Romaƒuɔ 7:22 - Katɔti Ɔku Kedee

²² Nka na mina kayi kemmo geen ni, Katɔti ɔda bubo bɔɔda-mi ebiti geen.

Romaƒuɔ 7:22 ပူးပေါင်းရင်းမြစ်များ

Hiob 23:12

Na ńtalɛ nwuna ɔda bubo bɔdi lɛnɔ kama. Mmomu bɔ́ƒɔ-mi kuye geen, na nsiaku-mu kama lɛnɔ siin.

Kɔgya 1:2

Mmomu lɛlɔ lɛɛyɔ́-ma ka bataadi Unwoti ɔda bubo lɛlɔ. Na beteeduo ɔda bubo litemi lɛmmɔ kemmo usien ku ɔƒɛ.

Kɔgya 119:111

Ƒula ɔda bubo bɔɔyɔ́-mi kaƒɔ na bɔdi mina kese uwi ƒui.

Kɔgya 119:113

Na bekyuli bani na bana kasusu kese inyɔ inyɔ na ƒula lɛlɔ ni, nkisi-ma. Na ami ni, mɔɔyɔ́ ƒula ɔda bubo.

Kɔgya 119:127

Ami mɔɔyɔ́ ƒula ɔda bubo teetulo sika ugyiedi.

Kɔgya 119:16

Lɛlɔ lɛdubo-mi butaayɔ na ɔda bubo bɔmɛni lɛlɔ. Na lɛɛɛdubo ƒula etemila amɛni bɔyiƒala kudii.

Kɔgya 119:167

Mina kɔyu kɔda ƒula ɔda bubo bɔni na éte-mi, ɔsika mɔɔyɔ́-mu teetulo lɛla biala.

Kɔgya 119:174

Unwoti, nnye ngya-a ka abáƒɔ-mi. Ɔsika ƒula ɔda bubo mɔɔyɔ́-mi kaƒɔ.

Kɔgya 119:24

Ƒula ala ani na aatina-mi mɔɔyɔ́-mi kaƒɔ. Na anya mɔɔlɛ-mi lɛnɔ.

Kɔgya 119:35

Tɔnku-mi siaku ɔda bubo bɔmmɔ lɛlɔ. Ɔsika amu ndubɔya na lɛkɛ ebiti.

Kɔgya 119:72

Na ƒula ɔda bubo bubo-mi kɔsia utulo lɛla biala ku sika ugyiedi ku ɔƒualadi ƒui.

Kɔgya 119:92

Na si ɔɔɔdi ɔni na ƒula ɔda bubo bɔdi mina lɛlɔyɔ ɔsu ni, nka lɛ́ɛyii udu na kalɛ na mina ala eekpóku-mi ɔsu.

Kɔgya 40:8

O mina Unwoti Katɔti, ƒula ɔda bubo bɔkya-mi kayi kemmo.”

Lɛnu Ƒui Ɔnu 5:3

Nka lɛ́ɛƒɔ lɛgba na lídie mina adala ƒui líse. Buti na nsɔ ndubo mina adala buti bɔkya, na aba asɔ etuku-mi lɛgba?

Yesaia 51:7

“Anwuɔsu amii bani ngyi lɛbuni lɛni na ɔdi ka bɛbla na bɛda mina ɔda bubo ku kayi ƒui ni, bise atu. Enu ataƒɛ-mii si bekyuli beedumi-mii na baatɛmi enyekpi na bina lɛlɔ.

Lewiƒuɔ Ɔda Bubo 13:39

ɔlɛka ɔkpane ɔsia ɔlɛ ɔmmɔ anu. Nsu si ɔlɛ ɔmmɔ uuuse ƒututuu ƒui, ni, na ɔlɛ ɔmmɔ ɔɔɔdi ɔlɛ ɔni muukpóku ukyuli nálɛ úwi ukyuli ɔmmɔ ɔsu útasɔ mmomu use sɛɛn.

Yohane 4:34

Yesu ɔ́su-ma ɔnini, “Mina adila ndi ka lɛbla anwu ɔni nátala-mi lɛƒɔyɔ na lɛwɔlɔ kabla kani na úte-mi ka mbabla.

Romaƒuɔ 2:29

Mmomu ukyuli ɔni ndi Yudani geen ndi ukyuli ɔni mɔɔtina na nwuna ablala kemmo ka úti nwuna kayi úte Katɔti. Na ɔɔɔkɛnku ɔlɔna ɔni na békulo na ɔda bubo ɔdi kenye lɛlɔ. Mmomu ɔkɛnku Katɔti Kɔyu lɛlɔ. Na ɔɔɔdi ukyuli ɔyawine mɔɔkɔliku ukyuli ɔmmɔ lɛnyi katɔ, mmomu Katɔti.

Romaƒuɔ 8:7

Na ukyuli ɔni kasusu nsia ɔlɔna ala kani lɛlɔ ni, ɔdi ukisine ute Katɔti, ɔsika uládi Katɔti ɔda bubo lɛlɔ. Na sɔsɔ geen ni, ulakana-mu lɛlɔ bɔdi lɛnɔ kudii.

Korintoƒuɔ 2 4:16

Kasusu kamɛni ɔsu na enu aláƒɛ-bu si ina bula ɔlɔna ugyii ɔmɛni ɔɔyii udu muedi ni, bɔgyi ka bula kɔyu kemmo ngba bulie bɔɔbla ɔwɔdi uwi biala.

Eƒesoƒuɔ 3:16

Muuvele Katɔti na nwuna lɛƒɔndia bukeye pii kemmo nnii ɔkya-mii ɔkplu na nwuna Kɔyu kute-mii ɔyikun na bina kayi kemmo.

Koloseƒuɔ 3:9

Bitatɔlɔ lɛlɔ, ɔsika bɛ́da udu ɔkukudi ɔni nákya-mii kemmo mmɔ bídie.

Hebriƒuɔ 8:10

Bunyimi bɔni na ami Katɔti mɔɔsu ka ndubo bunyimiku Israel kadi bekyuli uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kasusu kemmo. Na ndubunweni-mu lɛkya-ma kayi kemmo. Ndubɔbla bana Katɔti na ama lɛnɔ babla mina bekyuli.

Petro 1 3:4

Mmomu ni, bɛya na kalɛ na bɛda lɛlɔ ku udu buɛɛ udie bina bɔdia ɔtina. Ɔmɛni ndi udu ɔni mɔɔda kubiti uwi biala na ɔ́ƒɔ Katɔti kuye geen.