Romaƒuɔ 9:30 - Katɔti Ɔku Kedee

³⁰ Ɔmɛni ɔsu ni, bi na ɔdi ka bɔsu? Bekyuli bani naaadi Yudaƒuɔ na bátasiaku lɛlɔ bɔbla siin kama ni, bénwini bekyuli bani nse siin ɔƒɛni na Katɔti anumi ka báƒɔ-nwu bádi ɔsu.

Romaƒuɔ 9:30 ပူးပေါင်းရင်းမြစ်များ

Agba 15:9

Bekyuli bekpidi kɔsiakɔ ƒui kulayɔ Unwoti kaƒɔ. Nsu bekyuli bani mɔɔwia kpakplaa ka belie ngba bɔbuni ni, Unwoti ɔɔyɔ́-ma.

Agba 21:21

Ukyuli ɔni anumi muugyie na Unwoti lɛƒɔyɔ bɔbla lɛlɔ na Unwoti utaayɔ-nwu ni, ɔdubulie ngba ku udu buni, na bekyuli badubo-nwu butaabu.

Yesaia 51:1

Si bɛɛyɔ́ ka bitaabla ala siin na biteenu Unwoti litemi ni, na bilie ngba na bɛlɛ lɛtakpɛ lɛni lɛlɔ na bámami-mii básiku.

Romaƒuɔ 10:10

Ɔsika ƒula kayi kemmo na aaƒɔ́ taadi na aabla siin na Katɔti anumi. Na ƒula kenye kani na éti eedie ɔmɛni taatina, na aakɛ́ bɔƒɔ.

Romaƒuɔ 10:20

Na Yesaia úse kayi na ɔ́su-ma nwaa ka Katɔti ɔ́su ɔnini, “Bekyuli bani na nka baláwia-mi ni, ɔƒɛni bánu-mi. Na lídie lɛlɔ lɛ́tina bekyuli bani néteye-mi lɛlɔ.”

Romaƒuɔ 10:6

Nsu Bunweni Kedee Ɔku ɔ́su ɔ́siku kalɛ na ukyuli ɔɔbla siin na Katɔti anumi ɔkɛnku bɔƒɔtaadi lɛlɔ ɔnini, “Teye lɛlɔ anii, ‘Ɔma ndubusie katɔ?’ ” Nwuna kalɔ ndi, ɔma makɔ katɔ matákpanku Kristo meboku?

Romaƒuɔ 3:5

Bɔsu na bɔdubɔsu bɔnii bula ekpidi ani na bɔɔbla mɔɔyá na bekyuli baanu Katɔti lɛbuni lɛni na ɔɔbla taati? Na ɔmmɔ ɔsu ni, bɔdubɔsu bɔnii Katɔti ulábla kaduɛ si ɔɔní-bu kɔtu? Kudii! Nsu lɛni na badi baakali!

Romaƒuɔ 4:11

Lego bukulo ɔdi ɔni na Abraham ɔ́bla mɛni ni, anwu ndi likpo buse bɔni mɔɔtina ka Katɔti ɔ́ƒɔ-nwu. Ɔsika nwuna bɔƒɔtaadi náya na Katɔti ɔ́ƒɔ-nwu ka use siin asa na úkulo lego. Na bɔƒɔtaadi bɔmɛni ɔsu ni, Abraham únwini baƒɔtaadine ƒui ɔti. Na Katɔti ɔkɛnku Abraham lɛlɔ ɔ́ƒɔ-ma ka bese siin ina ka bétekulo tɔ lego muedi.

Romaƒuɔ 4:13

Katɔti úse kenye úte Abraham ku nwuna bawɔ ka badubɔdi kayawi kamɛni ala. Nwuna kenye kani na úse mɛni kaaakɛnku kalɛ na Abraham ɔ́siaku ɔda bubo bɔdi kama ɔsu. Mmomu ni, úse-nwu kenye kamɛni ɔsika ɔ́ƒɔ Abraham ka use siin ɔkɛnku nwuna bɔƒɔtaadi ɔsu.

Romaƒuɔ 4:22

Na ɔkɛnku bɔƒɔtaadi bɔmɛni ɔsu na básu banini, “Ɔmmɔ ɔsu na Katɔti ɔ́bu-nwu aani ukyuli ɔni use siin.”

Romaƒuɔ 4:9

Na lɛlɔyɔ lɛni lɛlɔ litemi na Dawid ɔ́su mɛni ni, bani nékulo ago kani ndubɔkɛ-ni? Kudii! Lɛdanku bani nétekulo ago lɛnɔ, ɔsika Bunweni Kedee Ɔku ɔɔsu ɔnini, “Abraham ɔ́ƒɔ Katɔti ɔ́di ɔsu na Katɔti ɔ́bu-nwu aani ukyuli ɔni use siin.”

Romaƒuɔ 5:1

Na ɔƒɛni ni, ka Katɔti ɔ́bla-bu siin ɔkɛnku bula bɔƒɔtaadi lɛlɔ ɔsu ni, Katɔti úte-bu keyi buɛɛ ɔkɛnku Blɔti Yesu Kristo lɛlɔ.

Romaƒuɔ 9:14

Ɔmɛni ɔsu ni, bi na ɔdi ka bɔsu ɔƒɛni? Bɔsu na bɔsu bɔnii Katɔti ulábla ala ulu lɛlɔ? Kudii! Ɔɔɔdi lɛni na use.

Romaƒuɔ 9:31

Nsu Yudaƒuɔ bani násiaku ɔda bubo lɛlɔ bɔdi kama kpakplaa kalɛ na babla lɛlɔ siin na Katɔti anumi ni, bátakana mmɔ budu.

Galatiƒuɔ 2:16

Nsu bɔgyi ka Katɔti ɔɔsɔku anwu ku ukyuli ntɛ taaklibi ɔkɛnku bɔƒɔtaadi bɔni na ukyuli ubo na Yesu Kristo lɛlɔ kani ɔsu. Na ɔɔɔdi ɔda bubo bɔkukudi bɔmmɔ lɛlɔ bɔdi ɔsu. Abu lɛnɔ bɔ́ƒɔ Kristo Yesu bɔ́di ɔsu na Katɔti ɔ́klibi abu ku-nwu ntɛ ɔkɛnku bula bɔƒɔtaadi na Kristo kemmo ɔsu. Na ɔɔɔdi ɔni na bɔɔdi ɔda bubo bɔkukudi bɔmmɔ lɛlɔ ɔsu. Ɔsika Katɔti útaklibi anwu ku ukyuli ɔdi ntɛ na ɔda bubo bɔkukudi bɔmmɔ lɛlɔ bɔdi ɔsu.

Galatiƒuɔ 3:24

Anwuɔsu ɔda bubo bɔmmɔ mɔɔgyumana-bu kalɛ na ɔtɔnku-bu na bɔnu Kristo, kalɛ na Katɔti ɔklibi abu ku-nwu ntɛ ɔkɛnku Kristo bɔƒɔtaadi bɔmmɔ ɔsu.

Galatiƒuɔ 3:8

Na Bunweni Kedee Ɔku kemmo básu bése ka ni, Katɔti ɔdubɔklibi anwu ku bani naaadi Yudaƒuɔ ƒui ntɛ ɔkɛnku bana bɔƒɔtaadi na Kristo lɛlɔ ɔsu. Anwuɔsu Katɔti ɔ́su litemi buni lɛmɛni úte Abraham kukuuku ɔnini, “Ndubute kadi ƒui bekyuli kusɛ kusɛ ɔkɛnku awɔ lɛlɔ.”

Galatiƒuɔ 5:5

Na abu ni, ɔkɛnku bɔƒɔtaadi ku Katɔti ɔyikun lɛlɔ ni, bɔsia anu kpakplaa ka Katɔti ɔdubɔnu-bu aani bekyuli bani nse siin. Na ɔmɛni na bunye bɔgya.

Eƒesoƒuɔ 2:12

Binyimo ka uwi ɔmmɔ ni, amii ku Kristo bɛɛɛdi unwi, na bɛdi baƒɔ bani naaadi Yudaƒuɔ bani na Katɔti ɔ́ƒuna. Na biiibunku kenye kani na Katɔti úse úte nwuna bekyuli na kenye kani na únyimiku-ma kemmo. Na biiibo lɛnunsia lɛdi na ngba bɔni na bilie kemmo. Na bítenu Katɔti lɛnɔ kɔku kudii na bina ngba kemmo.

Ƒilipiƒuɔ 3:9

Na mɔɔwia ka liti mina lɛlɔ ƒui lite-nwu. Ɔmɛni ɔdubɔtina ka mina siin bɔbla útasi ami ɔlati kudɔ aani bɔni udu na bekyuli baakali ka baakɛ́ ɔkɛnku ɔda bubo lɛlɔ bɔdi kemmo, mmomu bɔkɛnku Kristo bɔƒɔtaadi kemmo. Na siin bɔbla bɔmɛni nási Katɔti kudɔ na bɔdanku bɔƒɔtaadi.

Timoteo 1 6:11

Nsu ka adi ukyuli ɔni na éti lɛlɔ éte Katɔti ɔsu ni, die ala amɛni ƒui atu na eti ƒula anu asia lɛbuni bɔbla lɛlɔ. Sia Blɔti kama na bɔƒɔtaadi ku bɔyɔ kemmo. Kɛ kayi na ada bekyuli buɛɛ.

Hebriƒuɔ 11:7

Uwi ɔni na Katɔti ɔ́lɛ Noa kpakplaa na ala ani na útanu tɔ lɛlɔ ni, Noa ɔ́ƒɔ ɔ́di. Anwuɔsu ɔ́nwi ɔkɔlɔ ubendi ɔni kemmo na anwu ku nwuna kaduli bekyuli béduo bákɛ bɔƒɔ na bɔyia bɔni na úti úte Katɔti ɔsu. Noa bɔƒɔtaadi bɔmɛni búnwini kɔtɔ bɔdu úte kayawi bekyuli ƒui. Na ka Noa ɔ́ƒɔ Katɔti ɔ́di ɔsu ni, Katɔti ɔ́su ka Noa ɔdi ukyuli ɔni nse siin.

Petro 1 4:3

Bɛya na kalɛ na bílie ngba bítaabla ala ekpidi uwi pii ɔni návi ɔwɔ ɔƒɛni. Bɛ́bla likyulikpi ku lɛyalɛ, na bítaani ntɛ teekpi. Bɛ́kpa baƒiɔ bɛ́vili ntu, na bɛ́di kɔkpana kukpidi, na bɛ́bla ala ekpidi lidu lidu aani bekyuli bani naaasiaku Katɔti.