Sakaria 2:5 - Katɔti Ɔku Kedee

⁵ Unwoti úse kenye ka anwu ɔlati ndubo kowodu kɔni maka mamana Yerusalem bunwini na utaagyumana-nwu, na anwu kani ndubulie ɔma ɔmmɔ ntɛntɛ na uteekeye na ɔma unengudi ɔmmɔ kemmo.”

Sakaria 2:5 ပူးပေါင်းရင်းမြစ်များ

Kɔgya 125:2

Kalɛ na abi áka ámana Yerusalem ɔma ni, lɛni na Unwoti lɛnɔ ɔ́ka ɔ́mana nwuna bekyuli ɔ́si ɔƒɛni úsela uwi ƒui.

Kɔgya 3:3

Nsu ni, Unwoti Katɔti, awɔ mɔɔgyumana-mi uwi ndi uwi na ɔgbankpi kemmo. Na awɔ mɔɔyá na mɔɔdi mina bekisine lɛlɔ na mɔɔsɔ teese kayi na mɔɔƒɔ́ lɛnyi.

Kɔgya 46:5

Katɔti ɔlati ulie ɔma ɔmmɔ ntɛntɛ, ɔni na lɛla lɛdi lilakana ɔma ɔmmɔ bubile. Katɔti ɔdubo-nwu bubunku limeyi lɛni na lɛla lɛdi lɛdubɔlɛ.

Kɔgya 48:12

Bɛka bɛmana Sion ɔma ɔmmɔ na bɛka nwuna kɔgyumanakɔ kɔmmɔ.

Kɔgya 48:3

Katɔti ɔ́tina ka nwuna kaduli kadi katamikɔ kabuni geen kesii kani na ɔdubɔgyumana-bu.

Kɔgya 85:9

Geen ni, unye ka ɔƒɔ bekyuli bani ƒui mɔɔkpá-nwu kalɛ na ukeye na bula akɔ na kalɔ lɛlɔ mɛni.

Yesaia 12:6

Amii bani nkya Sion ƒui bidie ɔnu ku kudu momoomo, ɔsika Israel Unwoti Kedee úbomo na bina akɔ.”

Yesaia 31:9

Bana kɔgyumanakɔ kpakplaa kɔni na bátu bényene mmɔ ƒui kɔdubɔƒɛ kuwi kalɔ, uwi ɔni na ɔgbankpi ɔmmɔ ɔdubɔda ɔlɛ-ma lɛlɔ ɔni na baaagyi beeese. Na bana bekpone benengu ƒui badubɔyia na bekeli na kekpokɔ mmɔ.” Lɛni na Unwoti ɔni násala lɛgyavonku lɛyu bonwu ɔ́lɛ Sion Kɔbi lɛlɔ ɔ́su.

Yesaia 32:18

Amii Unwoti bekyuli bɛdubulie kpoo ku keyi buɛɛ na atu ayɔ-mii na bina kɔkyakɔ ƒui.

Yesaia 33:21

Bula Unwoti Ɔyikune ɔni muukeye ɔdubɔsiaku-bu, na ntukpa bɔni nábɛbɛ na bɔ́gyu bɔdubɔka bɔmana-bu, na bekisine lɛkɔlɔ libendi lɛdi lilakana-mu lɛlɔ bɔsia bɔvi.

Yesaia 4:5

Na ɔmmɔ kama ni, Unwoti ɔdubɔya na liƒlukutu bonwu lɛdi lɛƒɔ Yerusalem ku bani ƒui na básala lɛlɔ na mmɔ na limeyi kemmo. Na usien ni, na ogya bonwu ɔdi utaada teekeye teewi kalɔ kammɔ ƒui lɛlɔ. Na Unwoti bukeye bubi-ma eli aani lɛkpɔtɔ.

Yeremia 31:39

Na ɔmii ɔmmɔ ɔdubɔsia mmɔ ligeen usie Gareb kɔbi lili. Na unwini ɔyu usie Goa.

Esekiel 38:14

“ ‘Ami Unwoti Katɔti ngyi ka si uwi ɔni na ánu mina bekyuli bamɛni ka beli ku keyi buɛɛ lɛni ni, adubo ƒula bekpone bapɔnkɔ beliene bɔtɔnku katɔ mmɔ na ƒula lɛga kadikɔ mmɔ eboku.

Esekiel 42:20

Anwuɔsu kakpakɔ kaduli geen kammɔ katɛ lɛƒɛnyi ine bɔmmɔ ƒui lɛlɔ. Na kowodu kɔni náka kɔ́mana mɛni ɔɔtina ka béle ala ani na bédie bése sɛsɛɛ bete Unwoti ku ala aƒuƒuɛdi ntɛ.

Esekiel 47:3

Ɔnana ɔmmɔ úti úsie ɔƒɛ katukɔ kakɛ na lɛ́nu ka údie nwuna ugyii lɛkɔkula na ɔ́kɔku lɛgba budie eti leevu ku liti ku leevu ɔ́yula kada kalɛ na ketu kammɔ kéti késela mmɔ. Na ɔ́su-mi ɔnii nkya ketu kammɔ lɛgba nteebo. Na ntu bɔmmɔ búbedu-mi anikpo.

Sakaria 1:16

Anwuɔsu ndubɔnu Yerusalem kɔnyana. Na ndubɔya na basɔku ɔma unengudi ɔmmɔ batu ƒui na basɔku mina kakpakɔ batu benyene kana kenyekɔ.

Sakaria 2:10

Amii Sion ɔma unengudi bekyuli, bidie lɛnu na bɛdi limeyi! Ɔsika Unwoti úse kenye ka ɔdubo ubelieku-mii.

Sakaria 2:11

Na si uwi ɔni na úbo-nwu kemmo lɛni ni, kadi bekyuli pii badubunwini bebo Unwoti kudɔ na benwini nwuna bekyuli na uwi ɔmmɔ lɛlɔ, na badubɔnu bati ka Unwoti kenye udiene na ɔdi sɔsɔ.

Sakaria 9:14

Unwoti Katɔti ɔdubɔda ɔlɛ kayaa na bana eli, na nwuna atula adubo butaatu taavi kayaa aani kalɛ na kayaa kaabwɛ ogya. Katɔti ɔdubɔya na bavwi nwuna kɔkpɛɛ, na ɔdubukpoku nwuna bekisine na ɔƒɛƒɛɛ kpakplaa ɔni mɔɔkya ligede kemmo ɔsi kada kakɛ.

Sakaria 9:8

Katɔti ɔnini, “Ndubo lɛlɔ bɔklibi buse na lɛgyumana mina kakpakɔ na bekyuli bani muubo banii bebekpo babwɛ ɔtɔ ɔmmɔ ɔsu. Ngyi ala ani ƒui mɔɔlɛ́, na nsɔ lɛɛɛdubo kuƒi bute na ɔdi ubabla mina kadi bekyuli kalala kadi lɛnɔ.”

Luka 2:32

Ɔdi bukeye bɔni ndubudie ƒula lɛyɔla keyi ute bekyuli bani naaadi Yudaƒuɔ. Na ɔdubuti ɔbu uboku ƒula kadi bekyuli Israelƒuɔ akɔ.”

Budie Taatina 21:23

Na ɔma ɔmmɔ uláwia ɔƒɛ ɔdi iye kɔbuli ka ute bukeye bɔdi, ɔsika Katɔti bukeye ndi-nwu bukeye, na ɔma ɔmmɔ asogya ndi Koƒonu Ubi ɔmmɔ.