Sakaria 4:2 - Katɔti Ɔku Kedee

² Amu na úye-mi ɔnini, “Bi na ánu?” Mmɔ na lídie kenye nnini, “Asogya kasiakɔ sika ugyiedi ugyii na kalɛkɛ kani kemmo na beewi nnɔmii bɔsia-nwu katɔ kakɛ. Na ugyii ɔmmɔ lɛlɔ ni, lɛsogya maatɛ lise lɛɛda, na asogya biala uudie ogya linyemi maatɛ.

Sakaria 4:2 ပူးပေါင်းရင်းမြစ်များ

Ala Alɛdi 1 28:15

Na adanku lɛsogya ku lɛsogya lɛmmɔ kasiakɔ ƒui lɛnɔ.

Ala Alɛdi 2 13:11

Na limeyi biala ni, kunyɔ na baakyula akpala ku oloƒui teete Unwoti. Na ala kasiakɔ kani na bábla-ka na kese kedee lɛlɔ na beeti bodobodo ɔni nse kedee mmɔ taasia na batu asogya ɔni nsia sika ugyiedi ligyii lɛlɔ mmɔ bese limeyi biala useyi uwi si ɔƒɛ ɔ́nu. Na bɔsiaku Unwoti bula Katɔti ɔda bubo, nsu amii bíni-nwu!

Ala Alɛdi 2 4:7

Na ɔ́bla sika ugyiedi asogya ligyii leevu na udu ɔni na bátina-nwu kenye. Na Salomo úti-ni únyene kakpakɔ kammɔ ɔtɔ unengudi ɔmmɔ kemmo. Na ɛlɔ bunye kakɛ kenwi na ɛlɔ lɛnɔ bunye kakɛ kakladi.

Etemila 12:6

Nyimo ƒula Udiene asa na lɛkun lɛni nda-a aani ɔkun mmɔ ukulo iye sika ugyiedi lɛkyami lɛni náƒɔ-ɔ kuye mmɔ lɛbwɛ, iye ƒula ketubui kabwɛ iye ɔbuli ɔni na eeti taani ntu taalɛku libiɔ kemmo mmɔ ukulo.

Yeremia 24:3

Unwoti ɔ́kpali-mi úye ɔnini, “Yeremia, bi na aanu?” Amu na lɛ́su nnini, “Mɔɔnu egyiibi adi na adi adia bɔdi geen, nsu akladi anya ébun na aaadia bɔdi.”

Yeremia 52:19

Bekpone unengu bagadine ɔgyumanane ɔmmɔ úti oloƒui ebui ammɔ ku ntu akyami gbion ani na bábla ku sika ugyiedi ku ɔƒualadi ƒui ɔ́tɔlɔku.

Amos 7:8

Ɔ́kpali-mi úye ɔnini, “Amos, bi na aanu?” Amu na lídie kenye nnini, “Kabuli kani mɔɔtina kowodu bunye.” Mmɔ na ɔ́su-mi ɔnini, “Kabuli kamɛni na líti mɔɔkɔ́ku mina kadi bekyuli Israelƒuɔ taatina ka baaakɛ ligeen, mmomu bese aani kowodu kɔni nábu na nsɔ lɛɛɛdubo-ma buti bɔkyiɛ.

Sakaria 5:2

Na ɔtu ɔmmɔ úye-mi ɔnini, “Bi na aanu mmɔ?” Amu na lídie kenye nnini, “Mɔɔnu ka ebuo ɔku kakunkɛ kani bune mabla aani lɛgba avlaatɛ na kana bɔbɛbɛ bɔbla aani lɛgba leevu-ɛlɔ kéveyi kaaví.”

Budie Taatina 1:12

Amu ka lɛ́tu línwini nnii mɔɔnu ukyuli ɔni mɔɔtɛmiku-mi ni, lɛ́nu sika ugyiedi ligyii maatɛ lɛni lɛlɔ na asogya ɔɔsia.

Budie Taatina 1:20

Ayabi maatɛ ani na ánu na mina kɔdianu ku sika ugyiedi ligyii lɛmmɔ enye ete lɛla lɛdi. Na ana kalɔ na ndubo budie mɛni. Ayabi maatɛ ammɔ ndi Katɔti batu maatɛ ute baƒɔtaadine akpa maatɛ ammɔ. Na sika ugyiedi ligyii lɛmmɔ ndi baƒɔtaadine akpa maatɛ ammɔ.”

Budie Taatina 4:5

Na ogya ɔɔbwɛ ku bukeye geen taasi lɛgaboku lɛmmɔ kudɔ! Na muunú adi adi ku ɔnantu budu kɔku na mmɔ. Na lɛgaboku lɛmmɔ anumi ni, lɛsogya maatɛ lɛɛda. Na ani ndi Katɔti Kɔyu kɔni mbo ɔyikun maatɛ ɔni nnye Katɔti lɛgaboku anumi.