Sakaria 3:4 - Katɔti Ɔku Kedee

⁴ Anwuɔsu Katɔti ɔtu ɔmmɔ ɔ́su bekyuli badi ɔnii bada-nwu adala ani nánwu ammɔ bedie-nwu lɛlɔ. Na únwini na ɔ́su Yosua ɔnini, “Ɔmɛni ɔɔtina ka béti ƒula ekpidi bákyiɛ-ɔ. Na ɔƒɛni ni, ndubɔkya-a ɔkpane bɔdi lɛwu.”

Sakaria 3:4 ပူးပေါင်းရင်းမြစ်များ

Samuel 2 12:13

Mmɔ na Dawid ɔ́su Natan ɔnini, “Lɛ́bla likpidi lɛ́ƒiɔ Unwoti.” Na Natan lɛnɔ údie kenye ɔnini, “Unwoti úti ƒula likpidi ɔ́kyiɛ-ɔ ɔni na ɔɔɔdubo bɔya na ekpi na ɔmmɔ ɔsu.

Baga 1 22:19

Amu na Mikaia úsie anumi ku nwuna kenye budie ɔnini, “Ɔmmɔ ɔsu binu Unwoti litemi. Lɛ́nu ka Unwoti úli nwuna liboku lɛlɔ na katɔ batu ƒui bénye-nwu kɔmii ku kɔdianu.

Kɔgya 51:9

Veli mina alaekpidi ƒui die-mi lɛlɔ na edie-nya atu.

Yesaia 43:25

“Nsu na ukyuli ɔni na ndi ɔsu ni, mɔɔƒɔ bina ekpidi teedie-mii lɛlɔ uwi biala. Anwuɔsu ndubo bina ekpidi ani ƒui na bɛ́bla bɛ́ƒiɔ-mi bɔyiƒala.

Yesaia 44:22

Binwini bibo-mi kudɔ, ɔsika lɛ́ƒɔ-mii ngba na lídie bina ekpidi ƒui bina lɛlɔ aani kalɛ na liƒlukutu lɛɛyii takya kayaa.

Yesaia 52:1

Yerusalem, ta nye! Sion ɔma kedee, nye lɛgba lɛlɔ kpakplaa na ada lɛlɔ ku ƒula adala abuni ƒui. Ɔsika baƒɔ bani nébo bébebile ɔma kedee ɔmmɔ kemmo basɔ baaadubo keliekɔ kadi bɔkɛ na ƒula kemmo ɔƒɛni amu.

Yesaia 61:10

Lɛlɔ lɛɛyɔ́-mi na Unwoti lɛlɔ na ebiti aada mina kɔyu na lɛla lɛni na mina Katɔti ɔ́bla úte-mi ɔsu. Kalɛ na ɔ́ƒɔ-mi ngba use aani kalɛ na baaklibi uleku teesienku kawɛɛkɔ. Na lɛduni lɛni mɔɔtina ka ɔ́bla-mi siin lɛma-mi lili aani ɔkpane lɛduni lɛni na uubi lili.

Yesaia 61:3

Na lɛƒɔ lite bani nkya Yerusalem, na lɛya na bana anumi eteekeye ku lɛlɔyɔ ku lɛma na bana kɔnyana buwulo kenye. Na beteedie bumwi lɛnu, na kɔnyana lɛnu kenye. Na babla aani egyii ani na Unwoti ɔlati ɔ́lɛ, na aalɛ́ lili siin, na batina kalɛ na Unwoti uukeye.

Yeremia 52:33

Anwuɔsu béte Yekonia kuƒi ka ɔ́vumana nwuna batɔntɛne adala. Na utaadiku Babilonƒuɔ ɔga ɔmmɔ na kadikɔ kenwi utédu uwi ɔni ukpi.

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Esekiel 42:14

Si uwi ɔni na bakpane báklibi lɛlɔ ka balɛ kakpakɔ kammɔ kemmo ni, lɛtɔ lɛmɛni kemmo na ɔlɛka basia asa na benwini besie kaduli kammɔ kemmo. Na bana adala ani na bábla bése sɛsɛɛ ute kabla kammɔ ni, mɛni na ɔlɛka bedie adala ammɔ bese na beti adala bamba bada asa na ama ku bekyuli bamba bataasala ku lɛlɔ.”

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Mika 7:19

Ɔdubɔyɔ-ɔ kaƒɔ ka asɔ anu-bu kɔnyana na anya bula ekpidi esusu kalɔ na ebo-nya ƒui avaakun atákya ɛpu kemmo.

Sakaria 3:1

Bédie lɛla bamba bátina-mi. Na uwi ɔmɛni kemmo ni, lɛ́nu ka ɔkpane unengudi Yosua unye Katɔti ɔtu ɔmmɔ anumi, na Satan lɛnɔ unye kagyumana na Yosua kɔdianu kakɛ ka ɔdu-nwu kɔtɔ.

Sakaria 3:7

“Si ádi mina litemi lɛlɔ geen ni, ndubuti-ɔ linyene mina kakpakɔ kammɔ kenye na ataanu-ka lɛlɔ ku kana kaduli kammɔ ƒui. Na adubɔkɛ kuƒi ka atɛmiku mina batu bani nnye-mi kudɔ uwi biala kemmo.

Sakaria 3:9

Yosua, líti lɛtabi lɛdi lɛ́va-a anumi na lɛtabi lɛmmɔ libo lɛƒɛnyi maatɛ. Na ndubo lɛla lɛdi bunweni bɔsia lɛtabi lɛmmɔ lɛlɔ. Na limeyi linwi lɛdi lɛlɔ kani na ndubo kalɔ kamɛni bekyuli ekpidi ani na bábla báƒiɔ-mi buti bɔkyiɛ-ma.

Mateo 22:11

“Na ka ɔga ɔmmɔ úduo úsie utánu bekyuli bani nlie kadikɔ mmɔ ni, ɔ́nu ɔnana ɔni naaakya uleku ketikɔ limeyi bɔdi awu.

Luka 1:19

Amu na ɔtu ɔmɛni údie kenye ɔnini, “Ami ndi Gabriel ɔni muunye Katɔti anumi. Anwu nátala-mi ɔnii mbasu-ɔ kenye kabuni kamɛni.

Luka 15:22

“Nsu ni, ɔti ɔ́kpali nwuna kabla bablane ɔnii, ‘Bɛbabla na biti adala abuni bibakya-nwu. Na biti asɛɛ ku lɛgbanvuo lɛbuni lɛnɔ bɛkya-nwu enu ku lɛgba.

Yohane 1:29

Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.

Romaƒuɔ 3:22

Katɔti ɔɔyá na bekyuli baabla siin si báƒɔ Yesu Kristo bádi. Ɔɔbla ɔmɛni teete bekyuli bani ƒui náƒɔ Kristo bádi. Na ulákya kavumana kadi na bekyuli bammɔ ntɛ.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Korintoƒuɔ 1 6:11

Lɛni na nka amii badi bíse. Nsu Blɔti ɔ́ƒɔ-mii ekpidi údie-mii lɛlɔ kemmo na ɔ́bla-mii kedee úte Katɔti. Na amii ku Katɔti ntɛ bɔ́sɔ bɔ́dia ɔkɛ Blɔti Yesu Kristo ku Katɔti Kɔyu ɔsu.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Koloseƒuɔ 3:10

Na bínwini bekyuli bawɔdi. Na Katɔti ɔɔyá na bɛɛdia teebu, na bina udu ɔbla aani anwu ɔdi kalɛ na bɛti-nwu geen.

Hebriƒuɔ 8:12

Na ndubuti bana alaekpidi ani ƒui bábla lɛkyiɛ-ma. Na nsɔ lɛɛɛdubo bana ekpidi bunyimo kudii.”

Budie Taatina 5:11

Ka lɛ́sɔ lɛ́nu ni, lɛ́nu katɔ batu mpim ɛlɛ ɛlɛ ku mpim leevu akpa leevu alɛ alɛ ka bénye bámana lɛgaboku lɛmmɔ ku ngba batu ine ku benengu bammɔ.

Budie Taatina 7:14

Amu na lɛ́su-nwu nnini, “Ati, lɛɛɛgyi-ma. Awɔ ngyi bekyuli bamɛni.” Amu na ɔ́su-mi ɔnini, “Bekyuli bamɛni ndi bani nénye lɛbibo bonwu lɛmmɔ kenye, na bálɛ-nwu kemmo. Bábla sɛɛn na Koƒonu Ubi ɔmmɔ ubugya ɔsu, aani kalɛ na baaƒɔ lɛwu na lɛɛƒuala.