Romaƒuɔ 8:11 - Katɔti Ɔku Kedee

¹¹ Na si Katɔti Kɔyu kɔni nágyila Yesu ɔ́lɛku bekpine akɔ kɔkya-mii kemmo ni, anwu ɔni nágyila Kristo Yesu ɔ́lɛku bekpine akɔ mɛni ndubute bina ɔlɔna ɔni ndubukpi mɛni ngba ɔkɛnku nwuna Kɔyu kɔni nli-mii lɛlɔ kemmo ɔsu.

Romaƒuɔ 8:11 ပူးပေါင်းရင်းမြစ်များ

Yesaia 26:19

Nsu bani na badi awɔ badi ina ka békpi ni, badubɔsɔ bata ku bana ɔlɔna na belie ngba. O amii bani nkya kaƒiɔtɔ kemmo, bɛta na bidie lɛnu ku lɛlɔyɔ! Ɔsika ɔtanta amii na adi muuwi-mii lɛlɔ. Na kalɔ kammɔ kadubo kana bekpine bammɔ bɔwɔ bɔlɛku mmɔ.

Esekiel 37:14

Mina Kɔyu kɔdubɔya na ɔƒɛƒɛɛ ɔsɔ uduo-mii lɛlɔ kemmo na bɛsɔ bibelie ngba. Ami Unwoti násu. Ndubɔsɔku-mii liboku bina ɔma na bɛti ka lɛ́di mina linyese lɛlɔ. Ami Unwoti násu.’ ”

Yohane 14:17

Anwu ndi Kɔyu kɔni muudie litemi geen lɛni ndanku Katɔti lɛlɔ taatina. Nsu kayawi bekyuli balakana enu bugyingya bɔƒɔ-nwu. Ɔsika balanu-nwu balati. Nsu amii ni, Kɔyu kɔmmɔ kuliku-mii na kɔdubɔƒɔ-mii lɛlɔ kemmo ƒui.

Yohane 5:21

Ɔsika kalɛ na mina Ɔti ɔɔgyila bekpine na beelie ngba ni, lɛni kani na ami Ubidi lɛnɔ muuti ngba teete bani na mɔɔyɔ́ ka lite ngba.

Batalane Kabla 2:24

Nsu Katɔti ɔ́sɔ ɔ́gyila-nwu ɔ́lɛku bekpine akɔ na ɔ́lɛ kukpi enu kemmo, ɔsika kukpi kulakana-nwu lɛkpu bubo buse.

Romaƒuɔ 16:10

Bigyele Apele ɔni na bɔ́kɔku-nwu bɔ́nu na bɔ́nu ka ɔdia na Kristo kemmo mmɔ. Na bigyele Aristobulo kaduli bekyuli ƒui.

Romaƒuɔ 16:3

Bigyele Priska ku Akwila bani ndi mina kabla bablane bakpana na Kristo Yesu kemmo.

Romaƒuɔ 16:7

Bigyele Androniko ku Yunia bani ndi mina kadi bekyuli bani na ami ku-ma na bákya aban ɔtɔ mmɔ. Bekyuli bagyi-ma geen na batalane bammɔ akɔ. Na ama báka-mi Kristo ɔmmɔ bɔƒɔ.

Romaƒuɔ 16:9

Na bigyele Urbana ɔni ndi bula kabla ɔblane ɔkpana na Kristo kemmo. Na bigyele mina ɔkpana ɔyɔne Staki.

Romaƒuɔ 6:12

Anwuɔsu bitaya na likpidi lɛdi bina ɔlɔna ɔni ndubukpi mɛni lɛlɔ, kalɛ na bilanyonu lɛlɔ bilete ɔlɔna ɔkwɛ adala ekpidi.

Romaƒuɔ 8:1

Ɔmɛni ɔsu ni, kɔtɔ bɔdu bɔdi buuubo buuute bani nábla unwi ku Kristo Yesu na bana ngba bulie kemmo.

Romaƒuɔ 8:12

Anwuɔsu ni, banwa, ɔɔɔdi ɔlɔna ɔmɛni na bɔda kayu ka bulie ngba na nwuna ɔkwɛ adala kenye.

Romaƒuɔ 8:2

Ɔsika ɔkɛnku Kristo Yesu lɛlɔ ni, ɔda bubo bɔni nkɛnku Katɔti Kɔyu kɔni muute bekyuli ngba bɔ́ya na lɛ́lɛ ɔda bubo bɔni ndanku likpidi bɔbla ku kukpi kalɔ.

Romaƒuɔ 8:9

Si Katɔti Kɔyu kɔ́ƒɔ-mii lɛlɔ kemmo ni, biiilie na bina ɔlɔna udu ɔkukudi bɔyɔ kenye, mmomu kalɛ na Katɔti Kɔyu kɔɔyɔ́. Na si Kristo Kɔyu kútaƒɔ ukyuli ɔdi lɛlɔ kemmo ni, ɔɔɔdi Kristo ɔdi.

Korintoƒuɔ 1 15:16

Anwuɔsu si sɔsɔ na ɔdi ka ulágyila bekpine taasiku kekpine ni, na bɛgyi bɛnii útagyila Yesu útalɛku bekpine akɔ.

Korintoƒuɔ 1 6:14

Katɔti ɔ́gyila Blɔti ɔ́lɛku bekpine akɔ, na ɔdubɔgyila abu lɛnɔ ku nwuna ɔyikun.

Korintoƒuɔ 2 4:11

Sɔsɔ na bula ngba bulie kemmo ƒui ni, bɔkya kukpi ɔgbankpi kemmo na Yesu ɔsu. Nsu ɔyikun ɔni na úte-bu na bula ɔlɔna kemmo ɔsu ni, ɔdubɔya na bekyuli banu nwuna ngba bati.

Korintoƒuɔ 2 4:14

Na bɔgyi ka Katɔti ɔni ńagyila Yesu ɔ́lɛku bekpine akɔ ni, lɛni kani na ɔdubɔgyila abu lɛnɔ na uti abu ku-mii ƒui usienku Katɔti anumi.

Korintoƒuɔ 2 5:4

Na uwi ɔni bɔmu bulie kayawi kamɛni ɔlɔna kemmo ni, bɔɔnu taati ka búmii na buuubo bɔnwuna. Na ɔɔɔdi ka bɔɔwia bɔnii bɔɔnyonu kayawi ɔlɔna ɔmɛni. Mmomu bɔɔwia ka bɔkya Katɔ Ɔga Ɔma ɔlɔna kemmo kalɛ na ɔlɔna ɔni nsɔ naaadubo bukpi ɔƒɔ ɔni muukpi mmɔ ƒui.

Galatiƒuɔ 6:8

Si aavá ala ani mɔɔda ɔlɔna ɔkwɛ ebi ni, kukpi na adubɔkɛ. Nsu si aavá ala ani mɔɔda Kɔyu ɔkwɛ ebi ni, ngba bɔni nsɔ naaadubo bɔsa kudii na adubɔkɛ.

Eƒesoƒuɔ 2:5

uwi ɔni na búkpi na kɔyu kemmo ɔ́si bula alaekpidi bɔbla ɔsu ni, Katɔti ɔ́ya na bɔ́sɔ búnwini búbo bulie ngba ku Kristo. Na ɔkɛnku Katɔti lɛƒɔndia ɔsu na bɔ́kɛ ngba bɔƒɔ bɔmɛni.

Ƒilipiƒuɔ 3:21

Na ɔdubɔvumana bula kayawi ɔlɔna kpɛtɛ kpɛtɛ ɔmɛni na ɔbla-nwu aani nwuna ɔlɔna ɔni muukeye mmɔ kalɛ ɔkɛnku ɔyikun ɔni na ubo na ɔɔyá na lɛla biala liiboku lɛlɔ kalɔ teete-nwu kenye.

Hebriƒuɔ 13:20

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Budie Taatina 1:18

Ami ndi Ukyuli Ɔni Nli Ngba! Líkpi, nsu ɔƒɛni ni, nli ngba. Na nsɔ lɛɛɛdubo bukpi kudii. Mbo ɔyikun na kukpi ku kekpine lɛlɔ.

Budie Taatina 11:11

Na emeyi atɛ ku kakɛ kama ni, ɔƒɛƒɛɛ ɔni muute ngba ɔ́si Katɔti kudɔ úbo na úduo-ma lɛlɔ kemmo na báta bénye. Na bani ƒui nánu-ma ni, liƒu lɛ́da-ma.