Romaƒuɔ 5:8 - Katɔti Ɔku Kedee

⁸ Nsu Katɔti údie ɔ́tina-bu kaduɛ kalɛ na ɔɔyɔ́-bu. Ɔsika uwi ɔni na bɔkya bula ekpidi kemmo ni, ɔ́ya na Kristo úkpi na bula lili.

Romaƒuɔ 5:8 ပူးပေါင်းရင်းမြစ်များ

Yesaia 53:6

Bula ƒui buse na buse aani baƒonu bani náyii ulu, na ɔdi biala úti nwuna ulu úsela kesii kani na ɔɔyɔ́. Na lɛtuni lɛni na nka ɔlɛka bɔƒɔ ni, ani na Unwoti úti úte-nwu na bula lili.

Yohane 15:13

Na bɔyɔ bunengudi bɔni kani na ukyuli ɔdubɔkana na ɔyɔ nwuna bakpana ndi ka uti nwuna ngba ute na bana lili.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Romaƒuɔ 3:5

Bɔsu na bɔdubɔsu bɔnii bula ekpidi ani na bɔɔbla mɔɔyá na bekyuli baanu Katɔti lɛbuni lɛni na ɔɔbla taati? Na ɔmmɔ ɔsu ni, bɔdubɔsu bɔnii Katɔti ulábla kaduɛ si ɔɔní-bu kɔtu? Kudii! Nsu lɛni na badi baakali!

Romaƒuɔ 4:25

Katɔti úte kuƒi na bekyuli bádu Kristo ɔ́si bula ekpidi ani bɔ́bla ɔsu. Na Katɔti ɔ́gyila-nwu ɔ́lɛku bekpine akɔ kalɛ na Katɔti ɔnu ka buse siin.

Romaƒuɔ 5:20

Ka ɔda bubo bɔmmɔ búbo ni, bɔ́ya na bekyuli bánu bana ekpidi báti bébu. Na si bɔ́nu bula alaekpidi pii ani na bɔ́bla bɔ́ti ni, mmɔ kani na bɔdubɔnu Katɔti kɔnyana kɔni na ubo úte-bu lɛnɔ bɔti bubu.

Romaƒuɔ 5:6

Uwi ɔni na bulakana lɛlɔ bubunku ni, Kristo úbekpi na bekyuli bekpidi lili. Na ɔ́lɛ lɛni na uwi ɔni kemmo na Katɔti ɔlati ɔ́lɛ ugyii úse lɛlɔ.

Romaƒuɔ 5:7

Ubo ɔkplu ka ukyuli ɔdi ukpi na ukyuli ɔni nse siin lili. Nsu ɔƒaalɛ ukyuli ɔdi ɔkana na use kayi na ukpi na ukyuli ɔbuni lili.

Romaƒuɔ 8:32

Na si Katɔti útenye útada Ubidi mmomu úti-nwu ɔkpa na bula lili ni, bi ɔsu na ulete-bu ala ƒui ku kaƒɔ ƒaa ɔkɛnku Ubidi ɔmmɔ lɛlɔ?

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Eƒesoƒuɔ 2:7

Katɔti ɔ́bla ɔmɛni úti ɔ́tina bekyuli na uwi ɔni ndububo ƒui kemmo kalɛ na banu nwuna lɛƒɔndia lɛni na ubo ute-bu ka liiibo bɔkɔku bɔdi ɔkɛnku bɔyɔ bɔni na ɔɔyɔ́-bu na Yesu Kristo ɔsu.

Eƒesoƒuɔ 5:2

Na bɛsiaku Kristo ɔbladu kama na bɛyɔ lɛlɔ aani kalɛ na ɔɔyɔ́-bu na úti lɛlɔ ɔ́kpa na bula lili aani akpala ƒɛƒɛɛ úte Katɔti. Na adi akpala ani mɔɔyɔ́ Katɔti kaƒɔ.

Timoteo 1 1:16

Ɔmɛni ɔsu geen na Katɔti ɔ́nu-mi kɔnyana kalɛ na ɔkɛnku ami ɔni ntulo-ma akɔ ƒui lɛlɔ ni, Kristo Yesu ɔdubɔya na bekyuli banu kalɛ na ubo bɔyɔ bɔni muuti taakyiɛ ute ekpidi bablane bani maƒɔ-nwu madi. Na ɔdubute-ma ngba bɔni nsɔ naaadubo bɔsa lɛnɔ kudii.

Hebriƒuɔ 8:3

Báƒuna ɔkpane unengudi biala ka uti ala ani na béte ku ani na badubuti bakpa ƒui ɔkpa ute Katɔti. Na lɛni kani na ɔlɛka ɔkpane ɔmɛni lɛnɔ uti lɛla lɛdi ɔkpa ute Katɔti.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Yohane 1 3:16

Kalɛ na Yesu Kristo úti nwuna ngba ɔ́kpa na bula lili ni, ɔmmɔ mɔɔtina-bu lɛla lɛni ndi bɔyɔ. Anwuɔsu na abu lɛnɔ ɔlɛka buti lɛlɔ bɔkpa bula banwa baƒɔtaadine lili.