Sakaria 5:3 - Katɔti Ɔku Kedee

³ Amu na ɔ́su-mi ɔnini, “Kakunkɛ kamɛni muuwida ukyuli biala ɔni muuyú iye ɔɔnyi ɔkɔ taatɔlɔ bekyuli na kalɔ kamɛni lɛlɔ. Ala ani na bénweni básia kakɛ kenwi kaatɛmi taasiku kalɛ na badubo beyune udu bɔyila lɛlɔ. Na ala ani na bénweni básia kakɛ kakladi lɛlɔ ɔɔtɛmi taasiku kalɛ na badubo bekyuli bani mɔɔnyi ɔkɔ lɛnɔ udu bɔyila lɛlɔ.

Sakaria 5:3 ပူးပေါင်းရင်းမြစ်များ

Israelƒuɔ Bɔlɛ 20:15

Teyu.

Agba 29:24

Ukyuli ɔni nébunku uyune ni, anwu ɔlati muukisi lɛlɔ. Ɔsika ulakana kenye buse na ɔsu lɛla lɛni nálɛ.

Agba 3:33

Unwoti uuwida bekyuli bekpidi kɔduli. Nsu nwuna kusɛ kusɛ ɔɔsiaku bekyuli bani nse siin.

Agba 30:9

Ɔsika ɔƒɛni kalɛ lɛ́kɛ lɛmmɔ lɛdubumo-mi lɛvili na lini-ɔ, na ndubuye nnini, ‘Ɔma ndi Unwoti?’ Na si kɔwaba lɛnɔ nda-mi kɔ́vili ni, ɔƒɛni kalɛ ndubo buyu na bekyuli balabu mina Katɔti lɛnyi kedee.

Yesaia 24:6

Ɔkɛnku ɔmmɔ ɔsu ni, ewida ádi bekyuli ku kayawi ƒui lɛla biala lɛlɔ na ɔdi biala ɔlɛka ubo abi na nwuna likpidi lili na bekyuli bayawine bákywi ƒui na bana ɛlɛɛ kani nébu.

Yesaia 43:28

Ɔmmɔ ɔsu nsɔ ńtete kuƒi ka bina bakpane babla-mi kabla. Mmomu lɛ́ya na bákyula Israel kadi na bákya bina bekyuli kɔƒa.”

Yesaia 48:1

“Israelƒuɔ, Yakob ɔtɔ kemmo bebi na bɛdi na bɛ́si Yuda kɔdua. Bɛɛsu taatina bɛnii ami Unwoti Israel Katɔti na bɛɛbu, nsu ɔmmɔ ƒui ɔkɔ na ɔdi.

Yeremia 23:10

Bekyuli bani nálɛ Unwoti kama na kalɔ kammɔ lɛlɔ bemomo geen na ɔkɛnku bana ngba bukpidi bɔni na belie ku kalɛ na baabla ɔyikun ɔni na bebo lɛlɔ kabla kalɛ kalɛ na kalɔ kammɔ ƒui lɛlɔ ɔsu Unwoti úwida kalɔ kammɔ na ɔ́ya na bebuo kadikɔ kammɔ kénwini kalɔ kakwiidi na kasɔ kaládia lɛla lɛla bɔbla.

Yeremia 26:6

ndubo kakpakɔ kamɛni bɔbwɛ aani kalɛ na lɛ́bwɛ Siloa ɔma. Mmɔ mina kevo kedee kénye dii. Na Yerusalem ɔdubunwini kesii kani na ukyuli biala ɔdubɔkpali uwida ɔnii ɔdubɔlɛku-ɔ aani Yerusalem.’ ”

Yeremia 5:2

Ukyuli biala nése kenye kadi na mina lɛnyi kemmo ni, uládi-ka lɛlɔ.”

Yeremia 7:9

“Biiyú ala na bɛɛdú bekyuli na bɛɛnyi ɔkɔ na litemi katɛkɔ na bɛɛlɛ́ lɛlɔ kama na bina kɔgya ku ule ngba kemmo. Bɛɛkpá Baal baƒiɔ na bɛɛkyula oloƒui teete-nwu na uwi ɔni na baƒiɔ bamɛni ɔdi útabla lɛla lɛdi útete-mii kudii.

Esekiel 2:9

Mmɔ mmɔ ni, lɛ́nu ka kɔnu kɔdi kúnene kɔ́kywɛ-mi anumi na ɔda ebuo ɔku kakunkɛ kadi.

Daniel 9:11

“Ukyuli biala na Israel úni ƒula ɔda bubo na atuɔkplu bɔbla kemmo na buládi-mu lɛlɔ, anwuɔsu na ewida ani na ƒula kabla ɔblane Mose únweni úse ébo-bu lɛlɔ.

Hosea 4:2

Lɛlɔ buwida ku ɔkɔ bɔnyi ku bekyuli bɔdu ku kuyu ku lɛsɔnɔdi lɛlɔ kani na binye uwi ndi uwi.

Lewiƒuɔ Ɔda Bubo 19:11

“ ‘Ɔdi uteyu. “ ‘Na ɔdi utanyi ɔkɔ. “ ‘Na bitataanyi ɔkɔ taatɔlɔ lɛlɔ.

Lewiƒuɔ Ɔda Bubo 19:12

“ ‘Ɔdi utakpali-mi lɛnyi keeke na ubile ami bina Katɔti lɛnyi. Ami ndi Unwoti.

Amos 3:10

Unwoti ɔnini, “Bekyuli bamɛni baaagyi kalɛ na baabla lɛbuni. Béyu bekyuli, na béƒie ani báƒɔ ɔkplu kemmo bénwini bana lɛlakɛ.”

Sakaria 5:4

Unwoti Ɔyikune Ƒui ɔnini, ‘Líti kakunkɛ kamɛni muumene ukyuli biala na ɔdi uyune kaduli iye ɔda-mi lɛnyi na ɔkɛ ɔɔnyi ɔkɔ taavi. Na kakunkɛ kamɛni kadubɔƒɔ lɛlɔ kakya kaduli kammɔ kemmo útédu uwi ɔni na ligyiiku iye lɛtabi biala lɛ́bwɛ lɛ́yii udu.’ ”

Sakaria 8:17

Bitakya likpidi kɔkwɛ na bina bakpana lɛlɔ kudii na bitakpali ala bitanyi ɔkɔ bitasia bina bekyulikpana. Ɔsika ami, Unwoti, nkisi ala ammɔ udu.”

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Malakai 4:6

Na ɔdubɔtɔnku bebi ku bawɔne na bataayɔ lɛlɔ teetulo ɔƒɛni, kalɛ na si líbo ni, na neeebo naaabayila kalɔ kammɔ ƒui udu.”

Mateo 25:41

“Amu na ɔdubɔsu bani na ɔ́ya na bésie kama ɔnini, ‘Bɛkpɛ bɛlɛ-mi lɛlɔ, amii bani na Katɔti úwida! Biteesie lɛgyavonku lɛni neeeni kudii na Katɔti ɔ́klibi úse úte ukisine ɔmmɔ ku nwuna ayu ekpidi kemmo!

Luka 21:35

Na ɔdubɔbla aani kalɛ na kakpagyuɛ keedie ebuo. Na ukyuli biala ulálɛ-nwu kemmo.

Eƒesoƒuɔ 4:28

Ukyuli ɔni muuyú ni, ɔda buyu ɔya na uti nwuna enu ɔbla kabla kabuni na ɔkɛ ala na anwu lɛnɔ ubunku bawabane.

Timoteo 1 1:9

Na ɔlɛka buteenyimo lɛnɔ ka ni, ɔɔɔdi bekyuli babuni na bébo ɔda béte, mmomu batuɔkplune bani mɔɔƒiɔ́ Katɔti ɔda bubo ku bakantankpine ku bana udu bani ngba néyi ku ekpidi bɔbla. Badi bekyuli bani naaasiaku bɔƒɔtaadi bɔdi kama ku bani mɔɔdú bana bati ku beni ku bekyuli badune babambadi lɛnɔ.

Yakobo 5:12

Mina banwani, ɔmɛni ndi lɛla lɛni náƒɔ kuye lítulo. Bitakpali ala na bɛlɔ katɔ iye kalɔ iye lɛla lɛdi biala. Bɛya na bina ɛɛn ɔbla ɛɛn, na bina oowo ɔbla oowo. Na si bɛɛbla lɛni ni, Katɔti ɔɔɔdubo-mii kɔtɔ bɔdu.

Yakobo 5:4

Bɛnu! Kabla bablane bani nkya bina mmo ni, bíni na bítaƒɔ-ma kayu. Binu kalɛ na beewulo kɔnyana momoomo. Na bana keku kédu Katɔti, Bula Unwoti Ɔyikune Ƒui kudɔ.

Yosua 9:20

Na utalɛka butuku-ma ɔ́si Katɔti lɛnyi lɛni bɔ́kpali ɔsu. Na si bɔɔɔgyi na bútuku-ma ni, Katɔti ɔdubo-bu kɔtu bɔni.”

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.