Romaƒuɔ 9:14 - Katɔti Ɔku Kedee

¹⁴ Ɔmɛni ɔsu ni, bi na ɔdi ka bɔsu ɔƒɛni? Bɔsu na bɔsu bɔnii Katɔti ulábla ala ulu lɛlɔ? Kudii! Ɔɔɔdi lɛni na use.

Romaƒuɔ 9:14 ပူးပေါင်းရင်းမြစ်များ

Ala Kalɔ Buse 18:25

Ńtaƒɔ ńtadi ka adubɔbla lɛni, na adu bekyuli babuni ku bekpidi ɔni mɔɔtina ka ábla bekyuli babuni ku bekpidi ulikplu likeke. Ɔmmɔ udu anwu ni, ngyi nwaa ka awɔ ɔni mɔɔtɛku kayawi ƒui litemi adubɔbla lɛla lɛni ndi ulu.”

Ala Alɛdi 2 19:7

Anwuɔsu bɛnu ka bɛ́bla bina kabla ƒui na bíti ɔbu bíte-nwu. Na bɛti lɛnɔ ka ɔɔɔdubo-mii kuƒi bute na bɛnu ukyuli ɔdi anumi bɛbla lɛla lɛdi iye bɛbɛ bɛƒɔ lɛla lɛdi bɛsiku ɔdi kudɔ bɛdi.”

Hiob 35:2

“Hiob, aabu anii ese siin áwɔlɔ na Katɔti anumi, na lɛla lɛdi lɛɛɛda-a?

Hiob 8:3

Bɔbu na aabu anii Unwoti ɔɔnu litemi geen taatu-ni teenwini na uƒu lɛla lɛbuni lɛdi ɔkya?

Kɔgya 145:17

Unwoti use siin na ulu biala lɛlɔ, na ubo lɛƒɔndia na nwuna ablala ƒui kemmo.

Kɔgya 92:15

Ɔmɛni ɔɔtina ka Katɔti ndi mina katamikukɔ lɛtakpɛ lɛni nse siin na ulábla likpidi lɛdi.

Yeremia 12:1

Unwoti, uwi biala na lɛ́su-ɔ ala ani muukpóku-mi ni, eenú na aabla lɛla biala na ulu siin lɛlɔ. Nsu ɔƒaani ni, mbo ala adi na liye-ɔ ɔ́siku kalɛ na aatɛ etemila lɛlɔ. Bi ɔsu na mɔɔnu aani ka ngba buse buɛɛ bute alaekpidi bablane? Na bi ɔsu na bana ala ƒui aatɛ teete-ma?

Luka 20:16

Mɔɔyá na bɛti ka ɔdububo ubadu kemmo lɛlɔ banune bammɔ ƒui na uti kemmo kammɔ ɔkya lɛlɔ banune babambadi lɛkɔkɔ.” Ka bekyuli bammɔ bénu lɛni ni, básu banii, “Oowo! Utebo lɛni!”

Romaƒuɔ 2:11

Ɔsika Katɔti ulánu anumi lɛlɔ taatɛ litemi.

Romaƒuɔ 2:5

Na ka bina atu ebo ɔkplu na bítenwini kayi ɔsu ni, Katɔti ɔdubo-mii kɔtu bɔni geen na limeyi lɛni na údie úse lɛlɔ ka ɔdubɔtɛku bayawine ƒui litemi na nwuna ulu siin lɛlɔ.

Romaƒuɔ 3:1

Na si use lɛni ni, kɔsia kɔmani na Yudani ɔni na békulo lego ubo utulo bani naaadi Yudaƒuɔ?

Romaƒuɔ 9:30

Ɔmɛni ɔsu ni, bi na ɔdi ka bɔsu? Bekyuli bani naaadi Yudaƒuɔ na bátasiaku lɛlɔ bɔbla siin kama ni, bénwini bekyuli bani nse siin ɔƒɛni na Katɔti anumi ka báƒɔ-nwu bádi ɔsu.

Lɛkpa Ulu 32:4

Na Unwoti ndi bina lɛtakpɛ lɛni na bíkpo kama, na nwuna ablala ƒui ese siin, na bɔƒiɔ bɔdi buuubo-nwu kemmo. Bina Unwoti ablala ƒui adi sɔsɔ, na ɔɔbla ala ani nse siin na akɛ ulu lɛlɔ.

Budie Taatina 16:7

Amu na línu lɛdi lɛni nási Katɔti lɛbi lɛmmɔ kudɔ ka lɛ́su lɛnini, “Blɔti ɔni mbo ɔyikun ƒui, ƒula litemi bɔtɛ buse siin, na ƒula etemila adi litemi geen.”