Romaƒuɔ 5:1 - Katɔti Ɔku Kedee

¹ Na ɔƒɛni ni, ka Katɔti ɔ́bla-bu siin ɔkɛnku bula bɔƒɔtaadi lɛlɔ ɔsu ni, Katɔti úte-bu keyi buɛɛ ɔkɛnku Blɔti Yesu Kristo lɛlɔ.

Romaƒuɔ 5:1 ပူးပေါင်းရင်းမြစ်များ

Hiob 21:21

Ɔsika si békpi ni, basɔ baaagyi lɛla lɛni mɔɔlɛ́ku bana bebi na bana kama.

Kɔgya 122:6

Bivele Unwoti bɛnii keyi buɛɛ kebo Yerusalem ɔma kemmo. Na bekyuli bani ƒui mɔɔyɔ́-ɔ ni, enu ku akɔkɔ eyi-ma.

Yesaia 27:5

Na si use lɛni na békeli bébekpi-mi kɔtɔ na báwia ka buwi kenye ntu na bɔbla unwi ni, ɔdia-ma utulo.”

Yesaia 32:17

Na ka ukyuli biala ɔdubɔbla ala ulu lɛlɔ siin ɔsu ni, keyi buɛɛ ku atu bɔyɔ bɔdubɔkya na ukyuli biala ɔƒɔ ɔkpana ɔdi.

Yesaia 54:13

Ndubɔtina bina bebi ala na bakɔ katɔ ku keyi buɛɛ.

Yesaia 55:12

Na bɛdubɔkɛ ebiti na bɛdi limeyi na binwini bisie ɔma ku keyi buɛɛ. Na bina lɛlɔyɔ lɛdubɔya na ɔbla aani abi ku abinkpo ammɔ muudie ɔnu si bɛɛví, na ɔbla aani enukpɛ na egyii ammɔ aagyá.

Habakuk 2:4

Ukyuli biala na ɔɔtalaku lɛlɔ katɔ ulelie ngba. Nsu bani mɔɔsiaku-mi kama siin ni, badubulie ngba na bana bɔƒɔtaadi kemmo.

Luka 19:38

Na básu banii, “Bimwi Ɔga ɔni nási ɔdubo na Blɔti lɛnyi kemmo! Na keyi buɛɛ kaƒɔ Katɔ Ɔga Ɔma ƒui! Hosiana!”

Luka 19:42

Na ɔ́su ɔnini, “Mɔɔyɔ́ geen ka nka bɛnu bɛti ɔmwi limeyi lɛmɛni lɛlɔ lɛla lɛni námanku-mii asa bɛkɛ keyi buɛɛ! Nsu ku ɔƒɛni ni, bilánu taati!

Luka 2:14

“Ɔbu ku bumwi ute Katɔti na katɔ kakaaka ƒui, na keyi buɛɛ kasiaku bayawine ƒui bani na Katɔti ɔɔyɔ́!”

Yohane 14:27

“Keyi buɛɛ na lɛ́da muusé-mii. Na mina keyi buɛɛ na líti muute-mii. Ɔɔɔdi aani kalɛ na bayawine beete ukyuli keyi buɛɛ kalɛ. Kayi ku kasusu ketekpoku-mii na ala ani ndubo bɔlɛ lɛlɔ. Na bitayia.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Yohane 20:31

Na amɛni kani na línweni líse kalɛ na bɛƒɔ bɛdi ka Yesu ndi Ukyuli Ɔƒunadi ɔmmɔ. Na anwu ndi Katɔti Ubidi ɔni na si bɛ́ƒɔ-nwu bɛ́di ni, na ɔya na bilie ngba na nwuna ɔyikun kemmo.

Yohane 5:24

“Na mɔɔsu-mii geen ka ni, ukyuli ɔni muunú-mi litemi na ɔɔƒɔ́ Katɔti ɔni nátala-mi taadi ni, uli ngba bɔni nsɔ naaadubo bɔsa kudii. Na Katɔti uládu-nwu kɔtɔ na nwuna ekpidi ɔsu. Mmomu ɔ́ɔvia kukpi ntu úduo ngba bɔwɔdi kemmo.

Batalane Kabla 10:36

Lɛ́ƒɔ lɛ́di ka bínu litemi buni lɛni na básu béte Israelƒuɔ ka ni, ɔkɛ Yesu Kristo lɛlɔ ni, badubɔkɛ keyi buɛɛ. Na anwu ndi Ukyuli Ɔƒunadi ɔni lɛnɔ ndi bayawine ƒui Ɔti.

Romaƒuɔ 1:17

Na litemi buni lɛmɛni muudie ulu siin ɔni mɔɔyɔ́ Katɔti kaƒɔ taatina. Na ulu siin ɔmɛni ɔkɛnku bɔƒɔtaadi lɛlɔ ɔ́si kalɔ kesekɔ útédu kawɔlɔkɔ. Na lɛni na bénweni na Bunweni Kedee Ɔku kemmo banini, “Bani mɔɔsiaku-mi kama siin ni, badubulie ngba na bana bɔƒɔtaadi kemmo.”

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Romaƒuɔ 10:10

Ɔsika ƒula kayi kemmo na aaƒɔ́ taadi na aabla siin na Katɔti anumi. Na ƒula kenye kani na éti eedie ɔmɛni taatina, na aakɛ́ bɔƒɔ.

Romaƒuɔ 10:15

Na si bátatala bekyuli nɔɔ? Dɛ na ɔdubɔbla na bakɔ lɛsa lɛmmɔ? Anwuɔsu na bénweni banii, “Binu bekyuli bani ndubo babakɔ litemi buni lɛmmɔ lɛsa kalɛ na bana bubo kɔku kɔɔda kubiti!”

Romaƒuɔ 14:17

Ɔsika Katɔ Ɔga Ɔma ni, ɔɔɔdanku bɔdi ku bɔni. Mmomu ɔdanku lɛlɔ bɔbla siin ku keyi buɛɛ ku lɛlɔyɔ na Katɔti Kɔyu kemmo.

Romaƒuɔ 15:13

Muuvele nnii Katɔti ɔni ndi bula lɛnunsia ɔya na lɛlɔyɔ lɛƒɔ-mii lɛlɔ kemmo ƒui, na bɛkɛ keyi buɛɛ aani kalɛ na bíti bina lɛlɔ bɛ́sia-nwu lɛlɔ kenye, kalɛ na Katɔti Kɔyu ɔyikun ɔya na bina lɛnunsia lɛƒɔ-mii lɛlɔ kemmo ƒui.

Romaƒuɔ 15:33

Katɔti ɔni muute keyi buɛɛ ɔsiaku bina ƒui. Ɔsia lɛni.

Romaƒuɔ 3:22

Katɔti ɔɔyá na bekyuli baabla siin si báƒɔ Yesu Kristo bádi. Ɔɔbla ɔmɛni teete bekyuli bani ƒui náƒɔ Kristo bádi. Na ulákya kavumana kadi na bekyuli bammɔ ntɛ.

Romaƒuɔ 3:30

Ɔsika Katɔti unwi pɛ kani nkya na anwu ndubɔbla na Yudaƒuɔ baabla siin ɔkɛnku bɔƒɔtaadi lɛlɔ. Lɛni kani na ɔdubɔbla bani naaadi Yudaƒuɔ lɛnɔ na babla siin ɔkɛnku bɔƒɔtaadi bɔmmɔ kani lɛlɔ.

Romaƒuɔ 4:5

Nsu na Katɔti kudɔ ni, ukyuli ɔni néteti anu útasia nwuna kabla lɛlɔ mmomu na úti nwuna anu ɔ́sia Katɔti lɛƒɔndia lɛlɔ ni, Katɔti ɔɔnu ukyuli ukpidi ɔmmɔ ka use siin.

Romaƒuɔ 5:11

Na ɔɔɔdi ɔmɛni lɛti, mmomu lɛlɔ lɛɛyɔ́-bu geen na Katɔti lɛlɔ ɔkɛnku Blɔti Yesu Kristo ɔni lɛlɔ na Katɔti ɔ́sia na ɔ́sɔku abu ku-nwu ntɛ ɔ́klibi ɔsu.

Romaƒuɔ 5:18

Anwuɔsu ni, kalɛ kani na ɔkɛ likpidi linwi lɛlɔ na bekyuli ƒui bákɛ kɔtɔ bɔdu ni, lɛni kani na ɔkɛ lɛbuni linwi lɛlɔ na Katɔti ɔdubute bekyuli ƒui ubo.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Romaƒuɔ 9:30

Ɔmɛni ɔsu ni, bi na ɔdi ka bɔsu? Bekyuli bani naaadi Yudaƒuɔ na bátasiaku lɛlɔ bɔbla siin kama ni, bénwini bekyuli bani nse siin ɔƒɛni na Katɔti anumi ka báƒɔ-nwu bádi ɔsu.

Galatiƒuɔ 2:16

Nsu bɔgyi ka Katɔti ɔɔsɔku anwu ku ukyuli ntɛ taaklibi ɔkɛnku bɔƒɔtaadi bɔni na ukyuli ubo na Yesu Kristo lɛlɔ kani ɔsu. Na ɔɔɔdi ɔda bubo bɔkukudi bɔmmɔ lɛlɔ bɔdi ɔsu. Abu lɛnɔ bɔ́ƒɔ Kristo Yesu bɔ́di ɔsu na Katɔti ɔ́klibi abu ku-nwu ntɛ ɔkɛnku bula bɔƒɔtaadi na Kristo kemmo ɔsu. Na ɔɔɔdi ɔni na bɔɔdi ɔda bubo bɔkukudi bɔmmɔ lɛlɔ ɔsu. Ɔsika Katɔti útaklibi anwu ku ukyuli ɔdi ntɛ na ɔda bubo bɔkukudi bɔmmɔ lɛlɔ bɔdi ɔsu.

Galatiƒuɔ 3:25

Na ɔƒɛni ɔni na bɔƒɔtaadi bɔmmɔ búubo ni, ɔɔɔdi ɔda bubo bɔmmɔ nsɔ mɔɔnu-bu lɛlɔ.

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Eƒesoƒuɔ 2:7

Katɔti ɔ́bla ɔmɛni úti ɔ́tina bekyuli na uwi ɔni ndububo ƒui kemmo kalɛ na banu nwuna lɛƒɔndia lɛni na ubo ute-bu ka liiibo bɔkɔku bɔdi ɔkɛnku bɔyɔ bɔni na ɔɔyɔ́-bu na Yesu Kristo ɔsu.

Ƒilipiƒuɔ 3:9

Na mɔɔwia ka liti mina lɛlɔ ƒui lite-nwu. Ɔmɛni ɔdubɔtina ka mina siin bɔbla útasi ami ɔlati kudɔ aani bɔni udu na bekyuli baakali ka baakɛ́ ɔkɛnku ɔda bubo lɛlɔ bɔdi kemmo, mmomu bɔkɛnku Kristo bɔƒɔtaadi kemmo. Na siin bɔbla bɔmɛni nási Katɔti kudɔ na bɔdanku bɔƒɔtaadi.

Koloseƒuɔ 1:20

Na ɔkɛnku Ubidi ɔmmɔ lɛlɔ na Katɔti ɔ́klibi anwu ku ala ani nkya katɔ ku kalɔ ƒui ntɛ. Na ɔ́ya na bɔ́kɛ keyi buɛɛ ɔkɛnku Ubidi ɔmmɔ ubugya ɔni néwiakun na ugyii ɔni lɛlɔ na bákana-nwu bámana ɔsu.

Koloseƒuɔ 3:15

Na bɛya Kristo ɔni muute keyi buɛɛ ɔdi lɛga na bina kayi kemmo. Ɔsika Katɔti ɔ́lɔ-bu ɔsala ɔnii bula ƒui bɔbla ɔlɔna unwi na bɔkɛ keyi buɛɛ. Na bitaagya enu.

Tesalonikaƒuɔ 1 5:23

Na buuvele Katɔti ɔni muute-bu keyi buɛɛ bɔnii ɔbla-mii kedee na ulu biala lɛlɔ. Na ɔgyumana bina kɔyu ku kasusu ku ɔlɔna ƒui kalɛ na bɛlɛ kɔtɔ bɔdu kemmo uwi ɔni na Blɔti Yesu Kristo wasɔ webo.

Tesalonikaƒuɔ 2 3:16

Buuvele Blɔti ɔlatidi ɔni muute keyi buɛɛ bɔnii ute-mii keyi buɛɛ na bina ngba bulie ƒui kemmo. Blɔti ɔda bina ƒui na ulu biala lɛlɔ.

Hebriƒuɔ 13:20

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii