Romaƒuɔ 7:4 - Katɔti Ɔku Kedee

⁴ Mina banwa, lɛni kani na use ute amii lɛnɔ. Ɔsika na ɔda bubo bɔmmɔ kenye ni, ɔɔtina aani si bíkpi uwi ɔni na Kristo úkpi. Na bɛkana bilieku ukyuli bamba. Anwuɔsu bínwini ukyuli ɔni na Katɔti ɔ́gyila ɔ́lɛku bekpine akɔ mmɔ kalɛ na bula kelie kalɛ ku ala abuni keyi ete Katɔti.

Romaƒuɔ 7:4 ပူးပေါင်းရင်းမြစ်များ

Yesaia 54:5

“Unwoti Ɔyikune Ƒui, Israel Katɔti, mɔɔdi kayawi ƒui lɛlɔ. Anwu ndi bina Udiene ku bina ɔgya na ɔdubudie-mii.

Yesaia 62:5

Kalɛ na ebiti aada okloƒu ɔni néti adagyaa na lɛlɔ lɛɛyɔ́-nwu na ɔɔda-nwu ni, lɛni na ƒula bebi badubɔda-kalɔ kammɔ. Na kalɛ na uleku ɔgya ku ulekudi beelie ku ebiti ni, lɛni na ebiti adubɔda Unwoti na ƒula lɛlɔ.

Mateo 26:26

Uwi ɔni na Yesu ku nwuna batɛyane belie baadi ni, úti bodobodo. Na ka ɔ́gya Katɔti enu ni, ɔ́bwɛ-nwu kɔkɛ kɔkɛ na úle-ku úte-ma. Ɔ́su ɔnini, “Bɛƒɔ ɔmɛni na bɛdi. Ɔmɛni ndi mina ɔlɔna.”

Marko 4:20

“Na bekyuli badi lɛnɔ bénu Katɔti litemi aani egyiibi ani nálɛ ébo kalɔ kabuni lɛlɔ. Bekyuli bammɔ báƒɔ-ni ku kayi kemmo ƒui. Na uwi ndi uwi ni, baalɛ́ lili na baanwu kɔyu kemmo ebi. Badi bese aani edula ani nánwu ebi avlaatɛ, iye liti ku leevu, iye eti anyɔ.”

Yohane 15:8

Na si bɛ́nwu ebi pii ni, ɔmɛni ɔɔyá na bekyuli baakɔliku mina Ɔti lɛnyi katɔ. Na ɔmmɔ ɔɔtina lɛnɔ ka bɛdi mina batɛyane.

Yohane 3:29

Na ɔƒɛni ni, anwu ɔni ndi uleku ɔgya ɔmmɔ mbo uleku. Na uleku ɔgya ɔkpana ɔni nnye uleku buti kabla kamɛni kenye ni, si uwi ɔni na uleku ɔgya ku uleku ɔmmɔ bása baatɛmi bana lɛlɔyɔ atɛ ni, uunye teenu-nya ku ebiti. Lɛni kani na ami lɛnɔ ebiti aada-mi geen aani uleku ɔgya ɔkpana ɔmmɔ.

Yohane 6:51

Ami ndi adila ani muute ngba. Na lɛ́si katɔ lɛ́yu líbo. Ukyuli biala ɔni mɔɔdi adila amɛni adi ni, ɔdubo ngba bulie uwi ƒui. Na adila ani ndubute bekyuli ni, anya ndi mina ɔlɔna.”

Romaƒuɔ 6:11

Na lɛni kani na ɔlɛka amii lɛnɔ bitaanu lɛlɔ ka bíkpi na likpidi lɛsɔ liládi-mii lɛlɔ. Na ɔlɛka bilie ngba bite Katɔti na amii ku Kristo Yesu unwi bɔbla kemmo.

Romaƒuɔ 6:14

Ɔsika likpidi liiibo ɔyikun na bina lɛlɔ ka biiibo ɔda bubo kalɔ ɔsu. Mmomu bɛkya Katɔti lɛƒɔndia kalɔ.

Romaƒuɔ 6:2

Oowo! Kudii! Ɔsika búkpi, na likpidi lɛsɔ liládi-bu lɛlɔ! Na bi ɔsu na ɔ́sɔ ɔlɛka bulie butaabla ala ekpidi?

Romaƒuɔ 6:22

Nsu ɔƒɛni ni, bɛ́lɛ ekpidi enu kemmo na bɛ́kɛ bɔnwuna. Na bínwini Katɔti kabla bablane. Ɔmmɔ ɔsu kɔsia kɔni na bɛɛkɛ́ ndi ɔni na bíti lɛlɔ bíte-nwu ƒui na bɛɛbla kedee kalɛ na bɛkɛ ngba bɔni nsɔ naaadubo bɔsa kudii.

Romaƒuɔ 7:3

Anwuɔsu si uleku ɔmɛni úsie útélieku ɔnana ɔbambadi uwi ɔni na ɔgyani ɔmu ulie ngba ni, bekyuli badubɔlɔ-nwu banii ɔsɔnɔdine. Nsu si ɔgyani ɔmɛni úkpi ni, ɔ́lɛ ɔda bubo bɔmmɔ kalɔ. Na ubo kuƒi ka ulie kɔgya kɔbambadi ɔni na ɔɔɔdi ɔsɔnɔdine.

Romaƒuɔ 7:6

Nsu ɔƒɛni ni, ka búkpi na bɔ́lɛ ala ani nényimi-bu mmɔ kalɔ ɔsu ni, ɔda bubo bɔmmɔ bɔsɔ buládi-bu lɛlɔ. Ɔmmɔ ɔsu bɔsɔ bulábla lɛla lɛdi na ulu ɔkukudi lɛlɔ. Mmomu ulu ɔwɔdi ɔni nkɛnku Katɔti Kɔyu lɛlɔ na bɔɔbla kabla.

Romaƒuɔ 8:2

Ɔsika ɔkɛnku Kristo Yesu lɛlɔ ni, ɔda bubo bɔni nkɛnku Katɔti Kɔyu kɔni muute bekyuli ngba bɔ́ya na lɛ́lɛ ɔda bubo bɔni ndanku likpidi bɔbla ku kukpi kalɔ.

Korintoƒuɔ 1 10:16

Ɔɔƒɛɛ ɔni na buuti taagya Katɔti enu ni, unye ute Blɔti ubugya. Na bodobodo ɔni na bɔɔbwɛ si bɔɔdi Blɔti adila kedee ni, ɔɔtina ka abu ku Kristo bɔɔbla unwi.

Korintoƒuɔ 2 11:2

Muukpó-mii lɛlɔ kogyulo teete Katɔti. Lívele-mii líte Kristo aani kalɛ na beevele adagyaa ɔni nse sɛɛn teete kɔgya.

Galatiƒuɔ 3:13

Na Kristo nébo úbada-bu údie ewida kemmo. Na anwu nébenwini ewidala úte-bu. Ɔsika bénweni banii, “Ewida asiaku ukyuli ɔni na badubuti baƒala ugyii lɛlɔ.”

Galatiƒuɔ 5:18

Na si Kɔyu kɔ́tɔnku-mii ni, na biiibo ɔda bubo bɔmmɔ kalɔ.

Eƒesoƒuɔ 2:15

Úti nwuna ɔlɔna ɔ́kpa úte Katɔti aani ala ani na beti bakpa bedie ekisila ani na Yudaƒuɔ ɔda bubo ƒui bɔdanku. Lɛla lɛni ɔsu na úti lɛlɔ ɔ́kpa ndi ka uti bana akpa anyɔ bammɔ ɔsala na babla benwi na nwuna kemmo, na keyi buɛɛ kebo-ma akɔ.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Ƒilipiƒuɔ 4:17

Na ɔɔɔdi etela na mɔɔwia lite lɛlɔ, mmomu lɛla lɛni mete-mii kɔsia na katɔ na mɔɔsia anu.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Koloseƒuɔ 1:22

Nsu ɔƒɛni ni, Katɔti ɔkɛnku nwuna Ubidi kukpi kɔni na úkpi na ugyii lɛlɔ mmɔ ɔsu ni, ɔ́klibi amii ku-nwu ntɛ kalɛ na bɛkana na binye nwuna anumi aani bekyuli bani nse kedee na bátasɔ na beeebo kɔtu bɔni bɔdi.

Koloseƒuɔ 1:6

Litemi buni lɛmɛni ala abuni amu aalɛ́ku bekyuli na liigyingya na kayawi ekpo ƒui aani kalɛ na ɔ́lɛku-mii uwi ɔni na bínu Katɔti kɔnyana bɔnu litemi geen lɛmmɔ kudeedi, na bɛ́nu bɛ́ti kalɛ na Katɔti ɔɔyɔ́-mii.

Koloseƒuɔ 2:14

Katɔti úkulo lɛla biala nétile-bu ulu na lɛ́bala-bu na bula ngba bulie ablala kemmo ƒui na ɔda bubo bɔmmɔ etemila kenye údie-bu lɛlɔ kede kede. Na úti-nya ɔ́kana ɔ́mana ugyii lɛlɔ ku Kristo.

Koloseƒuɔ 2:20

Kristo kukpi kɔɔtina ka amii ku-nwu nékpi, na úkpo ɔ́ƒɔ-mii ɔ́lɛku kayawi kamɛni ala bɔtina ulu lɛlɔ kemmo. Na si use lɛni ni, bi ɔsu na bɛɛbla lɛlɔ aani si bɛmu bɛsiaku kayawi kamɛni ɔda bubo bɔmmɔ kama, na bɛmu bɛɛdi bana ala ani na bényimi lɛlɔ?

Hebriƒuɔ 10:10

Na Katɔti ɔ́bla-bu kedee na nwuna bɔyɔ kenye ɔkɛnku kalɛ na Yesu Kristo úti nwuna ɔlɔna ɔ́kpa úte-nwu kunwi pɛ kani úte uwi ƒui ɔsu.

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Budie Taatina 19:7

Bɛya na bula ƒui bɔkɛ ebiti na lɛlɔ lɛyɔ-bu na bɔkɔliku-nwu lɛnyi katɔ. Ɔsika Katɔti Koƒonu Ubi ɔmmɔ limeyi libendi lɛmmɔ lídu aani kalɛ na beeti uleku. Na Katɔti bekyuli báaklibi lɛlɔ bése aani uleku ɔmmɔ kalɛ.

Budie Taatina 21:9

Ɔmmɔ kama ni, Katɔti batu maatɛ bani náda kɔlaku maatɛ kɔni néyi ku lɛbibo kpakplaa maatɛ mmɔ akɔ unwi ɔ́da ɔ́lɛ na ɔ́su-mi ɔnini, “Bo, na ndubɔtina-a Katɔti bekyuli bani nse aani Koƒonu Ubi ɔmmɔ uleku ɔni na ɔdubo buti mmɔ.”