Romaƒuɔ 4:18 - Katɔti Ɔku Kedee

¹⁸ Kesii kani na lɛnunsia liiibo muedi ni, Abraham únye bɔƒɔtaadi lɛlɔ kpakplaa. Anwuɔsu úbabla kadi bekyuli pii ɔti aani kalɛ na Bunweni Kedee Ɔku ɔ́su ɔnini, “Ƒula bawɔ lɛnɔ badubo bumomo lɛni kani.”

Romaƒuɔ 4:18 ပူးပေါင်းရင်းမြစ်များ

Agba 13:12

Si ukyuli ɔ́yila lɛnunsia ni, kayi keekpóku-nwu. Nsu si ƒula ala ani na eegyé kɔna taanu aasia-a ni, eenú ngba emini na lɛlɔ lɛnɔ lɛɛyɔ́-ɔ.

Esekiel 37:11

Ɔmmɔ kama Unwoti ɔ́su ɔnini, “Esekiel, Israel kadi bekyuli bese aani bekpine. Baadɔ taasu banii bákwii bakɛ aadi bekpine ekubi na basɔ beeebo ngba lɛnunsia lɛdi bete uwi ɔni ndubo.

Luka 1:18

Amu na Sakaria úye ɔtu ɔmɛni ɔnini, “Bi ndubɔya na lɛƒɔ ɔmɛni lɛdi? Ɔsika lɛ́ɛbla unengu na mina ulekudi lɛnɔ ɔ́ɔbi.”

Batalane Kabla 27:25

Anwuɔsu banana, bɛkɛ kayi! Mɔɔƒɔ́ Katɔti taadi ka ni, lɛla lɛdi biala lɛdubo bɔsia aani kalɛ na ɔ́su.

Romaƒuɔ 4:17

Na lɛni na Bunweni Kedee Ɔku ɔ́su ɔnini, “Líti-ɔ lɛ́bla kadi bekyuli pii ɔti.” Na Abraham ndi bula ɔti ɔni náƒɔ ɔ́di na Katɔti anumi. Katɔti ɔyikun ɔni na úbo ɔsu ni, ɔ́gyila bekpine na básɔ bébo beli ngba. Na ɔkɛnku ɔyikun ɔmmɔ ɔsu ni, útemi na ala ani nátakya kudii áda álɛ!

Romaƒuɔ 4:19

Abraham ɔ́ɔƒɔ aani akwa eti anyɔ. Nsu ni, enu átaƒɛ-nwu na bɔƒɔtaadi kemmo ina ka ɔ́nu ɔ́ti ka kaƒiɔtɔ kɔtu na unye, na Sara lɛnɔ ɔ́ɔvi kɔwɔ.

Romaƒuɔ 5:5

Na lɛnunsia lɛmɛni liláya bula anumi ewi kalɔ. Ɔsika Katɔti ɔkɛnku nwuna Kɔyu kɔni na úte-bu lɛlɔ na ɔ́ya na nwuna bɔyɔ bɔ́ƒɔ-bu lɛlɔ kemmo ƒui.

Romaƒuɔ 8:24

Na ka bubo lɛnunsia lɛmɛni ɔsu ni, bɔ́kɛ bɔƒɔ. Nsu lɛnunsia lɛla lɛni na bɔɔnu ku bula anumi ni, lɛsɔ lɛɛɛdi lɛnunsia. Ɔsika ukyuli ɔdi ɔsɔ ulasia ala ani na ɔɔnu anu.

Hebriƒuɔ 6:19

Bula lɛnunsia lɛmɛni mɔɔyá na bɔda Katɔti kpakplaa na bula kayi kemmo aani kalɛ na kugyii lidu lɛɛda kalɔ geen. Na bɔsia Yesu anu. Anwu néduo katɔma kedee kani kenye na lɛdiku lɛƒa kemmo.