Romaƒuɔ 3:5 - Katɔti Ɔku Kedee

⁵ Bɔsu na bɔdubɔsu bɔnii bula ekpidi ani na bɔɔbla mɔɔyá na bekyuli baanu Katɔti lɛbuni lɛni na ɔɔbla taati? Na ɔmmɔ ɔsu ni, bɔdubɔsu bɔnii Katɔti ulábla kaduɛ si ɔɔní-bu kɔtu? Kudii! Nsu lɛni na badi baakali!

Romaƒuɔ 3:5 ပူးပေါင်းရင်းမြစ်များ

Ala Kalɔ Buse 18:25

Ńtaƒɔ ńtadi ka adubɔbla lɛni, na adu bekyuli babuni ku bekpidi ɔni mɔɔtina ka ábla bekyuli babuni ku bekpidi ulikplu likeke. Ɔmmɔ udu anwu ni, ngyi nwaa ka awɔ ɔni mɔɔtɛku kayawi ƒui litemi adubɔbla lɛla lɛni ndi ulu.”

Hiob 8:3

Bɔbu na aabu anii Unwoti ɔɔnu litemi geen taatu-ni teenwini na uƒu lɛla lɛbuni lɛdi ɔkya?

Nahum 1:2

Unwoti ɔdi Katɔti ɔni naaawia ka ukyuli ɔdi ukpoku-nwu kogyulo, mmomu ɔɔwia ka badi nwuna litemi lɛlɔ siin. Na ɔɔƒɔ nwuna bekisine kayu teedie-ma kasi na kɔnyi kemmo.

Romaƒuɔ 12:19

Banwa, bitedie ukyuli likpidi kasi kudii, mmomu bite Katɔti kuƒi na ɔbla nwuna kɔnyi kabla na ukyuli ɔmmɔ lɛlɔ. Ɔsika ni, Katɔti ɔ́su na Bunweni Kedee Ɔku kemmo ɔnini, “Ami Unwoti muudie kasi, na ami ndubɔƒɔ kayu.”

Romaƒuɔ 2:5

Na ka bina atu ebo ɔkplu na bítenwini kayi ɔsu ni, Katɔti ɔdubo-mii kɔtu bɔni geen na limeyi lɛni na údie úse lɛlɔ ka ɔdubɔtɛku bayawine ƒui litemi na nwuna ulu siin lɛlɔ.

Romaƒuɔ 3:19

Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Romaƒuɔ 3:7

Ukyuli ɔdi ɔkana na uye ɔnini, “Nsu si mina ala ani na naaabla ulu lɛlɔ mɔɔyá na Katɔti litemi geen lɛmmɔ liigyingya na beemwi-nwu ni, bi ɔsu na bɛɛdú-mi kɔtɔ ka ukyuli ukpidi na ndi?”

Romaƒuɔ 4:1

Bi ndi lɛla lɛni na bɔdubɔsu ka bula ɔti kuuku Abraham ɔ́nu ɔ́ti na litemi lɛmɛni lɛlɔ?

Romaƒuɔ 5:8

Nsu Katɔti údie ɔ́tina-bu kaduɛ kalɛ na ɔɔyɔ́-bu. Ɔsika uwi ɔni na bɔkya bula ekpidi kemmo ni, ɔ́ya na Kristo úkpi na bula lili.

Romaƒuɔ 6:1

Ɔmɛni ɔsu ni, bi na ɔdi ka bɔsu? Buusié anumi butaabla likpidi kalɛ na Katɔti lɛƒɔndia limomo libu?

Romaƒuɔ 6:19

Mɔɔyɔ́ ka lɛsia kalɛ na bekyuli baatɛmi kenye na lidie ɔmɛni kalɔ lite-mii na ɔbla-mii kpɛtɛ kpɛtɛ. Na uwi ɔni nábavi kemmo ni, bɛ́nyonu lɛlɔ ƒui bíte alaekpidi bɔbla ku ala ani muusé lɛlɔ ku likyulikpi ala bɔbla. Lɛni kani na ɔlɛka biti lɛlɔ ƒui bite siin bɔbla na bɛbla kedee.

Romaƒuɔ 7:7

Na ɔmɛni ɔsu ni, bi na ɔdi ka bɔsu? Bɔsu na bɔsu bɔnii Katɔti ɔda bubo bɔdi likpidi? Kudii! Geen ni, ɔkɛnku ɔda bubo bɔmɛni lɛlɔ na bɔɔtí lɛla lɛni ndi likpidi. Si ɔda bubo bɔmɛni bútasu bɔnii, “Taya na anumi egyie-ɔ na ukyuli ɔdi ala lɛlɔ” ni, na nka lɛɛɛgyi lɛla lɛni ndi lɛnungyie likpidi.

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Romaƒuɔ 9:30

Ɔmɛni ɔsu ni, bi na ɔdi ka bɔsu? Bekyuli bani naaadi Yudaƒuɔ na bátasiaku lɛlɔ bɔbla siin kama ni, bénwini bekyuli bani nse siin ɔƒɛni na Katɔti anumi ka báƒɔ-nwu bádi ɔsu.

Korintoƒuɔ 1 15:32

Nsu si kayawi kamɛni kasusu kani ɔsu na líkpoku bekyuli bani nse aani beƒiebuo na Eƒeso ni, bi kɔsia na lɛ́kɛ? Na si bekyuli basɔ balata balálɛ kekpine na bebelie ngba bɔdi ni, na bɛgyi bɛnii ɔlɛka bɔbla aani kalɛ na lɛsugba lɛdi lɛɛsu lɛnii, “Bɛya bɔdi na bɔni, ɔsika kɔnaadi bɔdubo bukpi.”

Korintoƒuɔ 1 9:8

Liiinye ala ani na abu bekyuli kasusu kaanu taati mɛni lɛti pɛ lɛlɔ. Na lɛni kani na ɔda bubo bɔmmɔ bɔɔsu.

Korintoƒuɔ 2 6:4

Mmomu ni, lɛla biala lɛni na bɔɔbla kemmo ni, buudie taatina nwaa ka Katɔti kabla bablane na bɔdi. Bunye kpakplaa na lɛƒɛda ku lɛbibo ku bukpoku kemmo.

Korintoƒuɔ 2 7:11

Bɛnu kalɛ binye kpakplaa ka ala ammɔ éduo-mii na Katɔti ala lɛlɔ ɔsu. Bɛɛwia kpakplaa ka bidie lɛlɔ na likpidi kemmo na bilie sɛɛn. Ɔsika ala ammɔ eeƒí-mii livo na ana bɔbla bɔɔda-mii liƒu. Nu kalɛ na bígyingya enu ka bɛƒɔ-mi, na binye-mi kama kpakplaa. Na anumi égyie-mii ka bɛni likpidi ɔblane ɔmmɔ kɔtu. Na bidie lɛlɔ bɛtina na ulu biala lɛlɔ ka bɛɛɛkɛnku ɔbladu ukpidi ɔmmɔ.

Galatiƒuɔ 2:18

Si nka ami ɔlati lɛ́sɔku lɛla lɛni na lɛ́bwɛ mmɔ udu mɔɔtú ni, nka ɔdubɔtina ka lɛ́ta línye ɔda bubo bɔmmɔ lɛlɔ aani ala ekpidi ɔblane sɔsɔ.

Galatiƒuɔ 3:15

Banwa, lɛla lɛni mɔɔsu mɛni ni, bɛya na liti lɛkɔku bula limeyi biala ngba bulie. Si nkyuli inyɔ bénu lɛlɔ kalɔ na lɛla lɛdi lɛlɔ na bényimi-ni lɛlɔ ni, bana kemmo ɔdi uuubo kuƒi ka ɔsɔ unweni iye ɔda lɛla lɛdi udie bunyimi bɔmmɔ kemmo. Lɛni kani na use na mɛni lɛnɔ.

Budie Taatina 15:3

Na lɛnu lɛni na beedie mmɔ ni, lɛdi Mose ɔni ndi Katɔti kabla ɔblane ku Koƒonu Ubi ɔmmɔ lɛnu. Na beedie banini, “Blɔti ɔni mbo ɔyikun ƒui, ƒula ala bɔbla ébomo, na bulakana-nya kalɔ bunu. Na ƒula ablala ese siin, na ƒula etemila adi litemi geen. Awɔ ndi Uwi Ƒui Ɔga.

Budie Taatina 18:20

Amii bani nkya katɔ ƒui lɛlɔ lɛyɔ-mii. Na amii Katɔti bekyuli ƒui ku batalane ku Katɔti kenye bediene ni, lɛlɔ lɛyɔ-mii! Ɔsika Katɔti ɔ́tɛku ɔma ɔmmɔ litemi na lɛla lɛni na ɔ́bla-mii ɔsu!’ ”