Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Romaƒuɔ 8:30 - Katɔti Ɔku Kedee

30 Anwuɔsu bani na Katɔti úse-ma likpo ni, ama na ɔ́lɔ. Na bani na ɔ́lɔ ni, ɔ́bla-ma siin. Na bani na ɔ́bla siin mmɔ ni, ɔ́ɔkɔliku-ma lɛnyi katɔ.

အခန်းကိုကြည့်ပါ။ ကော်ပီ




Romaƒuɔ 8:30
42 ပူးပေါင်းရင်းမြစ်များ  

Lɛ́kpanku-mii lɛ́siku kalɔ ɔgyu na kana kɔkunɔ ƒui líboku mɛni na lɛ́su-mii nnini, ‘Amii ndi mina kabla bablane baƒunadi na ńteni-mii.’


“Líte-ma lɛnyi buni lɛni na éte-mi kalɛ na bana ƒui babla unwi kalɛ kani na ami ku-ɔ bɔdi unwi.


“Ati, awɔ néti-ma éte-mi. Na mɔɔwia ka belie-mi kudɔ na kesii kani na nkya kalɛ na banu kalɛ na ákɔliku-mi lɛnyi katɔ. Ɔmɛni ndi lɛnyi lɛni na éte-mi. Ɔsika aayɔ́-mii kukuuku asa na édie kayawi ku kana lɛla biala.


“Na mɔɔsu-mii geen ka ni, ukyuli ɔni muunú-mi litemi na ɔɔƒɔ́ Katɔti ɔni nátala-mi taadi ni, uli ngba bɔni nsɔ naaadubo bɔsa kudii. Na Katɔti uládu-nwu kɔtɔ na nwuna ekpidi ɔsu. Mmomu ɔ́ɔvia kukpi ntu úduo ngba bɔwɔdi kemmo.


Na amii lɛnɔ ni, Katɔti ɔ́lɔ-mii ɔnii bibebunku Yesu Kristo badi bammɔ.


Ɔsika si ɔ́ƒuna ukyuli ɔdi iye ɔ́bla-nwu lɛƒɔndia lɛdi ni, ulávumana-ni.


Ɔmɛni ɔsu ni, kɔtɔ bɔdu bɔdi buuubo buuute bani nábla unwi ku Kristo Yesu na bana ngba bulie kemmo.


ɔdubudie ala ammɔ ƒui ɔlɛku kukpi enu kemmo na anwuna, na ɔya na ekeye aani nwuna bebi kalɛ.


Bɔgyi ka lɛla biala na Katɔti ɔɔbla ni, lɛdi lɛbuni lite bekyuli bani mɔɔyɔ́-nwu na ɔ́lɔ-ma ka babla nwuna kabla.


Búnweni ɔku ɔmɛni buute Korintoƒuɔ baƒɔtaadine bani na ɔkɛnku Yesu Kristo lɛlɔ na Katɔti údie úse na ɔ́lɔ-ma ɔnii babla nwuna bekyuli kedee. Lɛni na ɔ́bla bekyuli bani ƒui lɛnɔ mɔɔkpali Blɔti Yesu Kristo. Anwu ndi Blɔti ute abu ku-ma ƒui.


Katɔti ɔni nálɔ-mii ɔnii bɛbla unwi ku Ubidi Blɔti Yesu Kristo ni, ɔdi ukyuli ɔni lɛlɔ na bɛkada bikpo.


Lɛnunda lɛni kenye na muudie mɛni ni, lɛdi Katɔti lɛnunda lɛni nábɛ bekyuli. Nsu Katɔti ɔ́ƒuna-ni úse kukuuku ka lɛƒɔ-bu asa na údie kayawi.


Lɛni na nka amii badi bíse. Nsu Blɔti ɔ́ƒɔ-mii ekpidi údie-mii lɛlɔ kemmo na ɔ́bla-mii kedee úte Katɔti. Na amii ku Katɔti ntɛ bɔ́sɔ bɔ́dia ɔkɛ Blɔti Yesu Kristo ku Katɔti Kɔyu ɔsu.


Na abi blii suɛ ani na buubó na uwi klukui ɔmɛni kemmo na kayawi mɛni ni, adubɔya na bɔkɛ ɔbu ku lɛlɔyɔ bonwu lɛni nsɔ naaadubo bɔsa kudii na katɔ. Na lɛdubutulo abi ani na búbo ƒui.


Nsu na Katɔti kɔnyana bɔnu ɔsu ni, ɔ́ƒuna-mi úte nwuna kabla asa na badubɔwɔ-mi. Ka uwi údu-nwu ni, údie Ubidi ɔmmɔ ɔ́tina-mi kalɛ na lɛkana na lɛkɔ-nwu lɛlɔ lɛsa na amii bani naaadi Yudaƒuɔ akɔ. Na ńtatádiku ɔdi kasusu na ɔmɛni lɛlɔ,


Bina lɛlɔ lɛ́bla-mi kalɛ kadi geen, ɔsika ńtaƒɔ ńtadi nnii bɛdubɔlɛ Katɔti ɔni nálɔ-mii ɔkɛnku Kristo Yesu kaƒɔ buni kani na ɔ́bla-mii kama na bɛsiaku litemi bamba kama.


Katɔti ɔ́bla ala ƒui na nwuna kasusu ku bɔyɔ kenye na abu ku Kristo unwi bɔbla ɔsu. Na Katɔti ɔ́ƒuna-bu ka bɔbla nwuna bebi ɔkɛnku nwuna kasusu kani na ɔ́bla úse kalɔ kesekɔ ƒui lɛlɔ.


Katɔti ɔ́lɛ ugyii úse na nwuna kaƒɔ ƒaa bɔyɔ kemmo ka ɔdubɔsia Yesu Kristo lɛlɔ na ɔbla-bu nwuna bebi.


Na ɔmmɔ ɔɔtina ka abu ku Yesu Kristo na Katɔti ɔ́gyila ɔ́lɛku bekpine akɔ kalɛ na bɔdiku-nwu lɛga na katɔ.


Na ala amɛni ƒui akɛnku kalɛ na Katɔti ɔlati ɔ́su úse ka ɔbla ɔsiaku Blɔti Yesu Kristo lɛlɔ ɔ́si kalɔ kesekɔ.


Ɔlɔna unwi pɛ ku Kɔyu kunwi pɛ nkya aani kalɛ na Katɔti ɔ́lɔ-bu na bubo lɛnunsia linwi pɛ na bɔlɔ bɔmmɔ kemmo.


Bina ngba ƒui ndi Kristo. Na si Kristo ɔ́da ɔ́lɛ kayawi kamɛni kemmo ni, amii ku-nwu ƒui bɛdubɔdi lɛga bɛsala ku kubiti.


Bɔ́kya-mii ɔyikun ku ogya na bútaalɛ-mii bɔnii bilie ngba bɔni na kaƒɔ kayɔ Blɔti, ɔsika anwu ɔlati nálɔ-mii kalɛ na bɛkɛ bɔƒɔ na nwuna lɛga bɔdi ku bukeye kemmo.


Kenye kamɛni kadi litemi geen ka ni, “Si bɔ́bla unwi ku Blɔti na nwuna kukpi kemmo ni, bɔdubɔsɔ bɔta buliku-nwu ngba.


Ɔmɛni ɔsu na Kristo ndi ukyuli ɔni nnye bunyimi bɔwɔdi bɔmɛni kenye kalɛ na bekyuli bani na Katɔti ɔ́lɔ ka babla anwu badi ni, bana kɔnu kutuku linyese lɛni ndi ngba bɔni nsɔ naaadubo bɔsa kudii. Ɔmɛni uubo teete lɛni, ɔsika Kristo kukpi ɔsu na Katɔti uuti ekpidi ani na bekyuli bábla na bunyimi bɔkukudi kemmo taakyiɛ-ma.


Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.


Biteti likpidi bitaƒɔ bani mɔɔbla-mii ekpidi kayu, iye bidumi bani muudumi-mii. Na mmomu bivele Katɔti na ute-ma keyi buɛɛ. Ɔsika ɔmɛni na Katɔti ɔɔwia ka bɛbla. Na ɔ́su bula ƒui úse ka ɔmɛni ɔsu na ɔdubute-bu keyi buɛɛ.


Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.


Banwa, ɔmɛni ɔsu ni, binye kpakplaa bibu. Na lɛla lɛni na Katɔti ɔ́lɔ-mii na ɔ́ƒuna-mii ɔnii bɛbla ni, bɛkya-ni ɔyikun uwi biala kalɛ na bina bɔƒɔtaadi bulayuɛ.


Na badubɔta na bekpoku Koƒonu Ubi ɔmmɔ. Nsu Koƒonu Ubi ɔmmɔ ku nwuna bekyuli baƒunadi ku nwuna baƒɔtaadine geen badubo-ma lɛlɔ bɔdi. Ɔsika anwu ndi Blɔti ɔni ndi Bati Ƒui Ɔti ku Baga Ƒui Ɔga.”


Mmɔ na Katɔti ɔtu ɔmmɔ ɔ́su-mi ɔnini, “Nweni ala amɛni. Lɛlɔ lɛdubɔyɔ ama bani na badubɔlɔ beboku uleku ketikɔ adila kadikɔ.” Na ɔ́sɔ ɔ́su-mi ɔnini, “Etemila amɛni adi Katɔti ɔlati etemila geen.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ