Sakaria 2:8 - Katɔti Ɔku Kedee

⁸ Mmɔ na Unwoti Ɔyikune Ƒui ɔni muukeye údie lɛdi úte-mi ɔnii nsu kadi bekyuli bani nékpo Sion na béyu-nwu ala bátɔlɔku nnini, “Sion ɔ́ƒɔ ami Katɔti kuye geen aani mina lɛnumi. Anwuɔsu lɛla biala na bɛ́bla ɔma ɔmmɔ ni, anwu na bɛ́bla.

Sakaria 2:8 ပူးပေါင်းရင်းမြစ်များ

Ala Kalɔ Buse 20:6

Amu na Katɔti ɔ́su-nwu na kɔna kemmo ɔnini, “Sɔsɔ na ɔdi, ngyi ka lɛla lɛni na ábla ni, ƒula kayi kaladu-ɔ kɔtɔ. Ɔmmɔ ɔsu na ńtaya na ablaku-nwu likpidi lɛdi iye etuku-nwu na aƒiɔ-mi.

Baga 2 24:2

Amu na Unwoti úti bekpone ɔ́siku Babilon ku Siria ku Moab ku Amon ka bétékpoku Yehoiakim na bayila Yudaƒuɔ udu aani kalɛ na Unwoti úti ɔ́siaku nwuna kenye bediene lɛlɔ ka ɔdubo Yuda bɔbla.

Kɔgya 17:8

Da-mi kɔkɔɔkɔ aani ƒula lɛnumi kalɛ, na abɛla-mi aani kalɛ na akɔkɔ ɔɔbɛla nwuna bebi na avwi akɔ.

Agba 7:2

Da-mu kaduɛ na adubulie ngba. Gyumana-mu aani kalɛ na adubɔgyumana ƒula lɛnumi.

Yesaia 49:19

Ɔƒaani ni, buse na Yerusalem use aani ɔma ɔni na ɔ́bwɛ na lɛla lɛdi lɛsɔ liiibo-nwu kemmo. Nsu badubɔsɔku-nwu batu na bekyuli baƒɔ ɔma ɔmmɔ kemmo tɛtɛɛtɛ. Na bekisine balalane bani nkya ɔma ɔmmɔ lɛlɔ ama badubusie ɔgyu kakaaka na ɔma ɔmmɔ kudɔ.

Yeremia 12:14

Unwoti ɔnini, “Mina bekyuli Israelƒuɔ na líti kalɔ kamɛni líte. Nsu bekisine bani náka bámana-ka bekpo na béyu-ka ƒui. Ɔmmɔ ɔsu ndubo-ma bɔgyu budie bana kɔlɔ lɛlɔ aani kalɛ na ndubo Yuda bɔgyu budie nwuna kalɔ lɛlɔ.

Esekiel 25:12

Amu na ɔmmɔ kama ni, Unwoti Katɔti ɔ́su ɔnini, “Edom kadi bekyuli báƒiɔ na bedie Yudaƒuɔ kasi kadi.

Esekiel 25:15

Unwoti ɔnini, “Ƒilistiƒuɔ balalane bamɛni béedie bana bekisine kasi básia kama kɔlɛ kɔlɛ na báwia ka bayila bana bekisine bammɔ udu kede kede.

Esekiel 26:2

“Esekiel, ɔyawine ubi, Tiro ɔma unengudi bekyuli bátɔ ku lɛlɔyɔ lɛnu budie ka bekisine békpo Yerusalem na badi-nwu lɛlɔ na baasu banini, ‘Yerusalem úbuli! Uwi ɔni návi ni, badi kadi bekyuli bani na bebo ɔkplu geen na mmɔ kadi kuye kadikɔ kenengudi geen lɛnɔ. Na ɔƒaani ni, ɔmmɔ ɔ́yii udu na úbo kalɔ. Na abu ndubo-ma kenye bɔƒɔ ɔƒaamu.’

Esekiel 26:20

na bɛyii bɛkya kekpine kesii kani na bati kuuku bani lɛma na bábwɛ bésie bákya ɔ́si kukuuku uwi ƒui. Mmɔ na bɛdubo bɔkya na bɛsɔ bilabla ɔma bonwu ɔni na bekyuli badubɔƒɔ-nwu kemmo pii kudii.

Esekiel 35:5

“ ‘Amii Edom kadi bekyuli ni, ɔɔɔdi bekisine kani na bɛdi bite Israelƒuɔ ɔ́si kukuuku, mmomu lɛlɔ lɛ́yɔ-mii na bínye bɛ́nu uwi ɔni na ɔgbankpi úbo-ma lɛlɔ na baadú-ma ƒui ku kuwii teewi kalɔ aani bana lɛtuni na ekpidi ani na bábla ɔsu.

Esekiel 36:11

Bɛdubɔwɔ bebi na bina bebuo lɛnɔ bawɔ. Na nsɔ lɛɛɛdubo-mii atu budie aani kalɛ na use ɔƒɛni. Mmomu bɛdubo bumomo geen na lɛda-mii kaduɛ litulo kudeedi ƒui na bɛnu bɛti ka ami ndi Unwoti.

Esekiel 38:11

bɛnii bɛdubɔkɛ kadi bani bekyuli nse kpɛtɛ kpɛtɛ na beli ku atu bɔyɔ mmɔ lɛlɔ kɔsia. Ɔsika beli lɛma lɛni na bátatu awodu bátamana-ni na bakya-ni ɔban kɔyakun bonwu na babala-ni.

Esekiel 38:14

“ ‘Ami Unwoti Katɔti ngyi ka si uwi ɔni na ánu mina bekyuli bamɛni ka beli ku keyi buɛɛ lɛni ni, adubo ƒula bekpone bapɔnkɔ beliene bɔtɔnku katɔ mmɔ na ƒula lɛga kadikɔ mmɔ eboku.

Amos 1:11

Unwoti ɔnini, “Ndubo Edomƒuɔ kɔtu bɔni na bana ekpidi pii ani na ɔ́bla ɔsu, na lɛɛɛdubo mina kasusu bɔvumana. Bádu ama alati bana lɛlɔ bekyuli ku lɛnungyie lɛni ɔsu na bátakana na banu-ma kɔnyana ina blii suɛ.

Amos 1:13

Unwoti ɔnini, “Ndubo Amonƒuɔ kɔtu bɔni na bana ekpidi pii ɔsu na lɛɛɛdubo mina kasusu bɔvumana. Ɔ́wawa baƒɔndane ɔ́du na Gilead kalɛ na uti kalɔ kammɔ ɔsu.

Amos 1:9

Unwoti ɔnini, “Ndubo Tiroƒuɔ kɔtu bɔni na bana ekpidi pii ɔsu, na lɛɛɛdubo mina kasusu bɔvumana. Bétiku mina bekyuli ɔ́si ɔma útédu ɔma na béti-ma béye béte Edomƒuɔ aani bana kabla bablane na bátadi bana unwi bɔbla bunyimi lɛlɔ.

Mika 4:11

“Sion, ƒula ekpidi ɔsu na kadi bekyuli pii báka bámana-a na banini, ‘Ɔmɛni anwu buletu uwi bɛya na bɔnu ka bana anumi éwi kalɔ.’

Mika 5:6

Batɔnkune bamɛni bekpone kpakplaa badubunye na badi Asiriaƒuɔ lɛlɔ na baƒɔ-bu na bana lɛkɔkɔ si bákali ka bakɔ-bu basɔ na beti-bu kalɔ.

Mika 7:10

Amii mina bekisine bani mɔɔsu bɛnii, “Unwoti ɔɔɔdubo-nwu bɔkana bubunku” ni, bɛdubɔnu ɔmɛni na kɔƒa kukpo-mii. Na ami mmomu ndubo bɔnu kalɛ na bɛdubo bubuli na banya-mii bavi aani ulu ntɛ aba.

Habakuk 2:17

Bɛ́yila egyii ku bebuo ƒui udu na Lebanon Kɔbi lɛlɔ. Na bɛ́bla kalala kani udu naaadia na lɛma kemmo ku bekyuli lɛlɔ na kesi kesii. Na ɔƒaani ni, amii na badubo liƒu bɔkya na bitaayia geen.

Habakuk 2:8

Bíyu ala na lɛma linengudi ku kɔlɔ ƒui kemmo na kesi kesii, na bɛ́du bana bekyuli lɛnɔ. Na ɔƒaani ni, bani nébu badubo amii lɛnɔ kalala kani udu na bɛ́bla bekyuli bɔbla.

Seƒania 2:8

Unwoti Ɔyikune Ƒui, Israel Katɔti, ɔnini, “Línu kalɛ na Moab ku Amonƒuɔ bakya beedumi mina kadi bekyuli na baayila-ma taakya-ma liƒu ka baanu ka bebo ɔyikun ɔsu. Anwuɔsu líse kenye ka na ami, Unwoti ɔni nli ngba uwi ƒui, anumi ni, Moabƒuɔ ku Amonƒuɔ badubo udu bɔyii ƒui na basa aani kalɛ na Sodom ku Gomora báyii udu na bana kɔlɔ kúnwini liyu alakpi sɔɔn ku mma libu lɛti lɛti úsela uwi ƒui, na mina bekyuli beti-ma kɔlɔ benwini bana ɔdi.

Sakaria 2:11

Na si uwi ɔni na úbo-nwu kemmo lɛni ni, kadi bekyuli pii badubunwini bebo Unwoti kudɔ na benwini nwuna bekyuli na uwi ɔmmɔ lɛlɔ, na badubɔnu bati ka Unwoti kenye udiene na ɔdi sɔsɔ.

Sakaria 2:9

Anwuɔsu ɔdubo amii lɛnɔ budie bute na bina kabla bablane badubo-mii bukpoku na beyu-mii ala batɔlɔku. Na ɔmmɔ ɔdubɔya na bɛnu-nwu bɛti ka Unwoti Ɔyikune Ƒui nátala-mi.”

Sakaria 8:5

Na bananabi ku belekubi bataaƒia na kuyeya.

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Mateo 25:40

“Amu na Ɔga ɔmmɔ ɔdubudie kenye ɔnini, ‘Mɔɔsu-mii nnii uwi ɔni na bíbunku ukyuli ɔni na bilábu ƒui na mina badi akɔ ni, ami na bɛ́bla bíte.’

Mateo 25:45

“Mmɔ na Ɔga ɔmmɔ ɔdubɔsu-ma ɔnini, ‘Mɔɔsu-mii ka ni, uwi ɔni na bítabla lɛbuni bítete ukyuli ɔni na balábu ƒui na mina badi akɔ ni, ami na bítabla bítete!’ ”

Yohane 14:26

Katɔti Kɔyu kɔni ndi Ubunkune ɔni na Katɔti ɔdubɔtala ɔkya-mii na mina lɛnyi kemmo ni, anwu ndubɔtina-mii lɛla biala. Na ɔdubɔya na binyimo ala ani ƒui na lɛ́su-mii.

Yohane 17:18

Lɛ́tala-ma mɔɔkya kayawi bekyuli aani kalɛ kani na átala-mi ákya kayawi bekyuli.

Batalane Kabla 9:4

Na ɔ́lɛ úbo kalɔ na únu ka lɛdi lɛdi lɛɛsu-nwu lɛnini, “Saulo, Saulo, bi ɔsu na eekpóku-mi lɛni?”

Lɛkpa Ulu 32:10

Na bese-nwu aani bekyuli bakɛdi na kalɔ kakwiidi kani kemmo na ɔƒɛƒɛɛ ɔni mɔɔkula ala uukpó uwi ƒui ku kudu. Na Katɔti nébenwini bana kabɛkɔ. Na ɔkya ɔɔgyumana-ma aani nwuna lɛnumi kebi.

Tesalonikaƒuɔ 2 1:6

Katɔti ɔdubɔtɛ litemi na ulu lɛlɔ. Na ɔdubɔni bani muukpóku-mii ƒui kɔtu.

Yohane 1 4:14

Bɔ́nu bɔ́ti nwaa na buudie kenye ka Katɔti ɔ́tala Ubidi ka ubedie bayawine ɔlɛku ekpidi kemmo.