Romaƒuɔ 7:21 - Katɔti Ɔku Kedee

²¹ Na ɔmɛni ɔsu ni, mɔɔnu lɛla lɛni mɔɔlɛ́ na mina lɛlɔ kemmo taati. Si mɔɔwia ka lɛbla lɛbuni ni, likpidi lɛsiaku-mi kpakplaa.

Romaƒuɔ 7:21 ပူးပေါင်းရင်းမြစ်များ

Kɔgya 119:133

Da-mi kalɛ na neeebuli aani kalɛ na ásu ése. Na taya na likpidi lɛdi-mi lɛlɔ.

Kɔgya 119:37

Da-mi na lɛda atu lidie ala keeke ani neeebo kɔsia kɔdi lɛlɔ. Na aya na lilie ngba lɛsiaku ƒula ulu lɛlɔ.

Kɔgya 40:12

Ɔsika ɔgbankpi lidu lidu pii ku mina alaekpidi áka ámana-mi na nsɔ naaanu kesii kani na lɛsia. Emomo etulo mina lili linwini ɔmmɔ ɔsu na enu áƒɛ-mi ƒui.

Kɔgya 65:3

Na si uwi ɔni na bula alaekpidi aayu-bu unu taagya ni, awɔ muuti-nya taakyie-bu.

Luka 4:1

Ɔni na Katɔti Kɔyu kɔ́ƒɔ-nwu lɛlɔ kemmo ƒui ni, Yesu únwini ɔ́si Yordan mmɔ. Na Kɔyu kɔmmɔ kɔ́tɔnku-nwu kúsienku ketele kemmo.

Yohane 8:34

Amu na Yesu ɔ́su-ma ɔnini, “Mɔɔsu-mii geen ka ni, ukyuli biala ɔni mɔɔbla likpidi ni, ɔkya likpidi kalɔ.

Romaƒuɔ 6:12

Anwuɔsu bitaya na likpidi lɛdi bina ɔlɔna ɔni ndubukpi mɛni lɛlɔ, kalɛ na bilanyonu lɛlɔ bilete ɔlɔna ɔkwɛ adala ekpidi.

Romaƒuɔ 6:14

Ɔsika likpidi liiibo ɔyikun na bina lɛlɔ ka biiibo ɔda bubo kalɔ ɔsu. Mmomu bɛkya Katɔti lɛƒɔndia kalɔ.

Romaƒuɔ 7:23

Nsu mɔɔnu ka ala bamba ani mɔɔlɛ́-mi lɛlɔ kemmo eekpóku lɛla lɛni na mina kasusu kaatina-mi ka lɛdia. Na áya na likpidi bɔbla búnyimi-mi na bɔ́bala-mi aani ɔtɔntɛne.

Romaƒuɔ 7:25

Mɔɔgyá Katɔti enu, ɔsika ɔkɛnku Blɔti Yesu Kristo lɛlɔ ni, ndubɔkɛ bɔƒɔ! Na ɔƒɛni ni, na mina kasusu kemmo ni, ndi Katɔti ɔda bubo kabla ɔblane. Nsu mina ukyuli udu ɔɔbla likpidi kabla.

Romaƒuɔ 8:2

Ɔsika ɔkɛnku Kristo Yesu lɛlɔ ni, ɔda bubo bɔni nkɛnku Katɔti Kɔyu kɔni muute bekyuli ngba bɔ́ya na lɛ́lɛ ɔda bubo bɔni ndanku likpidi bɔbla ku kukpi kalɔ.

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.

Hebriƒuɔ 4:15

Ɔɔɔdi ɔkpane unengudi ɔni na bula lɛlɔ lilakywi-nwu kaƒɔ na bula kpɛtɛ kpɛtɛ bɔbla kemmo. Mmomu ɔdi ukyuli ɔni na ala ékpoku-nwu ánu na ulu biala lɛlɔ aani bula kalɛ kani. Nsu útabla likpidi lɛdi.

Petro 2 2:19

Ɔkɔ ala batinane bamɛni beesé kenye ka badubɔbla bana kama basiakune na bakɛ bɔnwuna uwi ɔni na ama alati bénwini kabla bablane béte ekpidi ani ndubo-ma bɔkyula. Ɔsika ukyuli ɔdi kabla ɔblane ute lɛla lɛni nádi-nwu lɛlɔ.