Sakaria 4:7 - Katɔti Ɔku Kedee

⁷ “Na kɔbi kɔni na aanu na ƒula anumi mmɔ ni, badubo-ku bɔbwɛ búwi kalɔ kpɛtɛ kpɛtɛ. Na edie kakpakɔ lɛtabi lɛni náƒɔ kuye geen litulo ƒui mmɔ alɛku, na bɛdububo kudu momoomo bɛnini, ‘Unwoti ɔ́bla-bu lɛƒɔndia, na lɛtabi lɛmmɔ lɛdia geen!’ ”

Sakaria 4:7 ပူးပေါင်းရင်းမြစ်များ

Esra 3:10

Na si batune bammɔ bákya atabi ani beeti teese Unwoti kakpakɔ ɔtɔ kalɔ bɔtu ni, na bakpane bammɔ bakya bana bakpane lɛwu na beti bana kɔkpɛɛ bada. Na Lewiƒuɔ bani nási Asaƒ kaba kemmo beti bana agyala na bemwi Unwoti aani kalɛ na Ɔga Dawid úbo-ma ɔda ɔ́vi.

Kɔgya 114:4

Liƒu lɛ́ƒɔ abi ammɔ ƒui lɛlɔ na aata taawɔ aani kalɛ na bese baaƒulu na abinkpo lɛnɔ aaƒulu aani baƒonubi.

Kɔgya 114:6

Na amii abi nɔɔ, bi ɔsu na bina ɔbladu use aani kalɛ na bese baaƒulu? Na amii abinkpo bise aani kalɛ na baƒonubi baaƒulu.

Kɔgya 118:22

Lɛtabi lɛni na batune béni báva ni, ani nébenwini lɛtabi lɛni náƒɔ kuye lítulo na atabi ƒui akɔ.

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Yesaia 28:16

Unwoti ɔnini, “Binu! Lɛ́ƒuna lɛtabi lɛni náƒɔ kuye na Sion, na ɔdi lɛtabi kpakplaa lɛni mabala kowodu likpo. Na ukyuli biala ɔni maƒɔ madi ni, enu alaƒɛ-nwu kudii.

Yesaia 41:15

Bɛnu! Ndubo-mii bɔbla aani kukɔ kɔni anyi mbo ɔbi kaduɛ na bɛdubɔkɔ bɛvi abi ƒui lɛlɔ bɔbla kpɛtɛ kpɛtɛ aani ɔtumu.

Yeremia 33:11

lɛlɔyɔ kɔvanu ku ebiti kasala lidu lidu. Na adubunu ka beeti beleku taawɛɛ-ma ku ebiti katɔ. Na si bekyuli bébo-mi kudɔ na mina kakpakɔ banii beeti etela babakpa bete-mi ni, adubunu ka baasu banini, “ ‘Buumwi-ɔ, Unwoti Ɔyikune Ƒui! Bɛgya Unwoti enu, ɔsika ɔdia na ɔɔyɔ́-bu uwi ndi uwi.’ Na kalɔ kammɔ kadubɔsɔ kadia edula.

Yeremia 51:25

Bɛ́yila kadi bekyuli pii udu na kalɛ na bɛɛnu lɛlɔ ka bibo ɔyikun aani kɔbi ɔsu. Nsu ami nénwini bina ukisine ɔƒaamu. Na lɛkana na liƒie-mii na libo-mii lɛsiku atakpɛ lili mbaƒiɛmi kalɔ. Na si uwi ɔni na lɛ́wɔlɔ ala ani ƒui na nnii mɔɔbla ni, bɛdubunwini aani atimbɔ ani na bébo béwi na ɔƒɛ úƒi-nya.

Mika 1:4

Abi ƒui adubo bɔyɛɛlɛ aani kalɛ na kɔma kɔɔyɛɛlɛ na ogya kudɔ. Na lɛbonka libendi lɛyii lɛkya aani kalɛ na ntu bɔɔgbá taayu ɔkwalɛ ɔdi taatɔlɔ.

Mika 4:1

Na uwi ukplodi kemmo ni, kɔbi kɔni lɛlɔ na Katɔti kakpakɔ kenye ndubɔbla kɔbi kɔni náƒɔ kuye kutulo abi ƒui akɔ. Kɔdubɔkuku kɔvia abi ƒui eli na kadi bekyuli ƒui badubukeli besie mmɔ.

Habakuk 3:6

Si údi únye ni, kalɔ kammɔ ƒui kaakunku. Na si ɔ́nu ɔnusɛ ni, kadi bekyuli ƒui baatɔ́ kpakpaakpa. Na si ɔ́sia nwuna lilu kuuku lɛmmɔ lɛlɔ ɔɔví ni, abi ku abinkpo ani nnye uwi ƒui mmɔ aanyonu lɛlɔ na aabwɛ.

Sakaria 4:8

Ɔmmɔ kama ni, Unwoti ɔ́sɔ ɔ́tɛmiku-mi na ɔ́su-mi ɔnini,

Sakaria 4:9

“Serubabel nákya kakpakɔ kammɔ kowodu ɔka kalɔ buse, na anwu kani ndubo-nwu bɔwɔlɔ. Na ɔmmɔ ndubɔya na bekyuli ƒui banu bati ka ami, Unwoti Ɔyikune Ƒui, nátala-a lɛ́kya-ma.

Mateo 21:21

Amu na Yesu údie kenye ɔnini, “Mɔɔsu-mii geen nnii si bɛ́ƒɔ bɛ́di na bina kasusu keeese inyɔ inyɔ ni, bɛdubɔkana lɛla lɛni na lɛ́bla kɔdingyii kɔmɛni bɔbla. Nsu ɔɔɔdi ɔmɛni lɛti. Mmomu ni, bɛdubɔkana na bɛsu kɔbi kɔmɛni muedi bɛnii, ‘Gyu mɛni téduo ɛpu kemmo,’ na ɔdubɔlɛ lɛni.

Mateo 21:42

Na Yesu ɔ́su-ma ɔnini, “Bínu na Bunweni Kedee Ɔku kemmo ka ni, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ. Katɔti nábla lɛla bonwu lɛmɛni. Na lɛ́ƒɔ-bu anu geen!’ ”

Marko 12:10

Ngyi ka bɛ́ka Bunweni Kedee Ɔku kemmo kesii kani na ɔ́su ɔnii, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ.

Luka 20:17

Yesu ɔtɛ anu ɔ́nu-ma na úye-ma ɔnini, “Bi na Bunweni Kedee bɔmɛni kalɔ bɔɔtina bɔni mɔɔsu bɔnii, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ’?

Luka 3:5

Biyile lɛbonka na bɛbwɛ abi ku abinkpo ƒui na atɛ kalɔ. Na binyene lilu lɛni nábu. Na kesii kani nse kpukplo kpukplo ni, bɛbla-nwu suɛlɛ suɛlɛ.

Batalane Kabla 4:11

Na Yesu ɔmmɔ lɛlɔ na Bunweni Kedee bɔɔsu taasiku bɔnii, “ ‘Lɛtabi lɛni na amii batune bíni bɛ́va ni, ani nébo líbenwini lɛtabi lɛni náƒɔ kuye lítulo na atabi ƒui akɔ.’

Romaƒuɔ 11:6

Nwuna lɛƒɔndia lɛlɔ na ɔkɛ ɔ́ƒuna-ma, na ɔɔɔdi bana lɛla lɛni bábla ɔsu na ɔ́ƒuna-ma. Na si Katɔti ɔɔƒuna bekyuli na bana kabla bɔbla kenye ni, na nwuna lɛƒɔndia lɛɛɛdi lɛƒɔndia geen.

Eƒesoƒuɔ 2:20

Amii lɛnɔ bise aani kowodu kɔni na bátu bálɛ kpakplaa kɔni na batalane ku kenye bediene bammɔ bátu. Na Kristo ɔlati ndi kowodu kalɔ lɛtabi lɛni nda kowodu kɔmmɔ.

Petro 1 2:7

Na lɛtabi lɛmɛni lɛ́ƒɔ kuye geen líte amii bani náƒɔ-nwu bɛ́di. Nsu bekyuli bani nátaƒɔ-nwu bátadi ni, bati banii, “Lɛtabi lɛni na batune béni báva ni, ani mmomu nébenwini lɛtabi lɛni náƒɔ kuye litulo ƒui.”

Budie Taatina 16:20

Na ntuntɛ kɔlɔ ku abi ani ƒui nkya ni, áyii ákya.