Sakaria 3:9 - Katɔti Ɔku Kedee

⁹ Yosua, líti lɛtabi lɛdi lɛ́va-a anumi na lɛtabi lɛmmɔ libo lɛƒɛnyi maatɛ. Na ndubo lɛla lɛdi bunweni bɔsia lɛtabi lɛmmɔ lɛlɔ. Na limeyi linwi lɛdi lɛlɔ kani na ndubo kalɔ kamɛni bekyuli ekpidi ani na bábla báƒiɔ-mi buti bɔkyiɛ-ma.

Sakaria 3:9 ပူးပေါင်းရင်းမြစ်များ

Baga 1 1:20

Mina ati ɔga, Israelƒuɔ ƒui anumi asia-a lɛlɔ ka benu basiku-ɔ kudɔ ukyuli ɔni ndubulie-ɔ liboku lɛlɔ aani ɔga kalɛ si asɔ eeebo.

Ala Alɛdi 2 16:9

Unwoti ɔɔsia ukyuli biala anu uwi biala na uuti nwuna ɔyikun teete bani na béti bana anu básia-nwu lɛlɔ na basiaku-nwu kama siin uwi biala. Nsu kɔdɔlɔ lɛla na awɔ ábla mɛni. Na ɔmmɔ ɔsu keyi buɛɛ kasɔ kaaadubo ƒula lɛgakadikɔ kammɔ bɔkya uwi ɔdi lɛnɔ.”

Kɔgya 103:12

Na kalɛ na ɔƒɛ katukɔ kágyunku ɔƒɛ kanukɔ ni, lɛni na ɔɔda-bu ekpidi teedie teevaakun na bula lɛlɔ.

Kɔgya 118:22

Lɛtabi lɛni na batune béni báva ni, ani nébenwini lɛtabi lɛni náƒɔ kuye lítulo na atabi ƒui akɔ.

Israelƒuɔ Bɔlɛ 28:11

Na enweni Israelƒuɔ bebi anyi leevu-anyɔ asia atabi anyɔ ammɔ lɛlɔ. Bla-nya aani kalɛ na atabi banwine baanwí atabi kemmo ku ala bunweni. Na eti sika ugyiedi kɔbuli aka-nya,

Israelƒuɔ Bɔlɛ 28:21

Ɔlɛka atabi ammɔ abla leevu-inyɔ na enye ete Israel bebi leevu-inyɔ bammɔ anyi kenye. Na atabi ammɔ adubɔbla aani ekposela atabi, na adubɔnwi bana anyi asia unwi unwi.

Israelƒuɔ Bɔlɛ 28:36

“Na eti sika ugyiedi na abla kalɛkɛ blii kadi na anwi-nwu kemmo enweni asia anii, ‘Ɔmɛni use sɛsɛɛ ute Unwoti.’

Yesaia 28:16

Unwoti ɔnini, “Binu! Lɛ́ƒuna lɛtabi lɛni náƒɔ kuye na Sion, na ɔdi lɛtabi kpakplaa lɛni mabala kowodu likpo. Na ukyuli biala ɔni maƒɔ madi ni, enu alaƒɛ-nwu kudii.

Yeremia 31:34

“Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ. Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ. Na ndubuti bana alaekpidi ani ƒui bábla lɛkyiɛ-ma. Na nsɔ lɛɛɛdubo bana ekpidi bunyimo kudii.

Yeremia 50:20

Ndubudie Israelƒuɔ ku Yudaƒuɔ nkyuli ɛlɛɛ badi na ndubuti bana ekpidi lɛkyiɛ-ma ɔni na ɔdi ɔsɔ ulanu ekpidi bɔƒiɔ biala bɔdi ka bɔkya-ma lɛlɔ.”

Sakaria 13:1

“Libiɔ lɛdi lɛdubo bɔkya na uwi ɔni mebo kemmo, na nina kemmo na Dawid bebi ku bawɔ badubɔkana na baƒɔ bana ekpidi ku bɔƒiɔ ƒui bedie lɛlɔ.”

Sakaria 3:4

Anwuɔsu Katɔti ɔtu ɔmmɔ ɔ́su bekyuli badi ɔnii bada-nwu adala ani nánwu ammɔ bedie-nwu lɛlɔ. Na únwini na ɔ́su Yosua ɔnini, “Ɔmɛni ɔɔtina ka béti ƒula ekpidi bákyiɛ-ɔ. Na ɔƒɛni ni, ndubɔkya-a ɔkpane bɔdi lɛwu.”

Sakaria 4:10

Na bekyuli bani ƒui nátanu limeyi lɛmɛni bátabu na kalɛ na ala amɛni eesié kalɔ blii mɛni ɔsu ni, ama ndubo babadi limeyi uwi ɔni na badubɔnu ka Serubabel ɔda lɛtabi lɛni náƒɔ kuye geen mɛni. Na lɛsogya maatɛ lɛmmɔ linye lite ami Unwoti anumi ani náka ámana kalɔ kammɔ ƒui, na aanu lɛla biala kemmo nwaa.”

Yohane 1:29

Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.

Yohane 6:27

Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Batalane Kabla 4:11

Na Yesu ɔmmɔ lɛlɔ na Bunweni Kedee bɔɔsu taasiku bɔnii, “ ‘Lɛtabi lɛni na amii batune bíni bɛ́va ni, ani nébo líbenwini lɛtabi lɛni náƒɔ kuye lítulo na atabi ƒui akɔ.’

Romaƒuɔ 9:33

Ɔmmɔ ɔsu na bétulo Kristo ɔni nse aani lɛtabi lɛni náda-ma ulu aani kalɛ na ɔkya Bunweni Kedee Ɔku kemmo banini, “Binu! Lɛ́ƒuna lɛtabi lɛdi na Sion lɛni ndubɔya na bekyuli betulo. Na ani kani ndubɔya na begyiile bebuli. Nsu ukyuli biala ɔni maƒɔ-nwu madi ni, kɔƒa kulékpo-nwu kudii.”

Korintoƒuɔ 2 1:22

Anwu nése-bu likpo úti ɔ́tina ka anwu mbo-bu uwi ɔni na úti nwuna Kɔyu ɔ́kya-bu lɛlɔ kemmo. Na kuna lɛlɔ na búti bula kama búkpo na ala ani ƒui na ɔ́klibi úse úte-bu lɛlɔ.

Korintoƒuɔ 2 3:3

Use nwaa ka Kristo ɔlati ɔ́sia-bu lɛlɔ na ɔ́ya na bɛ́ƒɔ bɛ́di. Anwuɔsu bise aani ɔku ɔni na únweni. Ɔɔɔdi unwenigyii na úti únweni ala ammɔ. Mmomu Katɔti Kɔyu ɔyikun na úti na únweni-nya ɔsia. Na ɔɔɔdi atabi lɛlɔ na únweni ɔ́sia aani kalɛ na ɔ́bla kukuuku, mmomu bekyuli kayi.

Timoteo 2 2:19

Nsu ni, Katɔti ɔtɔ kalɔ lɛtabi lɛni na ɔ́kya ni, lɛla biala lilakana-ni bɔkunku. Na lɛtabi lɛmɛni lɛlɔ ni, únweni etemila amɛni ɔ́sia ɔnini, “Blɔti ɔgyi bekyuli bani ndi anwu badi,” ku “Ukyuli ɔni masu ɔnii ɔsiaku Blɔti ni, ɔlɛka unwini kama ɔkya ekpidi bɔbla.”

Hebriƒuɔ 7:27

Na uuuse aani bakpane benengudi babambadi bammɔ kalɛ bani nálɛ ka bataabla akpala na ama ku bekyuli bakladi lili taasia kama limeyi ndi limeyi. Mmomu kunwi kɔni na anwu úti lɛlɔ ɔ́kpa na bekyuli ƒui lili ni, ɔ́kpa kunwi pɛ kɔmmɔ kani na ɔ́sa.

Yohane 1 2:2

Na Kristo ɔmmɔ ɔlati úti nwuna ngba ɔ́kpa na bula lili, kalɛ na ɔklibi abu ku Katɔti ntɛ. Nsu ɔɔɔdi abu lɛti ekpidi lili, mmomu ku bayawine ƒui ekpidi lili.

Budie Taatina 5:6

Ɔmmɔ kama ni, lɛ́nu ka Katɔti Koƒonu Ubi ɔdi unye agaboku ammɔ lɛlɔ. Na ngba batu ine bammɔ ku benengu aavlanyɔ-ine bammɔ báka bámana-nwu. Na ɔɔtina aani si bɔkpa na béti-nwu bákpa. Ese maatɛ alɛ Koƒonu Ubi ɔmmɔ lili, na ubo anumi maatɛ. Na alakpa maatɛ amɛni adi Katɔti Kɔyu kɔni mbo ɔyikun maatɛ kɔni na Katɔti ɔ́tala ɔ́kya kayawi ƒui.