Sakaria 7:7 - Katɔti Ɔku Kedee

⁷ Mina kenye kani na mbo nte-mii ɔmwi ni, aka kani na líbo kenye bediene bakukudi bammɔ ɔda ka basu Yerusalem ku nwuna akpaklɔ lɛma lɛmmɔ uwi ɔni na ala átɛnku-ma, na bekyuli báƒɔ Yuda ƒui ku Negev.

Sakaria 7:7 ပူးပေါင်းရင်းမြစ်များ

Yesaia 55:3

“Bise atu kaduɛ na bibo-mi kudɔ, na bɛkɛ ngba bilie. Na kenye kani na lɛ́su Dawid líse ni, ndubuse amii lɛnɔ kenye kammɔ, na lɛyɔ-mii uwi ƒui na bɛnu kalɛ na mɔɔdi mina litemi lɛlɔ uwi ndi uwi.

Yeremia 13:19

Báaka bámana lɛma linengudi lɛni nkya kalɔ kakwiidi kemmo na kada kakɛ. Na ukyuli ɔdi ulakana na weduo iye ɔdi ɔkana bɔlɛ lɛnɔ. Na badubuti ukyuli biala na Yuda batɔlɔku.

Yeremia 17:26

Na bekyuli badubɔsi abi lɛlɔ ku abi kaƒɔna lɛma wɛlɛ wɛlɛ bamba lɛni na amadɔ na Yuda ku Benyamin kalɛkɛ lɛlɔ úti úsie ɔƒɛ kanukɔ bebo. Na beti akpala ku edula etela ku oloƒui beboku-ma babagya-mi enu na bakɔ-mi adɛ.

Yeremia 22:21

Uwi ɔni na ala adianku-mii ni, lɛ́lɛ-mii lɛ́nɔ na bítenu na bíni aani kalɛ kani na bɛ́bla ɔ́si uwi ɔni na bítalɛ tɔ lili.

Yeremia 32:44

Nsu limeyi lɛdi ni, bekyuli badubo bana sika ɔƒualadi buti buboku bubeye kɔlɔ na mɛni kesii biala na Benyamin kalɛkɛ ku Yerusalem kalɔ ku Yuda lɛma kemmo ƒui ku abi ammɔ lɛlɔ. Na beye abi kɔƒɔna mmɔ bene úti úsie ɔƒɛ kanukɔ ku kalɔ kakwiidi kani na kada kakɛ. Na kalɔ balati ku beyene ƒui badubɔbla lɛku basia kɔlɔ kuyedi kɔmmɔ lɛlɔ na bamanyene bakya kɔnu na lɛla lɛni na bényi na kɔlɔ kɔmmɔ buye lɛlɔ na benyimi lɛku lɛmmɔ kenye ku ekposela. Na ɔdubo bɔlɛ lɛni, ɔsika ndubɔsɔ kalɔ kamɛni lite mina bekyuli. Ami Unwoti násu.”

Yeremia 44:4

Mɔɔyá na mina kabla bablane kenye bedie beebo taabatɛmiku-ma taasia kama uwi ndi uwi kalɛ na nkisi bana ablala ani muusé lɛlɔ mmɔ. Na bébo-ma ɔda kpakplaa ka bada bana alaekpidi bɔbla baya.

Yeremia 7:23

Mmomu bɔsu na lɛ́su-ma lɛnɔ ndi, ‘Si bínu-mi litemi na bɛ́bla bɛ́siaku ala ani na lɛ́su-mii lɛlɔ ni, ndubɔbla bina Katɔti na amii bɛbla mina bekyuli, na lɛla biala lɛdubɔtɛ lite-mii.’

Yeremia 7:5

Ndubɔya na bɛkɛ bɔƒɔ si bɛvumana udu na bɛɛnu bina lɛlɔ kɔnyana na bɛɛbla ala ulu lɛlɔ siin na bɛɛtɛmi litemi geen.

Sakaria 7:6

Na si bɛ́di na bɛ́kɛ bɛɛní lɛnɔ ni, ɔɔɔdi amii bina ebiti ku lɛlɔyɔ kani na ɔdi?

Sakaria 7:8

“Anwuɔsu ami, Unwoti Ɔyikune Ƒui, nsɔ mɔɔsu-mii nnii bɛnu ka bɛ́tɛ etemila ulu siin lɛlɔ. Na bɛbla lɛƒɔndia na bɛnu lɛlɔ kɔnyana lɛnɔ.

Lɛkpa Ulu 34:3

Na Unwoti ɔ́sɔ ɔ́tina-nwu kalɔ kani na kewi káyu ɔ́si kɔwɛ kɔni nde Yeriko na baalɔ mmɔ banii Ebo Ɔma úti útédu ɔma ɔni baalɔ banii Soar.