Romaƒuɔ 3:30 - Katɔti Ɔku Kedee

³⁰ Ɔsika Katɔti unwi pɛ kani nkya na anwu ndubɔbla na Yudaƒuɔ baabla siin ɔkɛnku bɔƒɔtaadi lɛlɔ. Lɛni kani na ɔdubɔbla bani naaadi Yudaƒuɔ lɛnɔ na babla siin ɔkɛnku bɔƒɔtaadi bɔmmɔ kani lɛlɔ.

Romaƒuɔ 3:30 ပူးပေါင်းရင်းမြစ်များ

Romaƒuɔ 2:26

Na si ukyuli ɔni naaadi Yudani na útekulo lego ɔɔdi ɔda bubo bɔmɛni lɛlɔ ni, Katɔti ɔɔnu-nwu aani ukyuli ɔni nékulo lego.

Romaƒuɔ 2:27

Ukyuli ɔni mɔɔdi ɔda bubo bɔmmɔ lɛlɔ nsu útekulo lego ni, ɔdubɔdu-mii kɔtɔ ina ka amii na béte ɔda bubo bɔmmɔ na bíkulo ago lɛnɔ nsu biládi-mu lɛlɔ.

Romaƒuɔ 3:22

Katɔti ɔɔyá na bekyuli baabla siin si báƒɔ Yesu Kristo bádi. Ɔɔbla ɔmɛni teete bekyuli bani ƒui náƒɔ Kristo bádi. Na ulákya kavumana kadi na bekyuli bammɔ ntɛ.

Romaƒuɔ 3:28

Ɔsika bɔgyi nwaa ka ni, ɔkɛnku bɔƒɔtaadi lɛlɔ kani na ukyuli ɔɔbla siin na Katɔti anumi, na ɔɔɔdi nwuna ɔda bubo bɔmmɔ lɛlɔ bɔdi ɔsu.

Romaƒuɔ 4:16

Anwuɔsu ni, linyese lɛmɛni lɛdanku bɔƒɔtaadi, na ɔdi kama kekpokɔ ute bekyuli na Katɔti kaƒɔbuni kani na ɔ́bla bekyuli bani ƒui ndi Abraham bawɔ. Na ɔɔɔdi bani na Katɔti úte ɔda bubo bɔmmɔ lɛti pɛ ndi-nwu bawɔ. Mmomu bani nsiaku Abraham bɔƒɔtaadi bɔmmɔ kama lɛnɔ. Ɔsika ni, Abraham ɔdi baƒɔtaadine ƒui ɔti.

Romaƒuɔ 4:9

Na lɛlɔyɔ lɛni lɛlɔ litemi na Dawid ɔ́su mɛni ni, bani nékulo ago kani ndubɔkɛ-ni? Kudii! Lɛdanku bani nétekulo ago lɛnɔ, ɔsika Bunweni Kedee Ɔku ɔɔsu ɔnini, “Abraham ɔ́ƒɔ Katɔti ɔ́di ɔsu na Katɔti ɔ́bu-nwu aani ukyuli ɔni use siin.”

Galatiƒuɔ 3:20

Nsu ka Katɔti ɔlati mɔɔbla lɛla lɛmɛni ɔƒɛni ɔsu ni, utáwia ntɛ ɔkyane ɔbambadi.

Galatiƒuɔ 3:28

Anwuɔsu kavumana kadi kasɔ keeebo Yudani iye Helani iye ukyuli ɔni mɔɔbla ukyuli ɔdi kabla iye ɔni nli nte lɛlɔ iye ɔnana iye uleku ɔdi ntɛ. Ɔsika bina ƒui bɛ́bla ku Kristo Yesu unwi.

Galatiƒuɔ 3:8

Na Bunweni Kedee Ɔku kemmo básu bése ka ni, Katɔti ɔdubɔklibi anwu ku bani naaadi Yudaƒuɔ ƒui ntɛ ɔkɛnku bana bɔƒɔtaadi na Kristo lɛlɔ ɔsu. Anwuɔsu Katɔti ɔ́su litemi buni lɛmɛni úte Abraham kukuuku ɔnini, “Ndubute kadi ƒui bekyuli kusɛ kusɛ ɔkɛnku awɔ lɛlɔ.”

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Galatiƒuɔ 6:15

Na ɔɔɔdi lego bukulo iye ago tekulo na bɔɔwia, mmomu lɛla lɛni na bɔɔwia ndi ngba bɔwɔdi bulie.

Lɛkpa Ulu 6:4

Israelƒuɔ, binu kaduɛ! Unwoti ndi bula Katɔti, na anwu lɛti pɛ kani nkya.

Ƒilipiƒuɔ 3:3

Abu ndi bekyuli bani mmomu nékulo ago, ɔsika buumwi Katɔti ɔkɛnku nwuna Kɔyu lɛlɔ na bɔɔkɛ́ ebiti ka abu ku Kristo Yesu bɔ́bla unwi ɔsu. Na búteti lɛlɔ bútasia ɔlɔna lɛlɔ ɔdi ala bɔbla lɛlɔ.

Timoteo 1 2:5

Sɔsɔ ni, Katɔti unwi kani nkya. Na kɔnu ɔsiane lɛnɔ unwi kani nkya. Anwu ndi ukyuli ɔni baalɔ banii Kristo Yesu. Anwu mɔɔklibi abu ku Katɔti ntɛ.