Romaƒuɔ 9:23 - Katɔti Ɔku Kedee

²³ Na lɛni kani na ɔ́yɔ ka údie ala abuni ani nkya nwuna bukeye bonwu kemmo keyi ɔtina bani na wanu kɔnyana. Na abu ndi bekyuli bani na ɔ́klibi úse ka bɔdubo bukeye.

Romaƒuɔ 9:23 ပူးပေါင်းရင်းမြစ်များ

Ala Alɛdi 1 29:18

“Ya na utaada-bu kubiti uwi biala ka buteeboku-ɔ ala. Na ebunku-bu na bɔkana na bɔsiaku-ɔ kama siin butaadi ƒula litemi lɛlɔ aani kalɛ na bula bati kuuku Abraham ku Isak ku Yakob bákpa-a.

Luka 1:17

Anwu ndubɔka Blɔti bubo na ɔyikun ku kayi buse kemmo aani kalɛ na Katɔti Kenye Udiene Elia úse kalɛ. Na anwu ndubo bebi ku bati bɔsɔku bɔsala. Na ɔdubunwini batuɔkplune kasusu úboku kasusu kedee bɔbla lɛlɔ. Ɔmɛni ndubɔya na Blɔti bekyuli benye kagyumana bete-nwu.”

Batalane Kabla 9:15

Nsu Blɔti ɔ́su-nwu ɔnini, “Teesie, na atábla kalɛ na lɛ́su-ɔ. Ɔsika ami lɛ́ɛƒuna Saulo aani mina ukyuli ɔni meti mina litemi buni lɛmɛni mesienku ama bani naaadi Israelƒuɔ ku baga anumi ku Israelƒuɔ ƒui kudɔ.

Romaƒuɔ 2:4

Munuu bɛɛbu bɛnii keeke na Katɔti ɔɔbla-bu kaƒɔbuni na ɔɔkɛ́ kayi na uuwiku-bu lɛlɔ? Bɛti geen ka ni, Katɔti ɔɔbla-bu lɛƒɔndia lɛmɛni ɔsika ɔɔwia ka ubunku-bu na bunwini kayi.

Romaƒuɔ 8:29

Na bekyuli bani na Katɔti ɔgyi use ni, úse-ma likpo na ɔ́ya bálɛ Ubidi kalɛ na Ubidi ɔbla udeedi na nwuna banwa pii bammɔ akɔ.

Romaƒuɔ 8:30

Anwuɔsu bani na Katɔti úse-ma likpo ni, ama na ɔ́lɔ. Na bani na ɔ́lɔ ni, ɔ́bla-ma siin. Na bani na ɔ́bla siin mmɔ ni, ɔ́ɔkɔliku-ma lɛnyi katɔ.

Eƒesoƒuɔ 1:18

Na muuvele Katɔti nnii bina kasusu kabla nwaa na bɛnu nwuna bukeye bɛti kalɛ na biti bina anu bɛsia ala ani ɔsu na ɔ́lɔ-mii ku ala bonwu ani na bɔɔkɛ́ taadi na nwuna baƒɔtaadine akɔ lɛlɔ.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Eƒesoƒuɔ 2:7

Katɔti ɔ́bla ɔmɛni úti ɔ́tina bekyuli na uwi ɔni ndububo ƒui kemmo kalɛ na banu nwuna lɛƒɔndia lɛni na ubo ute-bu ka liiibo bɔkɔku bɔdi ɔkɛnku bɔyɔ bɔni na ɔɔyɔ́-bu na Yesu Kristo ɔsu.

Eƒesoƒuɔ 3:16

Muuvele Katɔti na nwuna lɛƒɔndia bukeye pii kemmo nnii ɔkya-mii ɔkplu na nwuna Kɔyu kute-mii ɔyikun na bina kayi kemmo.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Koloseƒuɔ 1:27

Katɔti bɔyɔ ndi ka bekyuli bani naaadi Yudaƒuɔ ƒui bati lɛla libendi lɛni na ɔ́da úse-bu, na lɛ́ƒɔ kuye geen. Na ani ndi Kristo ɔni nkya-bu kayi kemmo. Na anwu ndi bula lɛnunsia ka abu lɛnɔ bubo kadikɔ na Katɔti bukeye kemmo.

Tesalonikaƒuɔ 1 5:9

Ɔsika Katɔti útedie-bu ɔnii nwuna kɔnyi kubo-bu lɛlɔ. Mmomu ɔnii bɔsia Blɔti Yesu Kristo lɛlɔ na bɔkɛ bɔƒɔ.

Timoteo 2 2:21

Anwuɔsu si ukyuli ɔdi ɔ́da lɛlɔ údie likpidi kemmo na ɔ́bla lɛlɔ sɛɛn ni, anwu náƒɔ Blɔti kuye aani akyami ani nse nte emeyi buni bɔdi. Na ɔ́manku ute ka ɔbla kabla kabuni.