Sakaria 3:1 - Katɔti Ɔku Kedee

¹ Bédie lɛla bamba bátina-mi. Na uwi ɔmɛni kemmo ni, lɛ́nu ka ɔkpane unengudi Yosua unye Katɔti ɔtu ɔmmɔ anumi, na Satan lɛnɔ unye kagyumana na Yosua kɔdianu kakɛ ka ɔdu-nwu kɔtɔ.

Sakaria 3:1 ပူးပေါင်းရင်းမြစ်များ

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Ala Kalɔ Buse 48:16

Na ɔ́ya na nwuna ɔtu údie-mi na ɔdi útabla-mi kalala kadi. Muuvele nnii ute bebi bananabi bamɛni kusɛ kusɛ. Mina lɛnyi ku mina bati bani ndi Abraham ku Isak lɛnyi na badubo bɔdi. Na muuvele nnii bawɔ na bemomo na baƒɔ lɛnyi na kayawi.”

Ala Alɛdi 1 21:1

Satan, ukisine ɔmmɔ, ɔ́lɛ ugyii ka uti ɔgbankpi uboku Israel lɛlɔ. Anwuɔsu na ɔ́ya na Dawid ɔ́bla kasusu ka ɔdi lɛla lɛbuni ka ɔka nwuna bekyuli na ɔti bana bumomo na Israel ku Yuda.

Ala Alɛdi 2 29:11

Anwuɔsu ni, banwa, bitaya na bubile uwi. Amii na Unwoti ɔ́ƒuna ka bɛbla nwuna bakpane na biti akpala bite-nwu.”

Esra 10:18

Na banana bani néti kadi bamba beleku anyi ndi amɛni. Yosadak ubidi Yesua ku nwuna banwani ku Maaseia ku Elieser ku Yarib ku Gedalia.

Esra 2:2

Na bana batɔnkune ndi Serubabel ku Yesua ku Nehemia ku Seraia ku Reelaia ku Mordekai ku Bilsan ku Mispar ku Bigwai ku Rehum ku Baana. Na Israelƒuɔ lɛtɔ ku bana bumomo bani nénwini bébo anyi ndubo mɛni.

Esra 5:2

Amu na Sealtiel ubidi Serubabel ku Yosadak ubidi Yesua bénu bana etemila ani baasu mmɔ, na básɔ bése kalɔ báatu Unwoti kakpakɔ na Yerusalem. Na kenye bediene inyɔ bammɔ béte-ma kebunku.

Kɔgya 106:23

Anwuɔsu uwi ɔni na ɔ́bla kasusu ka ɔyila-nwuna bekyuli udu ni, Mose ɔni ndi nwuna kabla ɔblane ɔƒunadi unye ɔda-ma na úvele Katɔti ka nwuna kɔnyi kɔyɔ-nwu na ɔda-ma bɔkyula ɔya.

Kɔgya 109:6

Na baasu muedi banini, “Ya na bekyuli bekpidi badi bada-nwu kenye ka ɔɔbla likpidi. Na bana ɔdi ɔni-nwu uboku litemi katɛkɔ.

Yeremia 15:19

Mmɔ na Unwoti ɔ́su-mi ɔnini, “Da bɔtɛmi aani ɔdɔlɔdi lɛni ya! Si ƒula kasusu kénwini kébo-mi kudɔ na ákɔ mina litemi lɛsa ni, ndubɔya na asɔ ataabla mina kenye udiene kabla. Na mɔɔnu ulu ka Yudaƒuɔ baƒɔ kenye kani na aasu-ma. Nsu tabu anii baaadubo-ɔ butaayila na bataakya-a liƒu.

Esekiel 44:11

Ndubɔsɔ lite-ma kuƒi na bataabla kabla teete-mi na mina kakpakɔ aani kayakun bɔgyumana ku bebuo bani na badubuti bakpa-mi bɔdu na beteebunku bakpane bammɔ.

Esekiel 44:15

Unwoti ɔnini, “Lewi kɔdua bebi bani ndi bakpane na bási Sadok ɔtɔ kemmo ni, bátalɛmi kama uwi ɔni na Israelƒuɔ bénwini kama bákya-mi. Anwuɔsu ama kani ndubo bakpane kabla butaabla teete-mi. Na ama ndubo bebuo ubugya ku lɛmwi buteeti taakpa-mi.

Hagai 1:1

Unwoti ɔ́su Kenye Udiene Hagai kenye kadi ka utásu aban ɔgadine unengu na Yuda ku ɔkpane unengudi ɔmmɔ uwi ɔni na Ɔga Unengudi Dario ɔɔdi lɛga na Persia kalɔ lɛlɔ na lɛkwa linyɔdi kɔbuli kɔkundi kuna limeyi lideedi lɛlɔ. Amu na Hagai úsie Sealtiel ubidi ɔnanabi ɔni baalɔ Serubabel ɔni ndi aban ɔgadine unengu ku Yehosadak ubidi ɔnanabi ɔni baalɔ Yosua ɔni ndi ɔkpane unengudi ku kenye kammɔ.

Hagai 1:12

Ɔmmɔ kama ni, Serubabel ku Yosua ku bani ƒui nénwini bási Babilon kalɔ kesii kani na béƒie-ma bésienku bébo ni, bése kalɔ beenú Unwoti litemi na baadi-ni lɛlɔ aani kalɛ na Kenye Udiene Hagai ɔ́su-ma, na baabu Unwoti kalɛ na ɔ́manku.

Hagai 2:4

Nsu amii ni, bɛkya ɔkplu na binye kabla kammɔ lɛlɔ! Ɔsika ami, Unwoti Ɔyikune Ƒui, ndubɔkya-mii akɔ mɛni, na libunku-mii na kabla kammɔ kemmo

Sakaria 1:13

Na kenye kani na Unwoti ɔ́su nwuna ɔtu ɔmɛni lɛɛsia-nwu kɔnu na lɛɛkya-nwu kayi ɔkplu lɛnɔ.

Sakaria 1:19

Na ɔtu ɔni na Katɔti ɔ́tala ka ubedie ala ammɔ kalɔ unye mmɔ. Anwuɔsu líye-nwu nnini, “Ala ani na mɔɔnu mɛni kalɔ ndi bi?” Amu na údie kenye ɔnini, “Ese amɛni enye ete kadi bekyuli bani négyingya Yuda ku Israel ku Yerusalem bekyuli na báya na basɔ beeebo keyi buɛɛ kadi.” Ɔmmɔ kama ni, Unwoti údie ala bakywɛne ine badi ɔ́tina-mi na líye-nwu nnini, “Bi na ama badubo bɔbla?” Údie kenye ɔnini, “Badubo ese ammɔ liƒu bɔkya na bebo-nya babwɛ na bebile bekisine bammɔ ɔyikun ƒui.”

Sakaria 1:9

Na Katɔti ɔtu ɔdi unye mmɔ kalɛ na udie ala kalɔ ute-mi. Anwuɔsu líye-nwu nnini, “Ati, ɔma bene ndi bapɔnkɔ beliene bamɛni?” Mmɔ na ɔtu ɔmɛni údie kenye ɔnini, “Ndubo-ɔ bɔsu.”

Sakaria 2:3

Na uwi ɔmmɔ kemmo ni, Katɔti ɔtu ɔni nnye mɔɔtɛmiku-mi mmɔ ɔ́bla aani bɔgyu na ɔda kani na ɔtu ɔbambadi ɔ́si úbalɛ-nwu kudɔ,

Sakaria 3:8

“Ɔkpane Unengudi Yosua, se kɔtu kaduɛ na enu ku amii bakpane bamba ƒui lɛnɔ. Amii ndi likposela lɛni nnye ala ani ndubo abalɛ uwi ɔni mebo kenye ɔƒaani. Ɔsika ndubɔsɔku mina kabla ɔblane, Ɔga Ɔƒunadi ɔmmɔ, ɔni baalɔ banii kugyii kagba liboku.

Sakaria 4:14

Amu na ɔ́su-mi ɔnini, “Kɔgba kɔmɛni kunye kute batɔnkune inyɔ bani na béwi-ma lili nnɔmii na báƒuna-ma mmɔ na benye bayawine ƒui Unwoti kudɔ.”

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Luka 21:36

Anwuɔsu binye kagyumana na bitaakpali katɔ uwi biala kalɛ na bɛkɛ ɔyikun na bɛlɛ sɛɛn na ala ani ƒui ndubɔlɛ mɛni kemmo ku kalɛ na bɛkana ami, Ukyuli Ɔyawine Ubi, litemi bɔtɛ kenye bunye.”

Luka 22:31

Mmɔ na Yesu ɔ́su Simon Petro ɔnini, “Simon, Simon! Se atu! Katɔti úte Satan kuƒi ka ɔkɔku-mii ɔnu na ule bani ndia ku bani naaadia ntɛ aani kalɛ umonsene ɔɔƒɛ́ kamu ebi taalɛku ligyɔ kemmo.

Lɛkpa Ulu 10:8

Na uwi ɔni na líti atabi ammɔ lɛ́yulaku kɔbi ḿbakya Bunyimi Adaka ɔmmɔ kemmo ni, Unwoti údie Lewi kɔdua bekyuli ka ama nteeti adaka ɔmmɔ. Na bénwini Unwoti Bakpane. Na ama ndubo kusɛ kusɛ buteeti teete Israelƒuɔ na Unwoti lɛnyi kemmo. Na bataabla-nwu kabla aani kalɛ na use ɔmwi.

Lɛkpa Ulu 18:15

Mmomu ɔdubuti kenye udiene ɔdi umene aani ami Mose kalɛ. Na ukyuli ɔmmɔ ɔdubɔsi bina kadi bekyuli akɔ. Na si úbo ni, na ɔdi biala unu-nwu litemi.

Petro 1 5:8

Bɛda kayi bɛva kalɔ buɛɛ na binye kagyumana! Ɔsika bina ukisine ɔni ndi ɔbɔnsamu mmɔ ɔsiaku-mii aani gyata ɔni nkɛ mɔɔva taavi na ɔɔwia ukyuli ɔni na uƒie.

Samuel 1 6:20

Ɔmmɔ ɔsu Bet-Semesƒuɔ béye banini, “Ɔma mbo ɔyikun na ɔkali ɔnii uunye ɔsiaku Unwoti Katɔti Kedee ɔmɛni. Na ɔma na bɔdubuti Unwoti Bunyimi Adaka ɔmɛni bumene ɔƒaani?”