Romaƒuɔ 9:4 - Katɔti Ɔku Kedee

⁴ Ɔsika badi bekyuli bani na Katɔti ɔ́ƒuna. Na úti-ma ɔ́bla nwuna bebi. Na údie nwuna lɛga bɔdi bukeye ɔ́tina-ma. Na ɔ́tina-ma lɛla lɛni na únyimi. Na úti nwuna ɔda bubo úte-ma. Ama na Katɔti ɔ́tina kalɛ na ɔdi ka bakpa-nwu. Na ama na úse kenye.

Romaƒuɔ 9:4 ပူးပေါင်းရင်းမြစ်များ

Ala Kalɔ Buse 15:18

Limeyi lɛmmɔ ni, Unwoti únyimi lɛla lɛdi ku Abram. Na ɔ́su-nwu ɔnini, “Líti kalɔ kamɛni ƒui muute ƒula bawɔ. Na ɔ́si ketu blii kani nkya Egyipte ɔmii útédu Euƒrate Ketu bonwu líti muute-ma.

Ala Kalɔ Buse 17:10

Ɔmɛni ndi bunyimi bɔni muute awɔ ku ƒula bawɔ bani masia-a kama na ɔdi ka bɛdi-mu lɛlɔ. Ɔnanabi biala na bina akɔ ni, ɔlɛka bekulo-nwu lego.

Ala Kalɔ Buse 17:2

Na lɛla lɛni na muunyimiku-ɔ mɛni ni, ndubɔlɛ-ni ugyii lite-ɔ na adubɔwɔ bebi na bemomo kaduɛ.”

Ala Kalɔ Buse 17:7

Ndubɔlɛ bunyimi bɔmɛni ugyii. Na amu ndubɔkya ami ku-ɔ ntɛ ku ƒula bawɔ ku kaba bekyuli bani ƒui masia-a kama uwi ƒui. Na ami ndi ƒula Katɔti na madi ama lɛnɔ Katɔti.

Ala Kalɔ Buse 32:28

Amu na ɔnana ɔmmɔ ɔ́su Yakob ɔnini, “Asɔ aladi lɛnyi anii Yakob. Mmomu bekyuli badubɔlɔ-ɔ banii Israel, ɔsika énye asiaku Unwoti Katɔti ku bekyuli na ádi lɛlɔ.”

Baga 1 8:11

Na Unwoti bukeye búyii mmɔ. Ɔmmɔ ɔsu bakpane bammɔ básɔ bátakana na babla kabla kadi.

Nehemia 13:29

O mina Katɔti, nyimi-ma. Ɔsika bébile bana bakpane kabla ku bunyimi bɔni na bakpane ku Lewiƒuɔ bényimiku-ɔ.

Kɔgya 147:19

Unwoti úti nwuna ɔda bubo ku ala bɔtina ƒui úte Yakob kaba kemmo bebi bani ndi Israelƒuɔ.

Kɔgya 63:2

Ɔmmɔ ɔsu ya na mina anumi anu-ɔ na ƒula kakpakɔ na lɛnu kalɛ na ebo ɔyikun na eekeye.

Kɔgya 73:1

Geen geen ni, Katɔti ubo lɛƒɔndia ute Israel kadi bekyuli bani nse sɛɛn na bana kayi kemmo.

Kɔgya 78:61

Katɔti ɔ́ya na bekisine béti Bunyimi Adaka ɔni muudie nwuna ɔyikun ku kalɛ na uukeye keyi bátɔlɔku.

Kɔgya 89:3

Awɔ násu anini, “Línyimi lɛla lɛdi ku mina ukyuli ɔƒunadi. Na líse kenye líte mina kabla ɔblane Ɔga Dawid nnini,

Kɔgya 89:34

Lɛɛɛdubo bɔta bunye ami ɔlati lɛla lɛni na línyimi lɛlɔ iye lɛvumana lɛla lɛdi na litemi lɛni na ami ɔlati lɛ́su líse mmɔ kemmo kudii.

Kɔgya 90:16

Ya na abu ƒula kabla bablane bɔnu ƒula akɔla ala budie taatina na bula akɔ. Na bula bawɔ banu kalɛ na ebo ɔyikun na eekeye.

Israelƒuɔ Bɔlɛ 12:25

Na si bítéduo kalɔ kani na Unwoti ɔ́su úse ka wete-mii kemmo ni, na bitaadi ɔdi limeyi lɛmɛni.

Israelƒuɔ Bɔlɛ 34:27

Amu na Unwoti ɔ́sɔ ɔ́su Mose ɔnini, “Nweni etemila amɛni ƒui se. Ɔsika etemila amɛni na ndubo buti bɔbla mina bunyimi ku Israel.”

Israelƒuɔ Bɔlɛ 4:22

Mmɔ na adubɔsu ɔga ɔmmɔ anini, ‘Unwoti ɔnii Israel ndi mina ubi udeedi,

Israelƒuɔ Bɔlɛ 40:34

Amu na liƒlukutu lɛdi líbebi Kevo Kasakɔ kammɔ lɛlɔ na Unwoti bukeye bɔ́ƒɔ ɔtɔ ɔmmɔ kemmo ƒui.

Yesaia 41:8

“Nsu awɔ Israel, Yakob kaba, adi mina kabla ɔblane. Lɛ́ƒuna-mii na bɛdi mina ɔkpana Abraham kaba kemmo bebi.

Yesaia 46:3

“Amii bani nébu na Israel kalɔ lɛlɔ binu ami Unwoti lɛdi. Ɔsika ɔ́si limeyi lɛni na báwɔ-mii kani na líse kalɔ mɔɔnu-mii lɛlɔ, na nda-mii mɔɔvínku.

Yesaia 5:2

Ɔ́tu kalɔ kammɔ únwini na údie atabi ammɔ ƒui. Na ɔ́va adingyii ebi abuni ani ndia geen. Na ɔ́tu bagyumanane kenyekɔ únyene-ka ntɛ. Na údie egyiibi ammɔ ntu kewikɔ ubu. Na unye ɔgya egyiibi ammɔ bugyie na bede. Nsu ebi ani na adingyii ammɔ ánwu ni, ana ntu ese nyanyaanya na aaadia.

Yesaia 60:19

Na bɛ́sɔ bilawia ɔƒɛ iye kɔbuli bukeye bɔdi na ɔƒiiwi iye usien, ɔsika ami Unwoti ɔlati bukeye ndubo-mii buteewi úsela uwi ƒui.

Yeremia 31:20

Israel kadi bekyuli, ami ɔlati mina bebi bani mɔɔyɔ́ geen na bɛdi. Ɔɔɔdi ami na mɔɔyɔ́ teetulo ƒui na kadi bekyuli akɔ yoo? Ina ka muubó-mii lɛnimi enwu ku kɔnyi taasu ka ndubo-mii bɔtina ni, bɔyɔ na mɔɔyɔ́ ka bɛni bide-mi na lɛnu-mii kɔnyana. Ami Unwoti násu.

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Yeremia 31:9

Badubo buteewulo na baatákpali-mi teevele uwi ɔni na bakɛ ulu badubo ɔma. Na ndubo-ma bɔkpanku busienku abiɔ ani kemmo na ntu bɔbuni bɔkya na bani. Na badubɔsia ulu ɔni ntɛ kalɔ ƒiaa lɛlɔ na beletulo iye bagbanta. Ɔti na ndi nte Eƒraim mina kaƒɔ ubi udeedi ku nwuna badi.

Esekiel 1:28

na uudie kunweni lidu lidu aani kalɛ na kɔdigye kɔɔlɛ́ na ɔƒɛƒɛɛ ɔdi bukpo kama. Na lɛ́nu lɛ́ti ka Unwoti bukeye ɔsu na mɔɔnu mmɔ nwaa ƒui lɛni! Ɔmmɔ ɔsu líboku lɛlɔ kalɔ buɛɛ lɛ́yu líbi anumi kalɔ. Na kɔnakunwi ni, línu ka lɛdi lɛdi lɛɛtɛmiku-mi.

Hosea 11:1

“Lɛ́yɔ Israel uwi ɔni na ɔdi ɔnamu na lɛ́lɔ mina ubi lɛ́siku Egyipte.

Bumomo Bɔka 7:89

Uwi ɔni Mose úduo Unwoti Adi Kevo kammɔ kemmo ka anwu ku Unwoti batɛmi ni, mmɔ kani na únu Unwoti lɛdi ɔ́siku ngba bebweyi inyɔ bani nnye bunyimi adaka likpidi kɔtu bɔni budie libila lɛmmɔ lɛlɔ. Mmɔ na anwu ku-nwu bátɛmi.

Mateo 21:33

“Binu lɛgba lɛbambadi lɛdi. Ukyuli ɔdi ɔ́kya dii ɔni mbo adingyii kemo kani na ɔ́tu awodu ɔ́mana. Ɔ́bla ntɛ kebulokɔ na ɔ́tu ɔgyumanane keliekɔ. Amu na úti kemo kamɛni úte bekyuli badi ɔnii bataanu-ka lɛlɔ, na ɔ́tɔlɔ úsie ulu.

Yohane 1:17

Ɔsika kudeedi ni, Katɔti ɔkɛ Mose lɛlɔ úte-bu nwuna ɔda bubo. Nsu ɔkɛ Yesu Kristo lɛlɔ úte-bu lɛƒɔndia lɛmɛni ku litemi geen.

Yohane 1:47

Ka bákpɛ beedé na Yesu ɔ́nu ka Natanael ɔdubo ni, ɔ́su-nwu lɛlɔ kɔtɛ ɔnini, “Bɛɛnu ka ukyuli ɔdi ɔdubo na ulatɔlɔ bekyuli. Ɔdi Israelni geen!”

Batalane Kabla 2:39

Ɔsika linyese lɛmɛni lise lite amii ku bina bebi ku bani nási ɔgyu ku bekyuli bani ƒui na Katɔti walɔ weboku nwuna kudɔ.”

Romaƒuɔ 3:2

Na lilu pii lɛlɔ ni, ɔdanku ala abuni. Kudeedi ni, Yudaƒuɔ enu kemmo na Katɔti úti nwuna Bunweni Kedee ɔ́kya.

Romaƒuɔ 8:15

Katɔti útete-mii kɔyu kɔni náya na binwini liƒu ala kabla bablane. Mmomu úte-mii Kɔyu kɔni náya na binwini nwuna bebi. Na ɔkɛnku Kɔyu kɔmmɔ lɛlɔ ɔsu na bɔɔkpali Katɔti bɔnii, “Abba” ɔni kalɔ ndi mina Ati.

Romaƒuɔ 9:6

Ɔɔɔdi bɔsu na nda nnii Katɔti kenye kani na úse ni, útadi-ka lɛlɔ. Ɔsika ɔɔɔdi Yudaƒuɔ ƒui ndi bekyuli bani na Katɔti ɔ́ƒuna aani nwuna badi.

Korintoƒuɔ 2 11:22

Si Hebriƒuɔ na badi ni, ami lɛnɔ anwu ndi. Na si Israelƒuɔ badi ni, ami lɛnɔ anwu ndi. Na si Abraham bawɔ lɛnɔ na badi ni, ami lɛnɔ anwu ndi.

Galatiƒuɔ 3:16

Linyese lɛni na Katɔti ɔ́su úse mmɔ lise lite Abraham ku ubidi. Na Bunweni Kedee Ɔku ɔmmɔ kemmo ni, Katɔti útasu ɔnii, “Abraham ku nwuna bebi.” Si ɔ́su ɔnii, “ku nwuna bebi” ni, na ɔɔtina ka bebi bammɔ bemomo. Mmomu bɔsu na ɔ́su ɔnii ku ubidi. Na ɔmɛni ɔɔtina ka ukyuli unwi pɛ. Na ukyuli ɔmmɔ ndi Kristo.

Eƒesoƒuɔ 2:12

Binyimo ka uwi ɔmmɔ ni, amii ku Kristo bɛɛɛdi unwi, na bɛdi baƒɔ bani naaadi Yudaƒuɔ bani na Katɔti ɔ́ƒuna. Na biiibunku kenye kani na Katɔti úse úte nwuna bekyuli na kenye kani na únyimiku-ma kemmo. Na biiibo lɛnunsia lɛdi na ngba bɔni na bilie kemmo. Na bítenu Katɔti lɛnɔ kɔku kudii na bina ngba kemmo.

Lɛkpa Ulu 14:1

Amii Israelƒuɔ bɛdi bekyuli bani na bina Unwoti Katɔti údie úte lɛlɔ. Anwuɔsu si bɛɛbla ukpine ɔdi kekwa ni, ɔdi uteti lɛla lɛdi utekulo nwuna ɔlɔna kakɛ kadi, na ɔdi utekpeyi nwuna lɛtɛntɛ na ukpine ɔdi ɔsu aani kalɛ na kadi bamba bekyuli baabla.

Lɛkpa Ulu 29:1

Bunyimi bɔmɛni na Katɔti úbo Mose ɔda ka unyimi ku Israelƒuɔ na uwi ɔni bákya Moabƒuɔ kalɔ lɛlɔ. Na úti-mu úbunku bunyimi bɔni na únyimiku-ma uwi ɔni na bákya Sinai kɔbi lɛlɔ.

Lɛkpa Ulu 29:14

Na ɔɔɔdi amii lɛti kani na Unwoti únyimiku linyese lɛmɛni.

Lɛkpa Ulu 31:16

Amu na Unwoti ɔ́su Mose ɔnini, “Adubo bukpi. Na ƒula kekpima ni, bekyuli bamɛni badubo-mi kama bɔlɛ na bata benye ɔda ɔni na líbo-ma lɛlɔ. Badubo-mi bɔda buse na besie batátaakpa kadi bamba baƒiɔ na kalɔ kani lɛlɔ bésela betélie mmɔ lɛlɔ.

Lɛkpa Ulu 4:13

Na ɔ́tɛmi úte-mii ɔ́siku ulu ɔni lɛlɔ na bɛdubɔsia na bɛdi nwuna lɛla lɛni na únyimiku-mii lɛlɔ na bitaadi Ɔda Bubo Leevu bɔni na únweni ɔ́sia atabi bɛbɛ anyɔ lɛlɔ mmɔ lɛlɔ.

Lɛkpa Ulu 7:6

Bɛdi Unwoti Katɔti bekyuli kedee bani na ɔ́ƒuna ɔ́bla nwuna badi na kayawi bekyuli ƒui akɔ. Na bɛ́ƒɔ-nwu kuye geen.

Hebriƒuɔ 9:1

Bunyimi budeedi bɔmmɔ ni, bɔdanku ulu ɔni beeti taakpa ku kesii kani na baakpá na kalɔ lɛlɔ mɛni.

Hebriƒuɔ 9:10

Ɔsika ala ammɔ ƒui adanku bɔdi ku bɔni ku lɛlɔ bɔƒɔ ɔdi na lilu bun bun lɛlɔ. Na adi ɔlɔna lɛlɔ ɔda bubo bɔni ndubɔbla kabla ɔƒɛni wetédu ka ulu ɔwɔdi ɔmmɔ úbo.

Hebriƒuɔ 9:3

Na kakpakɔ kammɔ katɔma kesii kani na béti kayakun kɔdi báda ni, mmɔ baalɔ banii ɔtɔ ɔni nse kedee ntulo ƒui.

Hebriƒuɔ 9:5

Na adaka ɔmmɔ katɔ ni, bávɔ Katɔti batu badi udu mbo avwi na baalɔ-ma Kerub bényene. Na ama mɔɔtina ka Katɔti ɔkya mmɔ. Na bana avwi ebi likpo lɛni na beeti bekyuli ekpidi taakyiɛ mmɔ. Nsu bulakana kɔtɛ kɔmmɔ kemmo buduo busie ɔgyu ɔƒɛni tɔ.

Hebriƒuɔ 9:6

Lɛni na bábla ala amɛni bése mmɔ. Na bakpane béteeduo ɔtɔ udeedi kemmo mɛni buduo buduo taatábla bana bakpane kabla.