Romaƒuɔ 7:18 - Katɔti Ɔku Kedee

¹⁸ Na ngyi ka na mina lɛlɔ kemmo ni, lɛla lɛbuni lɛdi biala liiibo. Na mɔɔsu ɔmɛni taasiku mina ɔlɔna udu ɔkukudi ɔmmɔ lɛlɔ. Ɔsika mɔɔyɔ́ geen ka nka lɛbla lɛbuni, nsu naaakana-ni bɔbla.

Romaƒuɔ 7:18 ပူးပေါင်းရင်းမြစ်များ

Ala Kalɔ Buse 6:5

Unwoti ɔ́nu kalɛ na ukyuli likyulikpi lɛ́ƒɔ kalɔ lɛlɔ. Na likpidi kasusu kani na ukyuli uuti uwi biala.

Ala Kalɔ Buse 8:21

Na Unwoti ɔ́ƒɔ akpala ammɔ ku kayi ƒui na ɔ́su ɔnini, “Nsɔ lɛɛɛdubo kalɔ kamɛni buwida na ukyuli ɔsu ina ka likpidi kasusu káƒɔ-nwu lɛlɔ kemmo ƒui ɔ́si nwuna lɛnamu uwi. Na nsɔ lɛɛɛdubo bebweyi ƒui udu bɔyila aani kalɛ na lɛ́bla.

Hiob 14:4

Ukyuli ɔɔɔdubo ulu ɔdi lɛlɔ bɔkana bɔsia na ɔbla lɛlɔ kedee ƒui ɔwɔlɔ.

Hiob 25:4

Ɔma ndubɔkana na ɔlɛ sɛɛn na Katɔti anumi, na likpidi lɛdi lilama-nwu lɛlɔ?

Kɔgya 119:173

Tani tesie kama, mmomu die ƒula kɔnu na ebunku-mi, ɔsika ƒula ɔda bubo na lɛ́ƒuna.

Kɔgya 119:176

Lɛ́yii ulu aani koƒonu kɔni náyii. Wia-mi ƒula kabla ɔblane kama ulu, ɔsika ntayiƒala ƒula ɔda bubo.

Kɔgya 119:32

Ndubugyele anumi lɛsia ƒula ɔda bubo kama, ɔsika adubɔya na linu ala kalɔ libu.

Kɔgya 119:40

Mɔɔwia kpakplaa ka lɛdi ƒula ɔda bubo lɛlɔ. Anwuɔsu ya-mi na lilie ngba bɔwɔdi ɔkɛnku kalɛ na ese siin lɛlɔ.

Kɔgya 119:5

Mɔɔwia kpakplaa geen ka lɛdi ƒula ɔda bubo lɛlɔ kaduɛ.

Kɔgya 51:5

Na sɔsɔ ni, likpidi udu ɔkya-mi lɛlɔ kemmo ɔ́si uwi ɔni na mina uni ɔ́da-mi kaƒɔ. Na mɔɔbla-nya ɔ́si ɔni na ɔ́wɔ-mi.

Yesaia 64:6

Bula ƒui bɔ́ƒiɔ na buuuse sɛɛn. Na lɛla lɛbuni lɛni na bɔɔnu ka bɔɔbla muedi ni, lɛ́dɔli aani adikpi ani muusé lɛlɔ. Bula ƒui bɔ́yɛyɛ aani livete lɛnudi. Na bula alaekpidi énwini aani ɔƒɛƒɛɛ na ada-bu eebó taavinku.

Mateo 15:19

Na kasusu kekpidi kani mɔɔyá na bekyuli baadú bekyuli, na baadi kɔsɔnɔ, na baabla lɛyalɛ ala, na beeyú, na baadá bekyuli kenye, na baalɔ bekyuli anyikpi ni, ana ƒui aasí kayi kemmo.

Luka 11:13

Ina ka bɛdi alaekpidi bablane ni, bɛgyi kalɛ na biti ala abuni bite bina bebi. Amu na Ati ɔni nkya katɔ nɔɔ? Bi ɔsu na uleti nwuna Kɔyu ulete bekyuli bani muuvele-nwu?”

Yohane 3:6

Ɔsika ukyuli ɔni na ɔlɔna kemmo na básia báwɔ-nwu ni, ɔdi ɔlɔna kani. Nsu Katɔti Kɔyu kɔdubɔwɔ kɔyu kemmo bekyuli.

Romaƒuɔ 13:14

Mmomu biti Blɔti Yesu Kristo bɛkya aani awu, na bɛda kasusu bidie ɔlɔna ala keeke ani mɔɔda-mii ɔkwɛ lɛlɔ.

Romaƒuɔ 7:15

Neeenu ala ani na mɔɔbla kalɔ. Ɔsika si lɛla lɛni na lɛ́kali ka mɔɔyɔ́ lɛbla ni, ɔɔɔdi ani na mɔɔbla. Mmomu ala ani geen na nkisi ni, anya na mɔɔbla.

Romaƒuɔ 7:19

Ɔsika lɛbuni lɛni na lɛ́yɔ ka lɛbla ni, ɔɔɔdi ani na mɔɔbla. Na likpidi lɛni mmomu na naaayɔ ka lɛbla ni, ani na mɔɔbla.

Romaƒuɔ 7:25

Mɔɔgyá Katɔti enu, ɔsika ɔkɛnku Blɔti Yesu Kristo lɛlɔ ni, ndubɔkɛ bɔƒɔ! Na ɔƒɛni ni, na mina kasusu kemmo ni, ndi Katɔti ɔda bubo kabla ɔblane. Nsu mina ukyuli udu ɔɔbla likpidi kabla.

Romaƒuɔ 7:5

Uwi ɔni kemmo na ɔda bubo búdie bula ukyuli udu ɔkukudi kelie kani ndanku likpidi bɔbla bɔ́tina-bu ni, ablala ammɔ ákɔ katɔ ébu. Na ala ani na bɔ́lɛku keyi na kelie kammɔ kemmo adanku kukpi.

Galatiƒuɔ 5:17

Na ala ani na bula ɔlɔna ɔɔyɔ́ ni, aata teenye ala ani na Kɔyu kɔɔyɔ́ lɛlɔ. Lɛni kani na ala ani na Kɔyu lɛnɔ kɔɔyɔ́ aata teenye ala ani na ɔlɔna ɔɔyɔ́ lɛlɔ. Na ɔlɔna ku Kɔyu kɔmɛni badi bekisine bete lɛlɔ. Anwuɔsu bɛsɔ bilakana na bitaabla lɛla biala mɔɔda-mii ɔkwɛ.

Galatiƒuɔ 5:24

Na bekyuli bani ndi Kristo Yesu badi ni, bákana bana ɔlɔna udu ɔkukudi ɔmmɔ ku nwuna ɔkwɛ adala ekpidi ƒui bámana ugyii lɛlɔ ku Kristo.

Ƒilipiƒuɔ 2:13

Ɔsika Katɔti ɔkya-mii akɔ ɔɔbla kabla na bina akɔ uwi biala kalɛ na ɔbla-mii na bɛkana na bɛdi ala ani na ɔ́su-mii lɛlɔ.

Ƒilipiƒuɔ 3:12

Na ɔɔɔdi bɔsu na nda nnii lɛ́ɛdi lɛlɔ iye ami lɛ́ɛbla sɛɛn lɛ́wɔlɔ. Mmomu nnye kpakplaa ka lɛkɛ lɛyuƒɔla lɛni na Kristo Yesu ubo ute-mi. Na ani ndi ka ɔya na línwini nwuna ɔdi.

Tito 3:3

Ɔsika abu alati lɛnɔ bɔ́bla adɔlɔla ku atuɔkplu, na bɔ́ƒiɔ dii. Na ɔlɔna kemmo ala ekpidi áda-bu ɔkwɛ lɛnɔ dii. Na búti bula uwi búte kalala bɔbla ku lɛnungyie, na bekyuli békisi-bu na abu lɛnɔ búkisi-ma.

Petro 1 4:2

Na si bɛ́da lɛlɔ bíse lɛni ni, ɔdubɔya na bilie ngba ɔ́si ɔƒɛni úsela bitaabla lɛla lɛni mɔɔyɔ́ Katɔti kaƒɔ. Na ɔlɔna kemmo ala asɔ alátaada-mii ɔkwɛ.