Sakaria 11:9 - Katɔti Ɔku Kedee

⁹ Mmɔ na lɛ́su nnini, “Líni na nsɔ lɛɛɛdubo-mii bɔda aani baƒonu ɔdane kalɛ. Si baƒonu bani na bukpi na badubo ni, bakana na beteekpi. Na bani na badubo-ma udu bɔyila lɛnɔ ni, bakana na bataayila-ma udu. Na bakladi lɛnɔ bakana na bataakun lɛlɔ ku ngba ku ngba.”

Sakaria 11:9 ပူးပေါင်းရင်းမြစ်များ

Yeremia 19:9

Na uwi ɔni kani na bina bekisine badubɔbwɛ beduo-mii lɛlɔ na beteekpoku-mii mmɔ lɛlɔ kani na bina adila adubo bɔsa ƒui. Na kɔka kɔdubo-mii bɔda ɔni na bɛdubo bina bakpana ku bebi muedi ɔlɔna bɔkun aani lɛna.’

Yeremia 23:33

Unwoti ɔnini, “Yeremia, si kenye udiene ɔdi iye ɔkpane ɔdi iye ukyuli bamba ɔdi biala úbo na úbeye-ɔ ɔnini, ‘Bi kenye na Unwoti ubo ute-bu ni?’ na asu-ma anini, ‘Bɛdi bekyuli bani lɛlɔ mɔɔdá Unwoti ɔƒɛ geen na, anwuɔsu na ɔdubo-mii udu bɔyila.’

Yeremia 23:39

ndubo ukyuli ɔmmɔ bɔbɔku budie mina anumi ƒui kede kede busienku ɔgyu kakaaka. Na lini Yerusalem ɔma unengudi ɔni na líti líte bina bati kuuku mɛni ƒui.

Yeremia 43:11

Ɔdubo ubekpo Egyipte na ɔdu bekyuli pii na ɔlɛ ɔdu bana akɔ badi iye bakya-ma lɛbuli batɔlɔku aani bekyuli beƒiedi.

Esekiel 5:10

Lɛdila lɛni na bamini bakya kenye muedi ɔdubo ubenwini lɛnungyiela geen lite bebi bati ku bebi beni ɔni na badubuti ama alati bebi muedi bakun. Na bebi lɛnɔ bakun bana bawɔne. Na bekyuli bani ndubɔlɛ ɔgbankpi ku liƒu ala ani ndubɔlɛ mɛni kemmo muedi badubo-ma bɔbɔku bugyingya bɔkya ekpo ekpo na lɛƒɛnyi ƒui lɛlɔ.

Hosea 4:6

Amii bani na bɛdi bakpane bíni-mi, na mina bekyuli baayii udu ka béni mina ɔda bubo ɔsu. “Na ɔƒaani ni, ami lɛnɔ ndubo-mii buni na lɛyiƒala bina bebi ɔsika amii bɛ́yiƒala mina ɔda bubo.

Sakaria 13:8

Na si béle-ma kemmo akpa atɛ ni, lɛkpa linwi kani na basɔ badubɔnu na kalɔ kammɔ kemmo.

Mateo 15:14

Anwuɔsu bitakpete-ma. Bese aani banumbwɛne bani mɔɔtɔnku banumbwɛne bamba. Na si ɔnumbwɛne ɔtɔnku nwuna ɔkpana ɔnumbwɛne ni, bana inyɔ ƒui badubɔnu beduo ubu kemmo.”

Mateo 21:19

Na ka ɔ́nu kɔdingyii kɔdi na ulu kudɔ mmɔ ni, údeyi úsie mmɔ. Nsu útanu lɛla lɛdi útetulo kuna evete. Anwuɔsu ɔ́su kugyii kɔmmɔ ɔnini, “Asɔ alanwu ebi adi kudii lɛnɔ.” Kɔnakunwi ni, kɔdingyii kɔmmɔ kúse kalɔ kɔɔyɛyɛ.

Mateo 21:43

Amu na Yesu ɔ́sɔ ɔ́su-ma ɔnini, “Anwuɔsu mɔɔsu-mii nnii Katɔti ɔdubɔƒɔ nwuna lɛga kadikɔ kammɔ na bina kudɔ bileduo-ka! Na ɔdubuti ute bekyuli bamba bani ndubɔbla nwuna lɛyɔla.

Yohane 12:35

Mmɔ ni, Yesu údie kenye ɔnini, “Uwi klukui ɔdi kani na bɛdubɔsɔ bɛnu Katɔti bukeye bɔmmɔ. Anwuɔsu ni, uwi ɔni na kadi kammɔ kamu keekeye ni, bɛkya ɔkplu na bisie anumi kalɛ na kadi kalása kalakya-mii. Ɔsika ukyuli ɔni nkɛ na lɛdisa kemmo ni, ɔɔɔgyi kesii kani na úsela.

Yohane 8:21

Yesu ɔ́sɔ ɔ́su-ma ɔnini, “Ndubo bɔtɔlɔ na bɛdubo-mi bɔwia na bikpi bɛkya bina ekpidi kemmo. Na kesii kani lísela ni, bilakana mmɔ bubo.”

Yohane 8:24

Lɛ́su-mii ka bɛdubo bukpi bɔkya bina ekpidi kemmo. Na si bítaƒɔ bítadi ka ami ndi Anwu ɔmmɔ ni, bɛdubo bukpi bɔkya bina ekpidi kemmo sɔsɔ.”

Budie Taatina 22:11

Ukyuli ɔni na likpidi na ɔɔyɔ́ ka utaabla ni, usie anumi utaabla likpidi. Na ukyuli ɔni mɔɔyɔ́ ka utaabla ala ani muusé lɛlɔ ni, usie anumi utaabla ala ani muusé lɛlɔ. Na ukyuli ɔni mɔɔbla ala siin ni, usie anumi utaabla ala ulu lɛlɔ. Na ukyuli ɔni nse kedee ni, usie anumi na ɔda lɛlɔ kedee.”