Romaƒuɔ 6:2 - Katɔti Ɔku Kedee

² Oowo! Kudii! Ɔsika búkpi, na likpidi lɛsɔ liládi-bu lɛlɔ! Na bi ɔsu na ɔ́sɔ ɔlɛka bulie butaabla ala ekpidi?

Romaƒuɔ 6:2 ပူးပေါင်းရင်းမြစ်များ

Kɔgya 119:104

Ɔkɛnku ƒula ɔda bubo lɛlɔ ɔsu na mina kasusu kese nwaa. Na ɔmmɔ ɔsu na nkisi likpidi ulu biala.

Luka 20:16

Mɔɔyá na bɛti ka ɔdububo ubadu kemmo lɛlɔ banune bammɔ ƒui na uti kemmo kammɔ ɔkya lɛlɔ banune babambadi lɛkɔkɔ.” Ka bekyuli bammɔ bénu lɛni ni, básu banii, “Oowo! Utebo lɛni!”

Romaƒuɔ 5:11

Na ɔɔɔdi ɔmɛni lɛti, mmomu lɛlɔ lɛɛyɔ́-bu geen na Katɔti lɛlɔ ɔkɛnku Blɔti Yesu Kristo ɔni lɛlɔ na Katɔti ɔ́sia na ɔ́sɔku abu ku-nwu ntɛ ɔ́klibi ɔsu.

Romaƒuɔ 6:15

Na bi na bɔdubo bɔsu? Ka bɔɔɔkya ɔda bubo kalɔ na Katɔti lɛƒɔndia kalɔ mmomu na bɔkya ɔsu ni, ɔlɛka butaabla ekpidi? Oowo. Kudii!

Romaƒuɔ 7:4

Mina banwa, lɛni kani na use ute amii lɛnɔ. Ɔsika na ɔda bubo bɔmmɔ kenye ni, ɔɔtina aani si bíkpi uwi ɔni na Kristo úkpi. Na bɛkana bilieku ukyuli bamba. Anwuɔsu bínwini ukyuli ɔni na Katɔti ɔ́gyila ɔ́lɛku bekpine akɔ mmɔ kalɛ na bula kelie kalɛ ku ala abuni keyi ete Katɔti.

Romaƒuɔ 7:6

Nsu ɔƒɛni ni, ka búkpi na bɔ́lɛ ala ani nényimi-bu mmɔ kalɔ ɔsu ni, ɔda bubo bɔmmɔ bɔsɔ buládi-bu lɛlɔ. Ɔmmɔ ɔsu bɔsɔ bulábla lɛla lɛdi na ulu ɔkukudi lɛlɔ. Mmomu ulu ɔwɔdi ɔni nkɛnku Katɔti Kɔyu lɛlɔ na bɔɔbla kabla.

Galatiƒuɔ 2:19

Mmomu nse aani ukyuli ɔni nélie ngba ɔkɛnku ɔda bubo bɔkukudi bɔmmɔ lɛlɔ na úkpi ɔsu ɔda bubo bɔmmɔ lɛnɔ búkpi kalɛ na lilie ngba lite Katɔti.

Galatiƒuɔ 6:14

Ami ni, mina lɛmɛnɛ lɛni ndubɔkun kani ndi kukpi kɔni na Yesu Kristo úkpi na ugyii lɛlɔ. Na ɔkɛnku nwuna kukpi na ugyii lɛlɔ ɔsu use aani si líkpi na kayawi ala kudɔ aani kalɛ kani na kayawi ala ékpi na mina anumi.

Koloseƒuɔ 2:20

Kristo kukpi kɔɔtina ka amii ku-nwu nékpi, na úkpo ɔ́ƒɔ-mii ɔ́lɛku kayawi kamɛni ala bɔtina ulu lɛlɔ kemmo. Na si use lɛni ni, bi ɔsu na bɛɛbla lɛlɔ aani si bɛmu bɛsiaku kayawi kamɛni ɔda bubo bɔmmɔ kama, na bɛmu bɛɛdi bana ala ani na bényimi lɛlɔ?

Koloseƒuɔ 3:3

Ɔsika use aani bíkpi na bɛkya Katɔ Ɔga Ɔma ku Kristo.

Petro 1 1:14

Binu Katɔti litemi, na bɛda udu ukpidi ɔni kemmo na bɛ́kya uwi ɔni na bítenwini tɔ baƒɔtaadine mmɔ bɛya.

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Yohane 1 3:9

Ama bani ndi Katɔti bebi ni, belélie taabla likpidi. Ɔsika Katɔti udu nkya-ma lɛlɔ kemmo ɔƒaani. Na ka Katɔti ndi-ma Ɔti ɔsu ni, balakana bulie butaabla likpidi.