Romaƒuɔ 5:11 - Katɔti Ɔku Kedee

¹¹ Na ɔɔɔdi ɔmɛni lɛti, mmomu lɛlɔ lɛɛyɔ́-bu geen na Katɔti lɛlɔ ɔkɛnku Blɔti Yesu Kristo ɔni lɛlɔ na Katɔti ɔ́sia na ɔ́sɔku abu ku-nwu ntɛ ɔ́klibi ɔsu.

Romaƒuɔ 5:11 ပူးပေါင်းရင်းမြစ်များ

Kɔgya 104:34

Mbo lɛnunsia ka mina kasusu kani muuti kadubɔƒɔ-nwu anu. Ɔsika Unwoti mɔɔyá na mɔɔkɛ́ lɛlɔyɔ.

Kɔgya 149:2

Israel, lɛlɔ lɛyɔ-mii, amii bani na Unwoti Katɔti údie. Na amii Sion bebi ku bawɔ ni, lɛlɔ lɛyɔ-mii na bina ɔga lɛlɔ.

Kɔgya 32:11

Ebiti ada-mii na lɛlɔ lɛyɔ-mii na Unwoti lɛlɔ, amii bani nsiaku-nwu kama siin na bina kayi ayɔla akɛ ulu ɔbuni lɛlɔ. Bɛva momoomo na bidie lɛnu ku ebiti.

Kɔgya 43:4

Ndubusie ƒula lɛkpabi kudɔ mmɔ ntákpa-a, ɔsika awɔ mɔɔyá na lɛlɔ lɛɛyɔ́-mi. Na ndubuti ɔbentaa na lɛgya lidie kɔgya limwi-ɔ, O mina Katɔti.

Yesaia 61:10

Lɛlɔ lɛɛyɔ́-mi na Unwoti lɛlɔ na ebiti aada mina kɔyu na lɛla lɛni na mina Katɔti ɔ́bla úte-mi ɔsu. Kalɛ na ɔ́ƒɔ-mi ngba use aani kalɛ na baaklibi uleku teesienku kawɛɛkɔ. Na lɛduni lɛni mɔɔtina ka ɔ́bla-mi siin lɛma-mi lili aani ɔkpane lɛduni lɛni na uubi lili.

Luka 1:46

Amu na Maria ɔ́su ɔnini, “Mina kayi keemwi Blɔti.

Yohane 1:12

Nsu ɛlɛɛ badi báƒɔ-nwu. Na bani ƒui náƒɔ-nwu mmɔ aani Katɔti Ukyuli Ɔƒunadi ɔmmɔ ni, úte-ma ɔyikun ɔni náya na benwini Katɔti bebi.

Romaƒuɔ 11:15

Ɔsika uwi ɔni na Katɔti údie-ma atu ni, Katɔti ɔ́sɔku anwu ku kayawi bekyuli ntɛ ɔ́klibi. Anwuɔsu bi na ndubo bɔlɛ si uwi ɔni na Katɔti ɔ́sɔ ɔ́ƒɔ-ma? Ɔdubuse aani kalɛ na ukpine ɔɔsɔ taata teebelie ngba.

Romaƒuɔ 2:17

Na amii bani mɔɔsu bɛnii bɛdi Yudaƒuɔ ni, bíti lɛlɔ bíkpo Mose ɔda bubo lɛlɔ, na bɛɛkun lɛmɛnɛ ka bibo kɔna ku Katɔti.

Romaƒuɔ 5:1

Na ɔƒɛni ni, ka Katɔti ɔ́bla-bu siin ɔkɛnku bula bɔƒɔtaadi lɛlɔ ɔsu ni, Katɔti úte-bu keyi buɛɛ ɔkɛnku Blɔti Yesu Kristo lɛlɔ.

Romaƒuɔ 5:10

Na si Katɔti ɔ́sɔku abu ku-nwu ntɛ ɔ́klibi ɔkɛnku ubidi kukpi lɛlɔ na uwi ɔni kemmo na nka bɔdi-nwu bekisine mmɔ ni, na uwi ɔni na abu ku-nwu ntɛ bɔdia mɛni ni, Katɔti ɔdubɔnu-bu kɔnyana utulo ƒui na bɔkɛ ngba bɔƒɔ ɔkɛnku Kristo ɔmmɔ lɛlɔ.

Romaƒuɔ 5:3

Na lɛnɔ ni, lɛlɔ lɛɛyɔ́-bu si buubó abi, ɔsika bɔgyi ka lɛbibo lɛmɛni udu lɛɛyá na buunye kpakplaa.

Romaƒuɔ 8:23

Na ɔɔɔdi ala ammɔ lɛti, mmomu ku abu bani na Katɔti ɔ́ka nwuna Kɔyu buti bute lɛnɔ buudumo na bula lɛlɔ kemmo, na bɔsia anu kpakplaa ka Katɔti ɔdubɔƒɔ-bu ekpidi lili kayu na bɔnwuna aani nwuna bebi.

Romaƒuɔ 9:10

Na ɔɔɔdi ɔmɛni lɛti. Nsu Rebeka ɔ́wɔ nta na badi bananabi ɔ́siku ɔti unwi pɛ kudɔ ɔni ndi bula Nana Isak.

Korintoƒuɔ 1 10:16

Ɔɔƒɛɛ ɔni na buuti taagya Katɔti enu ni, unye ute Blɔti ubugya. Na bodobodo ɔni na bɔɔbwɛ si bɔɔdi Blɔti adila kedee ni, ɔɔtina ka abu ku Kristo bɔɔbla unwi.

Korintoƒuɔ 2 8:19

Ɔmmɔ kama lɛnɔ ni, ɔdi ukyuli ɔni na baƒɔtaadine akpa ammɔ báƒuna ka ɔsiaku-bu na bula bawabane ala bute kabla kani na bɔɔbla kemmo. Kabla kamɛni kadubɔya na bekyuli badubumwi Blɔti Yesu Kristo, na kaatina lɛnɔ ka ɔdi bula bɔyɔ ka bute baƒɔtaadine bakpana kebunku.

Galatiƒuɔ 4:9

Nsu ɔƒɛni ɔni na bɛgyi Katɔti mɛni iye lɛsu nnii Katɔti ɔgyi-mii mɛni ni, bi ɔsu na bɛ́sɔ bíti lɛlɔ biite ɔyikun ɔmmɔ bene udu? Munuu bɛɛyɔ́ ka ɔda bubo bɔdi bɔsɔ butaadi-mii lɛlɔ?

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Ƒilipiƒuɔ 3:1

Ukplodi ni, mina banwa, bɛya na lɛlɔ litaayɔ-mii na Blɔti kemmo. Lɛɛɛdaku-ni si nsɔ mɔɔsia kama teenweni-mii ala ani na líinweni ḿbavi. Na si ina lɛ́bla lɛni muedi ni, ɔdi bina kebunku.

Ƒilipiƒuɔ 3:3

Abu ndi bekyuli bani mmomu nékulo ago, ɔsika buumwi Katɔti ɔkɛnku nwuna Kɔyu lɛlɔ na bɔɔkɛ́ ebiti ka abu ku Kristo Yesu bɔ́bla unwi ɔsu. Na búteti lɛlɔ bútasia ɔlɔna lɛlɔ ɔdi ala bɔbla lɛlɔ.

Ƒilipiƒuɔ 4:4

Na mɔɔsu-mii nnii bɛya na lɛlɔ litaayɔ-mii na Blɔti kemmo. Na nsɔ mɔɔsia kama nnii bɛya na lɛlɔ litaayɔ-mii.

Koloseƒuɔ 2:6

Na kalɛ na bɛ́ƒɔ Yesu Kristo ku bina kayi ƒui aani bina Ɔti ni, bɛblaku-nwu unwi lɛni kani.

Petro 1 1:8

Bítanu-nwu kudii, nsu bɛɛyɔ́-nwu. Na bilánu-nwu ɔƒɛni lɛnɔ, nsu bɛɛƒɔ́-nwu taadi. Anwuɔsu bɛya na lɛlɔyɔ lɛni náƒɔ kuye geen na ukyuli ɔdi biala ulakana-ni kalɔ budie lɛnɔ ni, lɛkya-mii kemmo.

Samuel 1 2:1

Amu na Hana ɔ́kpali Unwoti na ɔ́su-nwu ɔnini, “Kayi kaayɔ́-mi geen na Unwoti lɛlɔ. Ɔsika Katɔti ɔ́ya na mina lili lɛ́kɔ lɛ́lɛ katɔ ƒui aani ebuo lise. Na mɔɔkun lɛmɛnɛ na mina bekisine ɔsu. Ɔsika ebiti geen aada-mi ka údie-mi mina bekisine enu kemmo.