Romaƒuɔ 6:11 - Katɔti Ɔku Kedee

¹¹ Na lɛni kani na ɔlɛka amii lɛnɔ bitaanu lɛlɔ ka bíkpi na likpidi lɛsɔ liládi-mii lɛlɔ. Na ɔlɛka bilie ngba bite Katɔti na amii ku Kristo Yesu unwi bɔbla kemmo.

Romaƒuɔ 6:11 ပူးပေါင်းရင်းမြစ်များ

Yohane 20:31

Na amɛni kani na línweni líse kalɛ na bɛƒɔ bɛdi ka Yesu ndi Ukyuli Ɔƒunadi ɔmmɔ. Na anwu ndi Katɔti Ubidi ɔni na si bɛ́ƒɔ-nwu bɛ́di ni, na ɔya na bilie ngba na nwuna ɔyikun kemmo.

Romaƒuɔ 16:27

Katɔti ɔni lɛti ndi ɔnundane ni, anwu na ɔlɛka bumwi ka ɔ́si ɔƒɛni úsela uwi ƒui na Yesu Kristo lɛnyi kemmo! Ɔsia lɛni.

Romaƒuɔ 5:1

Na ɔƒɛni ni, ka Katɔti ɔ́bla-bu siin ɔkɛnku bula bɔƒɔtaadi lɛlɔ ɔsu ni, Katɔti úte-bu keyi buɛɛ ɔkɛnku Blɔti Yesu Kristo lɛlɔ.

Romaƒuɔ 6:10

Kristo kukpi kɔni na úkpi ni, úkpi kunwi pɛ na likpidi lɛsɔ liládi-nwu lɛlɔ. Na ngba bɔni na uli ɔƒɛni ni, uli-mu úte Katɔti.

Romaƒuɔ 6:13

Iye bitete kuƒi na likpidi lɛƒɔ bina ɔlɔna kemmo kesii biala na bitaabla likyulikpi. Mmomu biti bina lɛlɔ bite Katɔti aani bekyuli bani na Katɔti ɔ́gyila ɔ́lɛku kukpi kemmo úboku ngba kemmo. Na bɛnyonu bina lɛlɔ ekpo ƒui bite Katɔti aani ala ani nse siin na uti ɔbla nwuna kabla.

Romaƒuɔ 6:2

Oowo! Kudii! Ɔsika búkpi, na likpidi lɛsɔ liládi-bu lɛlɔ! Na bi ɔsu na ɔ́sɔ ɔlɛka bulie butaabla ala ekpidi?

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Romaƒuɔ 7:4

Mina banwa, lɛni kani na use ute amii lɛnɔ. Ɔsika na ɔda bubo bɔmmɔ kenye ni, ɔɔtina aani si bíkpi uwi ɔni na Kristo úkpi. Na bɛkana bilieku ukyuli bamba. Anwuɔsu bínwini ukyuli ɔni na Katɔti ɔ́gyila ɔ́lɛku bekpine akɔ mmɔ kalɛ na bula kelie kalɛ ku ala abuni keyi ete Katɔti.

Romaƒuɔ 7:6

Nsu ɔƒɛni ni, ka búkpi na bɔ́lɛ ala ani nényimi-bu mmɔ kalɔ ɔsu ni, ɔda bubo bɔmmɔ bɔsɔ buládi-bu lɛlɔ. Ɔmmɔ ɔsu bɔsɔ bulábla lɛla lɛdi na ulu ɔkukudi lɛlɔ. Mmomu ulu ɔwɔdi ɔni nkɛnku Katɔti Kɔyu lɛlɔ na bɔɔbla kabla.

Romaƒuɔ 8:18

Mɔɔnu taati geen ka abi ani na buubó ɔƒaani ni, aaadi lɛla lɛdi na kalɛ na Katɔti ɔdubɔya na bukeye kudɔ.

Korintoƒuɔ 1 6:20

Ɔsika Katɔti ɔ́ƒɔ kayu bonwu na bina lili. Anwuɔsu biti bina ɔlɔna bɛbla ala ani muute Katɔti ɔbu.

Eƒesoƒuɔ 2:7

Katɔti ɔ́bla ɔmɛni úti ɔ́tina bekyuli na uwi ɔni ndububo ƒui kemmo kalɛ na banu nwuna lɛƒɔndia lɛni na ubo ute-bu ka liiibo bɔkɔku bɔdi ɔkɛnku bɔyɔ bɔni na ɔɔyɔ́-bu na Yesu Kristo ɔsu.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Ƒilipiƒuɔ 4:7

Na Katɔti ɔni muute keyi buɛɛ bɔni ntulo ɔyawine kalɔ bunu ɔdubɔgyumana bina kayi ku kasusu ƒui ɔni na biliku Kristo Yesu.

Koloseƒuɔ 2:20

Kristo kukpi kɔɔtina ka amii ku-nwu nékpi, na úkpo ɔ́ƒɔ-mii ɔ́lɛku kayawi kamɛni ala bɔtina ulu lɛlɔ kemmo. Na si use lɛni ni, bi ɔsu na bɛɛbla lɛlɔ aani si bɛmu bɛsiaku kayawi kamɛni ɔda bubo bɔmmɔ kama, na bɛmu bɛɛdi bana ala ani na bényimi lɛlɔ?

Koloseƒuɔ 3:17

Na lɛla biala lɛni na bɛɛsu iye bɛɛbla kemmo ni, bɛbla-ni na Blɔti Yesu lɛnyi kemmo. Na bitaagya Katɔti enu taasiaku Blɔti Yesu lɛlɔ.

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.