Romaƒuɔ 8:32 - Katɔti Ɔku Kedee

³² Na si Katɔti útenye útada Ubidi mmomu úti-nwu ɔkpa na bula lili ni, bi ɔsu na ulete-bu ala ƒui ku kaƒɔ ƒaa ɔkɛnku Ubidi ɔmmɔ lɛlɔ?

Romaƒuɔ 8:32 ပူးပေါင်းရင်းမြစ်များ

Ala Kalɔ Buse 22:12

Mmɔ ni, ɔtu ɔmmɔ ɔ́su Abraham ɔnini, “Ƒula kɔnu kutetuku ɔnamu ɔmmɔ. Na tabla-nwu lɛla lɛdi lɛnɔ. Ɔƒɛni na lɛ́nu lɛ́ti ka aayia Katɔti sɔsɔ. Ɔsika éteni ka eti ƒ'ubidi ɔni ndi ubi unwi pɛ ɔni na ebo ete-nwu.”

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Yesaia 53:10

Nsu Unwoti ɔlati nése ɔmɛni úse lɛni ɔnii nwuna kabla ɔblane ubo abi amɛni udu na badu-nwu, na ɔƒɔ kayu na bekyuli ƒui lili na bana ekpidi ɔsu. Na ina ka úbo lɛni muedi ni, ɔdubulie na ɔnu nwuna bawɔ bawɔ. Na ɔkɛnku nwuna lɛlɔ ni, lɛla lɛni na Unwoti ɔ́lɛ ugyii úse lɛdububo-nwu kemmo.

Mateo 3:17

Na bénu Katɔti lɛdi ka lɛ́si katɔ lɛnini, “Ɔmɛni ndi mina Ubi Ɔyɔne ɔni mɔɔƒɔ́-mi anu geen.”

Mateo 7:11

Ina ka bɛdi alaekpidi bablane muedi ni, bɛgyi kalɛ na biti ala abuni bite bina bebi. Anwuɔsu geen ni, Katɔti ɔni nse kedee ɔgyi kalɛ na uti ala abuni ute bekyuli bani muuvele-nwu utulo.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Romaƒuɔ 11:21

Ɔsika si Katɔti útenye útada Yudaƒuɔ bani nse aani kugyii kɔmmɔ ɔlati kɔgba bɔƒɛ ni, bɛɛkali ka ɔdubunye ɔda amii amu?

Romaƒuɔ 4:25

Katɔti úte kuƒi na bekyuli bádu Kristo ɔ́si bula ekpidi ani bɔ́bla ɔsu. Na Katɔti ɔ́gyila-nwu ɔ́lɛku bekpine akɔ kalɛ na Katɔti ɔnu ka buse siin.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Romaƒuɔ 8:28

Bɔgyi ka lɛla biala na Katɔti ɔɔbla ni, lɛdi lɛbuni lite bekyuli bani mɔɔyɔ́-nwu na ɔ́lɔ-ma ka babla nwuna kabla.

Korintoƒuɔ 1 2:12

Na abu ni, ɔɔɔdi kɔyu kɔni mɔɔdi alaekpidi bablane lɛlɔ nkya-bu lɛlɔ kemmo. Mmomu Katɔti Kɔyu kɔni ndubɔya na bɔti etela ani na bɔ́kɛ bɔ́siku-nwu kudɔ ku kaƒɔ ƒaa ni, aku nkya-bu lɛlɔ kemmo.

Korintoƒuɔ 2 4:15

Bina kadia ɔsu na ala amɛni ƒui aalɛ́ lɛni. Na si bekyuli pii baakɛ́ bɔƒɔ teebu ɔkɛnku Katɔti lɛƒɔndia ɔsu ni, lɛni kani na badubo-nwu enu lɛnɔ butaagya teebu si beeti ɔbu teete Katɔti.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Korintoƒuɔ 2 6:10

Ina ka bula lɛlɔ lɛɛkywí kaƒɔ ni, lɛlɔ lɛɛyɔ́-bu uwi biala. Baanu-bu aani bawabane, nsu bɔɔyá na bekyuli beenwíni Katɔ Ɔga Ɔma balakɛne. Baanu-bu aani bekyuli bani neeebo lɛla lɛdi. Nsu geen ni, ala ƒui ása-bu.

Yohane 1 4:10

Bɛya na lɛsu-mii lɛla lɛni geen muudie bɔyɔ keyi. Ɔɔɔdi kalɛ na bɔɔyɔ́ Katɔti muudie bɔyɔ keyi. Mmomu Katɔti ɔ́yɔ-bu, na úti Ubidi ɔ́kpa na bula ekpidi lili kalɛ na ɔklibi abu ku-nwu ntɛ.

Budie Taatina 21:7

Ukyuli ɔni madi ekpidi lɛlɔ ni, ɔdubɔkɛ kadikɔ kamɛni. Na ami lɛdi-nwu Kɔti, na anwu wadi mina ubi.