Romaƒuɔ 8:7 - Katɔti Ɔku Kedee

⁷ Na ukyuli ɔni kasusu nsia ɔlɔna ala kani lɛlɔ ni, ɔdi ukisine ute Katɔti, ɔsika uládi Katɔti ɔda bubo lɛlɔ. Na sɔsɔ geen ni, ulakana-mu lɛlɔ bɔdi lɛnɔ kudii.

Romaƒuɔ 8:7 ပူးပေါင်းရင်းမြစ်များ

Ala Alɛdi 2 19:2

Nsu Hanani ubidi ɔnanabi ɔni ndi Kenye Udiene Yuhu úbasiaku-nwu na ulu lɛlɔ na ɔ́su-nwu ɔnini, “Na kebunku kani na éte Ahab ɔlalane ɔmmɔ ɔsu ni, éti lɛlɔ énwini ukyuli ɔni muukisi Unwoti ɔkpana. Anwuɔsu Unwoti úti kɔnyi ɔ́kya-a!

Hiob 15:13

na livo liiƒí-ɔ na Katɔti lɛlɔ, na aatɛmiku-nwu kalɛ kalɛ na aayɔ́?

Kɔgya 53:1

Ɔdɔlɔdi mɔɔsu na nwuna kayi kemmo ɔnini, “Katɔti uuubo.” Likyulikpi lɛ́ƒɔ-ma keliela kemmo ɔsu balábla lɛbuni lɛdi.

Israelƒuɔ Bɔlɛ 20:5

Na tebo kalɔ takya baƒiɔ badi lili kalɔ iye akpa ɔdi. Ɔsika ndi bina Unwoti Katɔti ɔni muukpó kɔgyulo, na mɔɔní bekyuli bani muukisi-mii kɔtu ɔ́si bati ku bebi lɛlɔ útédu kaba katɛdi ku kenedi lɛlɔ.

Yeremia 13:23

Aakali ka adubɔvumana na ataabla lɛla lɛni na lɛdia ɔƒaamu?

Esekiel 14:5

Na si bénu-mi kenye kamɛni ni, ɔƒɛni kalɛ badubo kasusu bɔsɔku bɔbla na bada baƒiɔ bammɔ bɔkpa baya na benwini bebo-mi kudɔ.’

Mateo 12:34

Bɛdi bekyuli bekpidi geen aani balakpi! Na ala abuni adi alalɛ-mii kenye! Ala ani nkya ukyuli kasusu kemmo kani na uudie keyi.

Mateo 5:19

Anwuɔsu si ukyuli ɔdi ɔ́ta unye ɔda bubo bɔmɛni lɛlɔ na ɔ́tina bekyuli bamba lɛnɔ ɔnii babla lɛni ni, balabu-nwu na Katɔ Ɔga Ɔma. Nsu ukyuli ɔni madi ɔda bubo bɔmɛni lɛlɔ na watina bekyuli bamba lɛnɔ ɔnii babla lɛni ni, badubɔbu-nwu geen na Katɔ Ɔga Ɔma.

Yohane 7:7

Kayawi kalakana amii bukisi. Nsu keekisi ami, ɔsika muudie taasu kede kede ka bayawine ablala adi likpidi.

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Romaƒuɔ 1:30

Na beetemi enyekpi na bana bakpana lɛlɔ. Badi bekyuli bani muukisi Katɔti. Beedumi lɛlɔ, na baatina lɛlɔ, na baakun lɛmɛnɛ. Na baawia likpidi lilu lɛbambadi pii. Na balábu bana bawɔne.

Romaƒuɔ 3:31

Anwuɔsu bi na ɔmɛni ɔɔtina? Ɔɔtina ka bɔ́da ɔda bubo bɔmmɔ buse ka bɔƒɔtaadi bɔ́ƒɔ-mu kenye ɔsu? Kudii! Mmomu lɛla lɛni na ɔda bubo bɔmmɔ bɔdanku geen na bɔɔkɔliku katɔ.

Romaƒuɔ 5:10

Na si Katɔti ɔ́sɔku abu ku-nwu ntɛ ɔ́klibi ɔkɛnku ubidi kukpi lɛlɔ na uwi ɔni kemmo na nka bɔdi-nwu bekisine mmɔ ni, na uwi ɔni na abu ku-nwu ntɛ bɔdia mɛni ni, Katɔti ɔdubɔnu-bu kɔnyana utulo ƒui na bɔkɛ ngba bɔƒɔ ɔkɛnku Kristo ɔmmɔ lɛlɔ.

Romaƒuɔ 7:22

Nka na mina kayi kemmo geen ni, Katɔti ɔda bubo bɔɔda-mi ebiti geen.

Romaƒuɔ 8:4

Katɔti ɔ́bla ɔmɛni úte abu bani nli aani kalɛ na Katɔti Kɔyu kɔɔyɔ́, na ɔɔɔdi kalɛ na ɔlɔna udu ɔkukudi ɔɔyɔ́. Ɔ́bla ala amɛni ƒui na ulu siin lɛlɔ aani kalɛ na nwuna ɔda bubo bɔɔtina.

Korintoƒuɔ 1 2:14

Ukyuli biala ɔni na Katɔti Kɔyu kɔmɛni kútaƒɔ-nwu lɛlɔ kemmo ni, ulakana na waƒɔ etela ani na Katɔti Kɔyu kuute. Na ukyuli ɔmmɔ lɛnɔ ulénu ala ammɔ kalɔ, ɔsika ala ammɔ adi-nwu adɔlɔla sɔɔn. Na Katɔti Kɔyu lɛlɔ kani na ukyuli ɔdubɔsia na ɔnu etela ammɔ ɔti kalɛ na áƒɔ kuye.

Korintoƒuɔ 1 9:21

Lɛni kani na mɔɔbla ku bekyuli bani naaadi Yudaƒuɔ lɛnɔ. Na lílie-ma akɔ aani ukyuli ɔni naaadi Yudani. Na naaadi Yudaƒuɔ ɔda bubo bɔdi lɛlɔ kalɛ na lɛƒɔ-ma lite Blɔti. Ɔmɛni ulátina ɔnii lɛ́ta línye Katɔti ɔda bubo lɛlɔ. Ɔsika geen ni, Kristo ɔda bubo lɛlɔ na mɔɔdi.

Koloseƒuɔ 1:21

Na uwi ɔdi nábavi kemmo ni, bínwini kama bɛ́kya Katɔti na bíkisi-nwu na bina kasusu kemmo ɔ́si ala ekpidi ku kasusu kekpidi kani na bɛ́bla ɔsu.

Koloseƒuɔ 2:18

Bitaya na anumi lɛlɔ ukyuli ɔni mɔɔsiaku katɔ batu ɔdi ɔtɔlɔ-mii na utile-mii ngba bɔƒɔ kuƒi. Bekyuli bamɛni baakun lɛmɛnɛ ka bánu budie taatina bɔdi bɔni na sɔsɔ ni, bɔɔɔkɛnku Katɔti Kɔyu lɛlɔ.

Timoteo 2 3:4

Badi bekyuli bani mɔɔkya bana bakpana kakya. Na badi bekyuli bani nábi basiaku bana lɛnunsia kama, ku bekyuli bani mɔɔkali banii ama kani ntulo ku bekyuli bani mɔɔyɔ́ kayawi ebiti teetulo Katɔti.

Hebriƒuɔ 8:10

Bunyimi bɔni na ami Katɔti mɔɔsu ka ndubo bunyimiku Israel kadi bekyuli uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kasusu kemmo. Na ndubunweni-mu lɛkya-ma kayi kemmo. Ndubɔbla bana Katɔti na ama lɛnɔ babla mina bekyuli.

Yakobo 4:4

Bɛdi bekyuli bani na biládi Katɔti ɔda bubo lɛlɔ. Bɛɛɛgyi ka si bɛ́bi bɛsiaku kayawi ala ni, bíti lɛlɔ bínwini Katɔti bekisine? Na ukyuli biala ɔni meti kayawi ala aani nwuna ɔkpana ni, ɔdi ukisine ute Katɔti.

Petro 2 2:14

Lɛsɔnɔdi lɛ́ƒɔ-ma anu ƒui, na likpidi ala ɔkwɛ uláda-ma bɔda taaya kudii. Baatɔ́lɔ bekyuli bani bɔƒɔtaadi nátayu tɔ ɔkplu. Na baabla ekpidi. Na ama alati bébimi bana kaƒɔ bése ka beteemu ala taadi. Katɔti úwida bekyuli bamɛni geen.