Romaƒuɔ 8:34 - Katɔti Ɔku Kedee

³⁴ Na ɔma ndubɔkana na ɔdu-ma kɔtɔ? Kristo Yesu ndi ukyuli ɔni nékpi, na ɔni nsɔ nsia ndi ka Katɔti ɔ́gyila-nwu ɔ́lɛku bekpine akɔ na ɔ́sɔ úbo uli ngba na ulie Katɔti kɔdianu na uuvele-nwu teete-bu.

Romaƒuɔ 8:34 ပူးပေါင်းရင်းမြစ်များ

Hiob 33:24

Na ɔtu ɔmmɔ ɔɔnu ukyuli ɔmmɔ ku lɛƒɔndia na ɔbɔku kukpi ku kaƒiɔtɔ kammɔ ƒui ɔnii betebo-nwu lɛkpu, ɔsika báaƒɔ kayu biala na nwuna lili.

Hiob 34:29

Na ina bunye na únye ɔ́nu na útakpete-ma muedi ni, kadi bekyuli bamani, munuu ɔma ndubɔkana na udie Katɔti bɔƒiɔ bɔdi? Na si bɔbɛla na ɔ́bɛla nwuna anumi ni, ɔma ndubɔnu-nwu? Anwu kani mɔɔdi bekyuli ku kadi ƒui lɛlɔ.

Kɔgya 109:31

Ɔsika úkpo úte ɔwabane na údie-nwu ɔ́lɛku bekyuli bani nádu-nwu kukpi kɔtɔ enu kemmo.

Kɔgya 37:33

Nsu Unwoti Katɔti ɔɔɔdubo-nwu bɔnyonu bɔkya-nwu enu kemmo na ɔɔɔdubo ukyuli ɔbuni ɔmmɔ lɛnɔ kɔtɔ bɔdu si ɔɔtɛku-nwu litemi.

Yesaia 50:8

Mina ɔgyumanane unye-mi kudɔ mɛni, anwuɔsu ɔdi ɔɔɔdubo-mi kudɔ bubo bubadu-mi likpidi lɛdi kɔtɔ.

Yesaia 53:12

Unwoti ɔdubɔƒɔ kayu kabuni bute-nwu na ute-nwu kenyekɔ kenengudi ku ɔyikun na kalɛ na úbo abi útédu ku kukpi kemmo na ɔ́ƒɔ kayu na bekyuli ƒui lili ɔsu. Báka-nwu bákya bekyuli bekpidi akɔ. Ɔsika bekyuli pii ekpidi na ɔ́ƒɔ ɔ́sia lɛlɔ, na úti lɛlɔ ɔ́kpa na bana lili, na ɔ́ƒɔ-ma ngba.

Yeremia 50:20

Ndubudie Israelƒuɔ ku Yudaƒuɔ nkyuli ɛlɛɛ badi na ndubuti bana ekpidi lɛkyiɛ-ma ɔni na ɔdi ɔsɔ ulanu ekpidi bɔƒiɔ biala bɔdi ka bɔkya-ma lɛlɔ.”

Bumomo Bɔka 7:15

na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

Mateo 20:28

Lɛni na ami Ukyuli Ɔyawine Ubi lɛ́bla. Ńtebo nnii babla mina kabla. Mmomu líbo mbabla kabla na liti mina ngba lɛƒɔ bekyuli pii lili kayu.”

Marko 16:19

Uwi ɔni na Blɔti Yesu ɔ́tɛmiku-ma mmɔ kama ni, Katɔti úti-nwu úsienku katɔ na útélie keliekɔ kenengudi kani nsiaku Ɔti kadi.

Yohane 14:19

Kébu blii na kayawi bekyuli basɔ balanu-mi. Nsu amii bɛdubo-mi bɔnu. Na ka nli ngba ɔsu ni, amii lɛnɔ bɛdubulie ngba.

Yohane 16:23

“Si uwi ɔni na limeyi lɛmmɔ líbo líbedu ni, bileye-mi lɛla lɛdi. Ɔsika mɔɔsu-mii geen ka lɛla biala na bɛdubɔkpali-mi lɛnyi bivele mina Ɔti ni, ɔdubute-mii.

Batalane Kabla 2:24

Nsu Katɔti ɔ́sɔ ɔ́gyila-nwu ɔ́lɛku bekpine akɔ na ɔ́lɛ kukpi enu kemmo, ɔsika kukpi kulakana-nwu lɛkpu bubo buse.

Romaƒuɔ 14:13

Ɔmmɔ ɔsu bɛya na bɔda lɛlɔ kɔtɔ bɔdu bɔya. Mmomu bɛlɛ ugyii ka bɛɛɛdubo lɛla lɛdi bɔbla na lɛbala ɔdi bɔƒɔtaadi ulu na wetulo na weduo likpidi kemmo.

Romaƒuɔ 14:9

Ɔsika ɔmɛni ɔsu geen na Kristo úkpi na ɔ́sɔ ɔ́ta úbo uli ngba kalɛ na unwini Blɔti ute bekpine ku bayawine ƒui.

Romaƒuɔ 4:25

Katɔti úte kuƒi na bekyuli bádu Kristo ɔ́si bula ekpidi ani bɔ́bla ɔsu. Na Katɔti ɔ́gyila-nwu ɔ́lɛku bekpine akɔ kalɛ na Katɔti ɔnu ka buse siin.

Romaƒuɔ 8:1

Ɔmɛni ɔsu ni, kɔtɔ bɔdu bɔdi buuubo buuute bani nábla unwi ku Kristo Yesu na bana ngba bulie kemmo.

Romaƒuɔ 8:27

Katɔti ɔni ngyi bekyuli kayi kemmo ni, ɔgyi lɛla lɛni nkya nwuna Kɔyu kasusu kemmo lɛnɔ. Ɔsika Kɔyu kɔmmɔ kuuvele Katɔti na nwuna badi lili kalɛ na Katɔti ɔmmɔ ɔɔyɔ́.

Koloseƒuɔ 3:1

Ka amii ku Kristo na Katɔti ɔ́gyila ɔ́lɛku bekpine akɔ ɔsu ni, bɛwia ala ani nkya katɔ kama ulu na kesii kani na Kristo ulie ɔɔdiku Katɔti lɛga.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Hebriƒuɔ 9:24

Ɔsika ɔɔɔdi kakpakɔ kani na bekyuli bayawine béti enu bábla básiaku katɔ ɔdi kenye kemmo na Kristo úduo. Mmomu Katɔ Ɔga Ɔma geen kadi kemmo na úduo ɔkya ɔƒɛni na Katɔti anumi na bula lili.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Petro 1 3:22

Kristo ɔmɛni nésie katɔ na ulie Katɔti kɔdianu. Na katɔ batu ku lɛlɔ badine ku kayaa bayikune ƒui bakya-nwu kalɔ.

Budie Taatina 1:18

Ami ndi Ukyuli Ɔni Nli Ngba! Líkpi, nsu ɔƒɛni ni, nli ngba. Na nsɔ lɛɛɛdubo bukpi kudii. Mbo ɔyikun na kukpi ku kekpine lɛlɔ.