Romaƒuɔ 4:3 - Katɔti Ɔku Kedee

³ Ɔsika na Bunweni Kedee Ɔku kemmo ni, básu banini, “Abraham ɔ́ƒɔ Katɔti ɔ́di. Ɔmmɔ ɔsu na Katɔti ɔ́bu-nwu aani ukyuli ɔni use siin.”

Romaƒuɔ 4:3 ပူးပေါင်းရင်းမြစ်များ

Ala Kalɔ Buse 15:6

Abram ɔ́ƒɔ Unwoti Katɔti ɔ́di, ɔmmɔ ɔsu na Katɔti ɔ́bu-nwu aani ukyuli ɔni nse siin.

Kɔgya 106:31

Na Pinehas kayi buse bɔmɛni bɔdi lɛla lɛni na Israel kadi bekyuli beenyimo uwi biala ka ɔdi lɛbuni geen. Na ɔdi lɛla lɛni naaadubo bɔyii kudii.

Yesaia 8:20

Bɛnu bɛti ka si bana ala aaakɛnku mina litemi lɛni ndanku ɔda bubo ku bunyimi bɔmɛni ni, na bukeye bɔdi buuubo-ma kemmo.

Mateo 20:9

“Amu na báƒɔ limeyi lɛyuƒɔla kayu béte bekyuli bani nébo useyi lɛdɔ ɛlɔ kemmo.

Marko 12:10

Ngyi ka bɛ́ka Bunweni Kedee Ɔku kemmo kesii kani na ɔ́su ɔnii, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ.

Romaƒuɔ 10:11

Ɔsika lɛni na Bunweni Kedee Ɔku ɔ́su ɔnii, “Ukyuli biala ɔni maƒɔ-nwu madi ni, kɔƒa kulékpo-nwu kudii.”

Romaƒuɔ 11:2

Katɔti úteni nwuna bekyuli bani na ɔgyi use. Na bɛgyi lɛla lɛni na bénweni bákya Bunweni Kedee Ɔku kemmo uwi ɔni na Kenye Udiene Elia úvele Katɔti úte Yudaƒuɔ na ɔ́su ɔnini,

Romaƒuɔ 4:11

Lego bukulo ɔdi ɔni na Abraham ɔ́bla mɛni ni, anwu ndi likpo buse bɔni mɔɔtina ka Katɔti ɔ́ƒɔ-nwu. Ɔsika nwuna bɔƒɔtaadi náya na Katɔti ɔ́ƒɔ-nwu ka use siin asa na úkulo lego. Na bɔƒɔtaadi bɔmɛni ɔsu ni, Abraham únwini baƒɔtaadine ƒui ɔti. Na Katɔti ɔkɛnku Abraham lɛlɔ ɔ́ƒɔ-ma ka bese siin ina ka bétekulo tɔ lego muedi.

Romaƒuɔ 4:5

Nsu na Katɔti kudɔ ni, ukyuli ɔni néteti anu útasia nwuna kabla lɛlɔ mmomu na úti nwuna anu ɔ́sia Katɔti lɛƒɔndia lɛlɔ ni, Katɔti ɔɔnu ukyuli ukpidi ɔmmɔ ka use siin.

Romaƒuɔ 4:9

Na lɛlɔyɔ lɛni lɛlɔ litemi na Dawid ɔ́su mɛni ni, bani nékulo ago kani ndubɔkɛ-ni? Kudii! Lɛdanku bani nétekulo ago lɛnɔ, ɔsika Bunweni Kedee Ɔku ɔɔsu ɔnini, “Abraham ɔ́ƒɔ Katɔti ɔ́di ɔsu na Katɔti ɔ́bu-nwu aani ukyuli ɔni use siin.”

Romaƒuɔ 9:17

Na Bunweni Kedee Ɔku kemmo ni, Katɔti ɔ́su Ɔga Ƒarao ɔnini, “Kasusu kamɛni geen ɔsu na líse-ɔ lɛga kalɛ na lidie mina ɔyikun lɛtina bekyuli ɔkɛnku ƒula lɛlɔ, na bebo-mi lɛnyi kudu bete kayawi bekyuli ƒui.”

Yakobo 2:23

Na Bunweni Kedee Ɔku kemmo etemila ébo éte lɛni anini, “Abraham ɔ́ƒɔ Katɔti ɔ́di. Na ɔkɛnku nwuna bɔƒɔtaadi ɔsu ni, Katɔti ɔ́bu-nwu aani ukyuli ɔni nse siin.” Na anwuɔsu Katɔti ɔ́lɔ-nwu ɔnii mina ɔkpana.

Yakobo 4:5

Ɔɔɔdi keeke na Bunweni Kedee Ɔku ɔ́su ɔnini, “Katɔti uukpó kogyulo geen na kɔyu kɔni nkya-bu lɛlɔ kemmo ɔsu.”