Romaƒuɔ 9:31 - Katɔti Ɔku Kedee

³¹ Nsu Yudaƒuɔ bani násiaku ɔda bubo lɛlɔ bɔdi kama kpakplaa kalɛ na babla lɛlɔ siin na Katɔti anumi ni, bátakana mmɔ budu.

Romaƒuɔ 9:31 ပူးပေါင်းရင်းမြစ်များ

Yesaia 51:1

Si bɛɛyɔ́ ka bitaabla ala siin na biteenu Unwoti litemi ni, na bilie ngba na bɛlɛ lɛtakpɛ lɛni lɛlɔ na bámami-mii básiku.

Romaƒuɔ 10:20

Na Yesaia úse kayi na ɔ́su-ma nwaa ka Katɔti ɔ́su ɔnini, “Bekyuli bani na nka baláwia-mi ni, ɔƒɛni bánu-mi. Na lídie lɛlɔ lɛ́tina bekyuli bani néteye-mi lɛlɔ.”

Romaƒuɔ 11:7

Geen ni, lɛla lɛni na Yudaƒuɔ básia anu kpakplaa ni, bátakɛ-ni. Nsu bani na Katɔti ɔ́ƒuna ama bákɛ-ni. Na bakladi báyu atuɔkplu.

Romaƒuɔ 3:20

Anwuɔsu ni, ɔɔɔdi ɔda bubo bɔmmɔ kama bɔsiaku mɔɔyá na ukyuli ɔbla siin na Katɔti anumi. Mmomu ni, ɔda bubo bɔmɛni bɔɔyá na bekyuli baatí ka baabla likpidi.

Romaƒuɔ 3:27

Na bi lɛlɔ na bɔdubɔkana lɛmɛnɛ bɔkun ka ani na bɔ́bla asa na bɔ́kɛ bɔƒɔ? Ku lɛla! Ɔsika ukyuli ulábla siin ka ɔɔdi ɔda bubo bɔmmɔ lɛlɔ ɔsu. Mmomu ɔkɛnku bɔƒɔtaadi lɛlɔ kani na Katɔti ɔɔklibi abu ku-nwu ntɛ.

Galatiƒuɔ 3:21

Bɔtina na ɔmɛni ɔda ka ɔda bubo bɔmmɔ bɔ́ta bunye Katɔti linyese lɛmmɔ lɛlɔ? Oowo, kudii! Ɔsika si béti ɔda bubo bɔmmɔ béte ukyuli kalɛ na ɔkɛ ngba ni, na agyi anii ukyuli ɔdubɔbla siin ku Katɔti si ɔ́di ɔda bubo bɔmmɔ lɛlɔ.

Ƒilipiƒuɔ 3:6

Na nnye ɔda bubo bɔmɛni lɛlɔ kaduɛ. Na ɔkɛnku ɔmɛni ɔsu líkpoku Kristo baƒɔtaadine lɛkpa lɛmmɔ. Na si banii ɔda bubo bɔmmɔ lɛti pɛ lɛlɔ bɔdi na baanu ukyuli ɔni nse siin ni, na nka likpidi lɛdi liiibo-mii lɛlɔ.