Romaƒuɔ 4:20 - Katɔti Ɔku Kedee

²⁰ Nsu ala amɛni átaƒɛ-nwu enu na nwuna bɔƒɔtaadi kemmo. Mmomu úƒie Katɔti linyese ɔ́da kpakplaa, na nwuna bɔƒɔtaadi bɔmɛni bɔ́kya-nwu ɔkplu na úti bumwi úte Katɔti.

Romaƒuɔ 4:20 ပူးပေါင်းရင်းမြစ်များ

Ala Kalɔ Buse 15:6

Abram ɔ́ƒɔ Unwoti Katɔti ɔ́di, ɔmmɔ ɔsu na Katɔti ɔ́bu-nwu aani ukyuli ɔni nse siin.

Baga 2 7:19

Na ɔtɔnkune ɔmmɔ údie kenye uwi ɔmmɔ ɔnini, “Ɔmɛni udu ulakana na webo wete lɛni. Ina banii Unwoti ɔ́ya na kakpa kana aani ɔnantu muedi.” Na Elisa údie-nwu kenye ɔnini, “Adubuti anumi anu ka úbo úte lɛni, nsu adila ammɔ adi elétuku-ɔ kenye.”

Baga 2 7:2

Mmɔ na ɔtɔnkune ɔni lɛlɔ na ɔga ukpo ɔ́su Elisa ɔnini, “Ɔmɛni ulakana walɛ kudii. Na ina Unwoti ɔlati ɔ́ya kakpa kána aani ɔnantu kalɛ muedi ulebo-nwu kemmo lɛni.” Amu na Elisa ɔ́su-nwu ɔnini, “Adubuti anumi anu ala ani mɔɔsu mɛni. Nsu alákɛ adila ammɔ adi aladi.”

Yesaia 35:4

Na bɛsu bani na ɔtɔtɔ ɔɔgyú-ma bɛnini, “Bise kayi na bɛda bɔyia bɛya, ɔsika bina Katɔti ɔdubo na ubedie-mii na udie bina bekisine kasi ute-mii.”

Yesaia 7:9

Israel ɔma unengudi ƒui ndi Samaria. Na ɔma ɔmmɔ lɛlɔ ɔdine kani ndi Ramalia ubidi Peka. Na si eeenye mina bɔƒɔtaadi kemmo kpakplaa ni, agyi anii eeebo kenyekɔ kadi.’ ”

Daniel 11:32

Ɔga ɔmmɔ ɔdubuti kenyemini ku katɔlɔ ɔkpanku bekyuli bani naaasiaku Katɔti kama siin ute lɛlɔ. Nsu bani ngyi Katɔti geen ni, badubɔta benye-nwu lɛlɔ kpakplaa.

Hagai 2:4

Nsu amii ni, bɛkya ɔkplu na binye kabla kammɔ lɛlɔ! Ɔsika ami, Unwoti Ɔyikune Ƒui, ndubɔkya-mii akɔ mɛni, na libunku-mii na kabla kammɔ kemmo

Sakaria 8:13

Amii Yuda ku Israel kadi bekyuli, bínwini lɛla lɛni na beewida taakya kadi ƒui bekyuli banii ɔdubɔlɛku-ma aani amii. Nsu ndubɔƒɔ-mii na binwini kusɛ kusɛ bite-ma ɔƒɛni amu. Anwuɔsu bitayila bina lɛnunsia na enu aƒɛ-mii.

Sakaria 8:9

“Na enu ataƒɛ-mii, ɔsika Unwoti Ɔyikune Ƒui na ndi. Bɛbla kasusu bɛsiku etemila ani na mina kenye bediene básu-mii uwi ɔni na baakya mina kakpakɔ kowodu kalɔ ɔka.

Mateo 9:8

Uwi ɔni na bekyuli bammɔ bánu ɔmɛni ni, liƒu lɛ́da-ma na bémwi Katɔti ka úti ɔyikun ɔmɛni udu úte ukyuli.

Luka 1:18

Amu na Sakaria úye ɔtu ɔmɛni ɔnini, “Bi ndubɔya na lɛƒɔ ɔmɛni lɛdi? Ɔsika lɛ́ɛbla unengu na mina ulekudi lɛnɔ ɔ́ɔbi.”

Luka 1:45

Na lɛlɔ litaayɔ-ɔ geen, ɔsika áƒɔ ádi ka kenye kani na Katɔti ɔ́su ɔ́siku-ɔ lɛlɔ kadububo kete lɛni.”

Korintoƒuɔ 1 16:13

Binye kagyumana na binye kpakplaa na bɔƒɔtaadi bɔmmɔ kemmo. Bise kayi na bɛyu ɔkplu.

Korintoƒuɔ 2 12:10

Si Kristo ɔsu na ɔlɛ úbo-mi lɛlɔ, na bekyuli beedumi-mi, na muubó abi, na bekyuli beekpóku-mi, na ɔgbankpi ɔɔsiáku-mi ni, kaƒɔ kadubɔyɔ-mi. Ɔsika uwi ɔni na lɛ́sɔ ni, mɔɔkɛ́ Kristo ɔyikun.

Eƒesoƒuɔ 6:10

Na kawɔlɔkɔ ni, bɛya na Katɔti ɔyikun ɔkya-mii ɔkplu.

Timoteo 2 2:1

Na awɔ, mina ubi, kya ɔkplu na bula unwi bɔbla ku Kristo na nwuna lɛƒɔndia lɛni na ubo ute-bu kemmo.

Samuel 1 30:6

Na kayi kébo kaakpulu Dawid geen, ɔsika nwuna bekpone bammɔ baasu ka badububo-nwu atabi na livoƒi ku ɔƒɛ ɔni mɔɔdá-ma na bana bebi bananabi ku belekubi ɔsu. Nsu ɔ́kɛ ɔyikun ɔ́siku Unwoti, nwuna Katɔti kudɔ.