Sakaria 2:2 - Katɔti Ɔku Kedee

² Mmɔ na líye-nwu nnini, “Wɛ na ésela?” Amu na údie kenye ɔnini, “Ntákɔku Yerusalem na lɛnu-nwu bune ku bɔbɛbɛ.”

Sakaria 2:2 ပူးပေါင်းရင်းမြစ်များ

Yeremia 31:39

Na ɔmii ɔmmɔ ɔdubɔsia mmɔ ligeen usie Gareb kɔbi lili. Na unwini ɔyu usie Goa.

Esekiel 40:3

Na mina ala bɔnu bɔmmɔ kemmo ni, Unwoti ɔ́ya na lɛ́ni líde suɛlɛ suɛlɛ geen na lɛ́nu ɔnana ɔdi na unye na uukeye aani lɛbuala ligyiedi lɛni na békuo na liikeye taatu anumi geen. Na unye ɔban kayakun kenwi kadi kenye na ɔda kadii ku ugyii ɔni na baakɔ́ku ala na kɔnu kɔni ku kɔni.

Esekiel 45:6

“Ɔƒɛni kalɔ kani na bídie bíse sɛsɛɛ mɛni kudɔ ni, bɛda kalɔ bamba kani bune ndi eluku maane úsie eluku anyɔ bɔbɛbɛ biwi mmɔ. Na mɛni kadubɔbla kesii kani na Israelƒuɔ ƒui bakana belie.”

Sakaria 1:16

Anwuɔsu ndubɔnu Yerusalem kɔnyana. Na ndubɔya na basɔku ɔma unengudi ɔmmɔ batu ƒui na basɔku mina kakpakɔ batu benyene kana kenyekɔ.

Sakaria 5:10

Mmɔ na líye ɔtu ɔmmɔ nnini, “Wɛ na béti kagyigyɛ kammɔ béselaku?”

Yohane 16:5

Nsu ɔƒaani ni, bɔtɔlɔ na nda. Lísela mina Ɔti ɔni nátala-mi kudɔ. Nsu bina ɔdi úteye-mi ɔnii, ‘Wɛ na ésela?’

Budie Taatina 11:1

Ɔmmɔ kama ni, Katɔti úti ugyii ɔdi úte-mi ɔni nse aani lɛkɔkula. Na ɔ́su-mi ɔnini, “Sie na atákɔku mina kakpakɔ ku lɛbi lɛni lɛlɔ na baakpá na katɔ mmɔ, na aka bekyuli bani ƒui nkya mmɔ beemwi-mi.