Romaƒuɔ 6:10 - Katɔti Ɔku Kedee

¹⁰ Kristo kukpi kɔni na úkpi ni, úkpi kunwi pɛ na likpidi lɛsɔ liládi-nwu lɛlɔ. Na ngba bɔni na uli ɔƒɛni ni, uli-mu úte Katɔti.

Romaƒuɔ 6:10 ပူးပေါင်းရင်းမြစ်များ

Luka 20:38

Ɔmɛni ɔɔtina ka ama bani néekpi ni, bamu beli ngba. Anwuɔsu ɔdi ama lɛnɔ Katɔti.”

Romaƒuɔ 6:11

Na lɛni kani na ɔlɛka amii lɛnɔ bitaanu lɛlɔ ka bíkpi na likpidi lɛsɔ liládi-mii lɛlɔ. Na ɔlɛka bilie ngba bite Katɔti na amii ku Kristo Yesu unwi bɔbla kemmo.

Romaƒuɔ 6:9

Na bɔgyi ka Katɔti ɔ́gyila Kristo ɔ́lɛku kekpine ɔni na ɔsɔ ulekpi. Na kukpi kɔsɔ kuuubo ɔyikun ɔdi na nwuna lɛlɔ.

Romaƒuɔ 8:3

Na lɛla lɛni na Katɔti ɔda bubo bɔni na úti úte Mose bútakana bɔbla ka bekyuli bátakana-mu lɛlɔ bɔdi ɔsu ni, Katɔti ɔ́bla-ni. Ɔ́tala Ubidi aani ukyuli ɔni mbo ɔlɔna ɔni na likpidi liikpóku. Úbo úbabla bekyuli ekpidi lili buvele akpala, na ɔ́du likpidi kɔtɔ na ɔ́yila likpidi ɔyikun ɔni mɔɔdi-bu lɛlɔ.

Korintoƒuɔ 2 5:15

Kristo nékpi na bekyuli ƒui lili kalɛ na bekyuli bani nli ngba ni, basɔ belelie ngba belete bana lɛlɔ. Mmomu belie ngba bete Kristo. Ɔsika ama ɔsu na Kristo úkpi na Katɔti ɔ́gyila-nwu ɔ́lɛku bekpine akɔ.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Petro 1 4:6

Ɔsika ɔmɛni ɔsu na Yesu Kristo ɔ́kɔ litemi buni lɛmmɔ lɛsa úte bekyuli bani nékpi lɛnɔ. Katɔti úti kukpi ɔ́ni-ma kɔtu aani kalɛ na ɔdubɔlɛku bekyuli ƒui. Nsu Yesu Kristo ɔ́kɔ litemi buni lɛmmɔ lɛsa úte-ma kalɛ na baƒɔ-ni na bakɛ kɔyu kemmo ngba aani kalɛ na Katɔti ɔɔwia.