Romaƒuɔ 4:2 - Katɔti Ɔku Kedee

² Si ɔkɛnku kabla lɛlɔ na Katɔti ɔ́nu ka Abraham use siin ni, na ubo kenyekɔ ka ɔkun lɛmɛnɛ. Nsu uuubo kenyekɔ kammɔ na Katɔti anumi, ɔsika ɔɔɔdi Abraham kabla na ɔ́nu.

Romaƒuɔ 4:2 ပူးပေါင်းရင်းမြစ်များ

Ala Kalɔ Buse 12:18

Ɔmmɔ ɔsu Ƒarao ɔ́tala na bátálɔ Abram béboku-nwu na úye-nwu ɔnini, “Bi na ɔdi na ábla-bu mɛni, na átasu-mi ka ƒ'ulekudi na ɔdi?

Ala Kalɔ Buse 12:20

Amu na Ƒarao úbo nwuna benengu bammɔ ɔda na Abram lɛlɔ na bédie-nwu ulu ku ulekudi ku ala ani ƒui na ubo na bátɔlɔ.

Esekiel 8:9

Mmɔ na Unwoti ɔ́su-mi ɔnini, “Sia duo mmɔ na anu kɔbɔ ala ku alaekpidi ani udu na bekyuli baabla mmɔ.”

Romaƒuɔ 15:17

Ɔmɛni ɔsu na mɔɔkun lɛmɛnɛ na lɛla lɛni na Yesu Kristo ɔ́bla ɔkɛnku kabla kani na mɔɔbla teete Katɔti ɔsu.

Korintoƒuɔ 1 1:29

Ɔmɛni ndubɔya na ukyuli biala ulakana lɛlɔ katɔ bɔtalaku na Katɔti anumi.

Korintoƒuɔ 1 1:31

Ɔmɛni ɔsu na Bunweni Kedee Ɔku ɔɔsu ɔnii, “Ukyuli ɔni mɔɔkun lɛmɛnɛ ni, ɔkun lɛmɛnɛ na lɛla lɛni na Blɔti ɔ́bla lɛlɔ.”

Korintoƒuɔ 1 4:7

Ɔma nédie-ɔ na áƒɔ kuye étulo ƒula ɔkpana? Ala ani na ebo ƒui ni, Katɔti néti-nya úte-ɔ. Na si lɛni na ɔdi ni, bi ɔsu na aakun lɛmɛnɛ aani si ɔɔɔdi Katɔti néte-ɔ ala ani na ébo?

Korintoƒuɔ 1 9:16

Liiibo kuƒi kɔni na ntaakun lɛmɛnɛ ka mɔɔkɔ́ litemi buni lɛmmɔ lɛsa ɔsu. Blɔti ɔdubɔni-mi kɔtu si ńtakɔ litemi buni lɛmmɔ lɛsa ńtete bekyuli!

Korintoƒuɔ 2 11:12

Ndubusie anumi na naaaƒɔ bina kebunku. Ɔmɛni ɔdubɔya na bani mɔɔlɔ lɛlɔ banii batalane ni, balákɛ kuƒi na bakun lɛmɛnɛ na basu banii ama lɛnɔ baabla kabla aani bula kalɛ.

Korintoƒuɔ 2 11:30

Si ɔdi ka lɛkun lɛmɛnɛ ni, nka ndubɔkun lɛmɛnɛ na ala ani muudie taatina kalɛ na lɛ́sɔ lɛlɔ.

Korintoƒuɔ 2 5:12

Ɔɔɔdi banii lɛlɔ na bɔ́sɔ buukú bɔtina-mii, mmomu bɔɔwia ka bɛkɛ kasusu kabuni na bula lɛlɔ. Mɔɔwia ka bɛkɛ kenyekɔ kabuni na abu ɔsu kalɛ na bidie kenye bɛtina bekyuli bani mɔɔkun lɛmɛnɛ na bekyuli lɛlɔ, na ɔɔɔdi ka bánu bana udu buni ɔdi báti ɔsu.

Galatiƒuɔ 3:22

Nsu Bunweni Kedee Ɔku ɔmmɔ ɔ́su ka kayawi kemodi kénwini kabla ɔblane kéte likpidi. Na kenye kani na Katɔti ɔ́su úse ka wete bekyuli ɔkɛnku bɔƒɔtaadi na Yesu Kristo lɛlɔ kadububo kete bani náƒɔ-nwu bádi.

Eƒesoƒuɔ 2:9

Na útasi bina kabla kadi lɛnɔ kemmo kalɛ na ɔdi ɔkun lɛmɛnɛ lɛdi.

Ƒilipiƒuɔ 3:9

Na mɔɔwia ka liti mina lɛlɔ ƒui lite-nwu. Ɔmɛni ɔdubɔtina ka mina siin bɔbla útasi ami ɔlati kudɔ aani bɔni udu na bekyuli baakali ka baakɛ́ ɔkɛnku ɔda bubo lɛlɔ bɔdi kemmo, mmomu bɔkɛnku Kristo bɔƒɔtaadi kemmo. Na siin bɔbla bɔmɛni nási Katɔti kudɔ na bɔdanku bɔƒɔtaadi.

Yosua 24:2

Amu na ɔ́su bekyuli bammɔ ka Unwoti ɔni ndi Israelƒuɔ Katɔti ɔɔsu-ma ɔnini, “Uwi ɔdi nábavi ni, bina bati kuuku na nka bélie Euƒrate Ketu ɔvi na baƒiɔ na báakpa. Na bina bati kuuku bammɔ kemmo ɔdi ndi Tera ɔni náwɔ Abraham ku Nahor.