Romaƒuɔ 7:17 - Katɔti Ɔku Kedee

¹⁷ Ɔmmɔ ɔsu ni, ɔɔtina ka ɔɔɔdi ami ɔlati mɔɔbla lɛla lɛmɛni, mmomu likpidi lɛni nkya-mi kemmo mɔɔbla lɛla lɛmmɔ.

Romaƒuɔ 7:17 ပူးပေါင်းရင်းမြစ်များ

Romaƒuɔ 7:18

Na ngyi ka na mina lɛlɔ kemmo ni, lɛla lɛbuni lɛdi biala liiibo. Na mɔɔsu ɔmɛni taasiku mina ɔlɔna udu ɔkukudi ɔmmɔ lɛlɔ. Ɔsika mɔɔyɔ́ geen ka nka lɛbla lɛbuni, nsu naaakana-ni bɔbla.

Romaƒuɔ 7:20

Anwuɔsu si mɔɔbla ala ani na naaayɔ ka lɛbla ni, ɔɔɔdi ami ɔlati mɔɔbla-nya. Mmomu ni, likpidi lɛni nkya-mi kemmo mɔɔbla-nya.

Romaƒuɔ 7:23

Nsu mɔɔnu ka ala bamba ani mɔɔlɛ́-mi lɛlɔ kemmo eekpóku lɛla lɛni na mina kasusu kaatina-mi ka lɛdia. Na áya na likpidi bɔbla búnyimi-mi na bɔ́bala-mi aani ɔtɔntɛne.

Korintoƒuɔ 2 8:12

Si ɔdi bina bɔyɔ ka bíte bekyuli ala ni, ɔdubɔƒɔ Katɔti anu ɔkɛnku lɛla lɛni nse-mii kenye. Na ɔɔɔdi lɛla lɛni na biiibo.