaatɛ kama. Na bébo lɛma avlaatɛ lɛni baadi-ni lɛlɔ na Gilead ɔni na baalɔ banii Haƒo Yair úti úbedu ɔmwi kadi.