Romaƒuɔ 8:26 - Katɔti Ɔku Kedee

²⁶ Na ulu ɔmɛni lɛlɔ na Katɔti Kɔyu kuute-bu kebunku, ɔsika buse kpɛtɛ kpɛtɛ, na bɔɔɔgyi kalɛ bɔkpali Katɔti bɔvinku. Nsu nwuna Kɔyu kɔmmɔ ɔlati kuuvele na kuudumo teete-bu kalɛ udu na abu bulaka budie bɔtina.

Romaƒuɔ 8:26 ပူးပေါင်းရင်းမြစ်များ

Hiob 37:19

“Tina-bu lɛla lɛni na bɔdubɔsu Katɔti, ɔsika bula kasusu kese-bu suu, na bɔɔɔgyi lɛla lɛni na bɔsu bɔsiku lɛla lɛmɛni lɛlɔ.

Kɔgya 10:17

O Unwoti, bekyuli bani muuboku lɛlɔ kalɔ na beevele-ɔ bana kayi lɛyɔla ni, eenú-ma bɔkpali na aakya-ma kayi ogya, na eenú-ma lɛdi lɛnɔ si baakpali-ɔ.

Kɔgya 102:20

Na únu bekyuli bani na bákya ɔtɔ budumo ku bani na bádu-ma kukpi kɔtɔ ƒui kalɛ na udie-ma.

Kɔgya 102:5

Ɔ́si kalɛ na muudumo ɔsu ni, mina ɔlɔna ɔ́kwii na ekubi ekubi na aanu.

Kɔgya 6:3

Muunú ɔlɛ geen na mina lɛlɔ ƒui kemmo. Unwoti, buvele tetu uwi. Bo na ababwi-mi.

Kɔgya 6:9

Uunú ka muuwulo taakpali-nwu nnii ubunku-mi. Na ɔdubɔbla ute-mi lɛni kani.

Kɔgya 69:3

Lɛ́ɛkpali lɛ́nɔ na ɔkwɛ ɔ́kwii-mi. Na anumi aanwú-mi ɔni na líinye mɔɔnu-ɔ anumi taanɔ.

Kɔnyana Buwulo 3:56

Lívele-ɔ nnii enu-mi bɔkpali na ebunku-mi ku kɔvanu na lɛ́su nnini, “Bunku-mi! Ƒɔ-mi!” Na énu éte-mi sɔsɔ.

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Mateo 10:20

Ɔsika Katɔti ndubute-mii etemila ani na bɛdubɔsu. Katɔti Kɔyu kɔdubɔtɛmi kɔsiaku-mii lɛlɔ.

Mateo 20:22

Yesu ɔ́su-ma ɔnini, “Bɛɛɛgyi lɛla lɛni geen na biiye. Lɛbibo lɛni ndubo buti ni, amii lɛnɔ bɛdubɔkana-nya buti?” Amu na bedie kenye banii, “Ɛɛn, bɔdubɔkana.”

Luka 22:44

Na ɔ́sɔ ɔ́kpali katɔ úbu kpakplaa ɔni na únu ɔlɛ geen. Na ewulu ani nátuku-nwu ese aani ubugya na eedú teewi kalɔ.

Yohane 14:16

Na ndubuvele mina Ɔti na ute-mii Ubunkune ɔbambadi ɔni ndubulie-mii kudɔ uwi ƒui.

Romaƒuɔ 15:1

Abu bani na bula bɔƒɔtaadi bɔ́ɔyu ɔkplu ni, ɔlɛka bɔkɛ kayi bute ala ani na bekyuli bani na bana bɔƒɔtaadi bútayu tɔ ɔkplu baabla na bubunku-ma. Na ɔɔɔdi ka bɔbla lɛla lɛni mayɔ-bu kaƒɔ lɛti.

Romaƒuɔ 7:24

Mina lɛlɔ libo kɔnyana geen. Na ɔma ndubo-mi budie bɔlɛku ɔlɔna udunkpi ɔkukudi ɔni néti-mi úsela kukpi kemmo mɛni?

Romaƒuɔ 8:15

Katɔti útete-mii kɔyu kɔni náya na binwini liƒu ala kabla bablane. Mmomu úte-mii Kɔyu kɔni náya na binwini nwuna bebi. Na ɔkɛnku Kɔyu kɔmmɔ lɛlɔ ɔsu na bɔɔkpali Katɔti bɔnii, “Abba” ɔni kalɔ ndi mina Ati.

Korintoƒuɔ 2 5:2

Na uwi ɔni kemmo na bɔmu bɔkya kayawi kamɛni ɔlɔna kemmo ni, buuubo bɔnwuna bɔdi. Na bɔɔnu ulu kpakplaa ka bɔkɛ Katɔ Ɔga Ɔma ɔlɔna.

Korintoƒuɔ 2 5:4

Na uwi ɔni bɔmu bulie kayawi kamɛni ɔlɔna kemmo ni, bɔɔnu taati ka búmii na buuubo bɔnwuna. Na ɔɔɔdi ka bɔɔwia bɔnii bɔɔnyonu kayawi ɔlɔna ɔmɛni. Mmomu bɔɔwia ka bɔkya Katɔ Ɔga Ɔma ɔlɔna kemmo kalɛ na ɔlɔna ɔni nsɔ naaadubo bukpi ɔƒɔ ɔni muukpi mmɔ ƒui.

Galatiƒuɔ 4:6

Ka bɔdi Katɔti bebi ɔsu ni, ɔ́tala Ubi ɔmmɔ Kɔyu ɔ́kya bula kayi kemmo. Na Kɔyu kɔmmɔ mɔɔkpali katɔ taalɔ ɔnini, “Abba” ɔni kalɔ ndi mina Ati.

Eƒesoƒuɔ 2:18

Ɔkɛnku Kristo lɛlɔ na bula akpa anyɔ ƒui, Yudaƒuɔ ku bani naaadi Yudaƒuɔ, bɔkɛ Katɔti Kɔyu kunwi lɛlɔ búbo Katɔti anumi.

Eƒesoƒuɔ 6:18

Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.

Hebriƒuɔ 4:15

Ɔɔɔdi ɔkpane unengudi ɔni na bula lɛlɔ lilakywi-nwu kaƒɔ na bula kpɛtɛ kpɛtɛ bɔbla kemmo. Mmomu ɔdi ukyuli ɔni na ala ékpoku-nwu ánu na ulu biala lɛlɔ aani bula kalɛ kani. Nsu útabla likpidi lɛdi.

Hebriƒuɔ 5:2

Na bekyuli bani naaagyi ɔda bubo bɔmmɔ na báyii ulu ni, ɔkpane ɔmmɔ ɔgyi kalɛ na ɔbla bana litemi buɛɛ. Ɔsika anwu lɛnɔ ulákana ɔda bubo bɔmmɔ ƒui lɛlɔ bɔdi.

Yakobo 4:3

Si ina bívele Katɔti muedi ni, ulákpete-mii. Ɔsika ɔɔɔdi kasusu kabuni kemmo na biiye-nwu ala ammɔ. Na lɛla lɛni kani na bɛɛwia ka biti lɛlakɛ lɛmmɔ bɛbla ndi ka biti-nya bɛsiaku kayawi ebiti ekpludi kama.