Sakaria 1:3 - Katɔti Ɔku Kedee

³ Nsu si amii bɛdubunwini bibo-mi kudɔ ni, ami lɛnɔ nsɔ lɛɛɛdubo kama bunwini bɔkya-mii.”

Sakaria 1:3 ပူးပေါင်းရင်းမြစ်များ

Ala Alɛdi 2 15:2

Mmɔ kani na Asaria ɔ́ta kɔnakunwi úsie Asa kudɔ na útásu-nwu ɔnini, “Awɔ Ɔga Asa ku Yuda ku Benyamin kadi bekyuli, binu! Uwi biala na bɛɛsia Unwoti ɔda bubo anu na bɛɛdi-mu lɛlɔ na bɛɛkpá-nwu ni, ɔdubulieku-mii na ubunku-mii na uledie-mii atu na uni-mii kudii.

Ala Alɛdi 2 15:4

Nsu uwi biala na ɔgbankpi ɔdi anwu úbo ni, beenwíni teebo Unwoti Katɔti kudɔ ka bakpa-nwu.

Nehemia 9:28

“Nsu uwi ɔni na bákɛ bɔnwuna blii ni, basɔ bábla likpidi na ƒula anumi. Amu na awɔ lɛnɔ ányonu-ma éte bana bekisine kalɛ na badi-ma lɛlɔ. Amu ka básɔ béwulo bákpali-ɔ ni, énu-ma kɔvanu na kalɔ mmɔ. Na ƒula kɔnyana bɔnu kemmo ni, eedie ukyuli ɔni ndubukpo ɔƒɔ-ma si báƒiɔ-ɔ uwi ndi uwi.

Hiob 22:23

Geen ni, sɔku lɛlɔ te Katɔti ku lɛlɔ kalɔ buboku na ƒula keyi kayɔ na ala adianku-ɔ. Die ƒula lɛlɔ ƒui atu.

Yesaia 31:6

Na Unwoti ɔ́sɔ ɔ́su ɔnini, “Amii Israelƒuɔ, bɛsɔ binwini bibo ami ɔni lɛlɔ na bɛ́ta bínye kpakplaa mmɔ kudɔ.

Yesaia 44:22

Binwini bibo-mi kudɔ, ɔsika lɛ́ƒɔ-mii ngba na lídie bina ekpidi ƒui bina lɛlɔ aani kalɛ na liƒlukutu lɛɛyii takya kayaa.

Yeremia 12:15

Nsu kama ƒui ni, ndubo kɔlɔ kɔmɛni bekyuli kɔnyana bɔnu na lɛsɔku-ma liboku bana kɔlɔ lɛlɔ.

Yeremia 25:5

Básu-mii ka Unwoti ɔsu ɔnini, ‘Bɛvumana bina ngba uliedu! Na si bɛ́bla lɛni na bɛda likyulikpi ala bɔbla bɛ́ya ni, ndubɔya na bilie kalɔ kani na líti líte bina bati kuuku mɛni lɛlɔ uwi ƒui.

Yeremia 3:1

“Si ɔnana ɔdi ɔ́nyonu ulekudi na uleku ɔmmɔ úsie útélie kɔgya bamba ni, buti na ɔgyani udeedi ɔmmɔ ɔdubɔsɔ ɔkana-nwu buti? Oowo, ɔsika ɔmmɔ ɔdububile kalɔ kammɔ. Nsu bise aani bayalɛ na bibo basɔnɔ bayɔne pii na bɔlɛ na ɔ́lɛ ka bɛsɔ binwini bibo-mi kudɔ ɔƒɛni amu? Lɛni na Unwoti ɔ́su.

Yeremia 3:22

“Ndubo-ma bɔsu nnini, ‘Binwini bibo na lɛbwi-mii, na kalɛ na bɛ́lɛ-mii kama ɔsu.’ “Na mmɔ na badubɔsu banini, ‘Bɔdubunwini bubo, ɔsika awɔ ndi Unwoti bula Katɔti.

Yeremia 35:15

Bíni bɛnii bilenu mina kenye bediene bani mɔɔsu-mii uwi ndi uwi banini, ‘Bɛda alaekpidi bɔbla bɛya na bɛda baƒiɔ lɛnɔ bɔkpa bɛya! Na bise kalɔ biteenu Unwoti litemi na bitaadi-ni lɛlɔ na ɔdubɔya na bilie kalɔ kani na úti úte bina bati kuuku mɛni lɛlɔ.’

Yeremia 4:1

Unwoti ɔnini, “Israel kadi bekyuli, si bɛɛyɔ́ ka bɛsɔ binwini bibo-mi kudɔ ni, bɛda atu bidie baƒiɔ bani muusé lɛlɔ mmɔ lɛlɔ na bibo ala ammɔ biwiakun.

Esekiel 18:19

“Ngyi ka lɛla lɛni ɔsu na balani ubi kɔtu na ɔti alaekpidi lili ɔdi lɛla lɛni ndubo-ɔ bɔbla kalɛ kadi. Na ani ndi ka ubi ɔmmɔ ɔɔbla lɛla lɛni ndi ulu na ɔɔdi mina ɔda bubo lɛlɔ.

Esekiel 18:31

Bini bina alaekpidi lilu lɛni ƒui lɛlɔ na bɛsia na bise kalɔ bitaabla kasusu kabuni na bɛsiaku-mi kama siin! Munuu bɔyɔ geen na bɛɛyɔ́ ka badu-mii na bina ekpidi bɔbla ɔsu?

Esekiel 18:32

Ami Unwoti Katɔti naaayɔ ka lɛmmɔ udu lɛlɛku bina akɔ ɔdi. Anwuɔsu bɛda ekpidi bɔbla bɛya na bilie ngba!”

Esekiel 33:11

Su-ma anii kede kede nwaa ni, ami Unwoti Katɔti ɔni na nli ngba uwi ƒui mɛni ni, naaawia ukyuli ukpidi kukpi. Mmomu lɛlɔ mɔɔyɔ́-mi ka lɛnu ka ɔvumana udu na ɔ́da likpidi bɔbla ɔ́ya. Anwuɔsu si Israelƒuɔ baayɔ́ ka belie ngba bɔdi ni, ɔlɛka bada ekpidi bɔbla baya na benwini bebo-mi kudɔ.

Hosea 14:1

Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Hosea 14:4

“Israelƒuɔ, amii néni-mi, nsu mina kɔnyi kɔ́yɔ-mi. Ndubo-mii bɔbwi na lɛyɔ-mii na bɔyɔ bɔmmɔ buuubo kawɔkɔ.

Hosea 6:1

Ɔmmɔ kama ni, Israel kadi bekyuli bammɔ básu banini, “Bɛya na bɔsɔ bunwini busie Unwoti Katɔti kudɔ. Anwu nébo-bu ɔ́kya ɔlɛ, nsu anwu kani ndubo-bu bɔbwi. Ɔ́ya na bɔ́ƒɔ lɛlɛ, nsu ɔdubo-ni bunyimi bute-bu na likpi ƒui.

Yoel 2:12

Unwoti ɔnini, “Útakpɛ tɔ kama útavili. Bɛkana na binwini bibo-mi kudɔ ku bina kayi ƒui. Bise keku kalɔ ku buwulo ku kɔnyana! Na binyimi kenye.

Malakai 3:7

ina ka bíni na bilenu-mi litemi ɔ́si bina bati kuuku uwi ƒui. Nsu si bínwini bíbo-mi kudɔ ni, ami lɛnɔ ndubunwini libo-mii kudɔ. Nsu buye na biiye bɛnini, ‘Dɛ na bɔdubɔkana na bunwini bubo-ɔ kudɔ?’