Sakaria 12:3 - Katɔti Ɔku Kedee

³ Nsu ndubo Yerusalem bɔbla na unwini lɛtabi bonwu lɛni na ukyuli biala makali ɔnii ɔɔgyú-ni ni, lɛdubɔyu-nwu na ukpi.

Sakaria 12:3 ပူးပေါင်းရင်းမြစ်များ

Yesaia 60:12

Na lɛga kadikɔ iye kadi bani néni banii balakya-mii kalɔ na babla-mii kabla ni, badubɔyii udu na ɔdi ɔsɔ ulénu-ma kɔku.

Obadia 1:18

Na Israel ɔdubunwini aani ogya na ɔkyula Edom ɔni na ndubɔbla aani lɛtɔ lɛni ndubɔda ogya. Ami Unwoti násu!”

Mika 5:15

“Ndubo kɔnyi buti geen, na lɛni kadi bani bekyuli néni banii baaadubo-mi litemi bunu kɔtu na lidie-ma kasi na bana ɔbladu kenye.”

Mika 5:8

Ɔƒaani ni, bekyuli négyingya-ma bákya kalɔ ekpo ekpo ƒui. Nsu kama ni, badubɔta na bekpo bana bekisine aani kalɛ na gyata ɔni néti kɔnyi geen ɔɔta teetéƒie koƒonu. Na begyingya bana bekisine bammɔ kɔkɛ kɔkɛ ɔni na ukyuli ɔdi ulakana-ma bɔƒɔ.

Habakuk 2:17

Bɛ́yila egyii ku bebuo ƒui udu na Lebanon Kɔbi lɛlɔ. Na bɛ́bla kalala kani udu naaadia na lɛma kemmo ku bekyuli lɛlɔ na kesi kesii. Na ɔƒaani ni, amii na badubo liƒu bɔkya na bitaayia geen.

Seƒania 3:19

Bɛnu! Ndubo bina bekisine kɔtu bɔni geen, na lɛsala bekpulone ku bani na bédie-ma atu na lɛya bana kɔƒa kɔni na bákya-ma kunwini na baƒɔ lɛnyi na kalɔ lɛlɔ.

Hagai 2:22

Ndubo lɛga kɔdikɔ agaboku ammɔ budi bubo na lɛbwɛ kadi bakyuli bammɔ lɛga kɔdikɔ kɔmmɔ ƒui. Na lɛtu bana bapɔnkɔ kɛɛkɛ lɛmmɔ libi kalɔ na bapɔnkɔ bammɔ ku bana beliene bammɔ betébi kalɔ ɔni na ama alati ndubo bana banwa banwa lɛlɔ kuwii bɔtu bɔdu.’

Sakaria 12:11

Limeyi lɛmmɔ ni, Yerusalem kadi bekyuli badubo buwulo aani kalɛ na ukyuli biala úwulo Hadad Rimon na kesii kani baalɔ Megido.

Sakaria 12:4

Na ndubɔya na ɔtɔtɔ ɔgyu ɔpɔnkɔ biala na bana beliene lɛnɔ beƒu. Nsu na uwi ɔmmɔ kani lɛlɔ ni, ndubo Yuda lɛlɔ butaanu. Na ndubɔya na bekisine bammɔ bapɔnkɔ anumi abwɛ na basɔ balakana bɔnu.

Sakaria 12:6

“Na uwi ɔmmɔ ni, ndubɔya na Yuda adua ammɔ enwini aani ogya agyabi bonwu bonwu na egyuku livongu kemmo, iye ogya ɔni mɔɔkya keti litili bonwu lɛdi kemmo. Na ndubɔya na bakya kadi bamba bekyuli bani náka bámana-ma ƒui ogya. Na bekyuli basɔ baƒɔ Yerusalem ɔma pii geen.

Sakaria 13:1

“Libiɔ lɛdi lɛdubo bɔkya na uwi ɔni mebo kemmo, na nina kemmo na Dawid bebi ku bawɔ badubɔkana na baƒɔ bana ekpidi ku bɔƒiɔ ƒui bedie lɛlɔ.”

Sakaria 14:13

Na Unwoti ɔdubɔya na bataayia lɛlɔ ɔni na badubɔta beteekpoku lɛlɔ lɛlɔ taabla lɛlɔ kalala

Sakaria 14:6

Limeyi lɛmmɔ lɛdubɔbla nwaa na liƒlukutu lɛdi lilakya kayaa.

Mateo 21:44

Na ukyuli biala ɔni mebuli mayu lɛtabi lɛni béni báva mmɔ lɛlɔ ni, ɔdubɔdu lɛlɔ. Na si lɛtabi lɛmmɔ lɛnɔ lɛ́lɛ líbo ɔdi lɛlɔ ni, lɛdubutu-nwu lɛbwɛ kpɛtɛ kpɛtɛ.”

Luka 20:18

Ukyuli biala ɔni mebuli mebo lɛtabi lɛmmɔ lɛlɔ ni, ɔdubo-nwu bukulo eku eku. Na si lɛtabi lɛmmɔ lɛnɔ lɛlɛ libo ɔdi lɛlɔ ni, lɛdubo-nwu bɔbwɛ kpɛtɛ kpɛtɛ.”

Budie Taatina 16:14

Ayu ammɔ ndi ukisine ayu ekpidi ani muudie akɔla taatina. Na ayu atɛ amɛni muusié kayawi baga ƒui kudɔ kalɛ na basala lɛlɔ na bekpo Katɔti bekyuli na Katɔti ɔni ndi Ɔyikune Ƒui limeyi linengudi lɛmmɔ lɛlɔ.