Romaƒuɔ 3:29 - Katɔti Ɔku Kedee

²⁹ Munuu ni, Yudaƒuɔ lɛti pɛ ɔdi na Katɔti ɔdi? Na ɔɔɔdi bani naaadi Yudaƒuɔ ama ɔdi? Ɛɛn, ɔdi ama lɛnɔ ɔdi.

Romaƒuɔ 3:29 ပူးပေါင်းရင်းမြစ်များ

Ala Kalɔ Buse 17:18

Amu na Abraham ɔ́su Katɔti ɔnini, “Si adubute Ismael kusɛ kusɛ na ulie ngba ni, nka ɔdia!”

Kɔgya 22:7

Na bani ƒui mɔɔnu-mi baamá-mi. Na baamɔsi taakunku bana eli taasu banini,

Kɔgya 67:2

Na aya na bekyuli ƒui banu ƒula lɛƒɔyɔ bati. Na banu bati lɛnɔ kalɛ na aaƒɔ́ teete bekyuli na kayawi ƒui.

Kɔgya 72:17

Ya na ƒula ɔga ɔƒɔ lɛnyi na lisie ɔgyu lɛkya bekyuli akɔ uwi ƒui kalɛ kani na ɔƒɛ ɔɔtu teekeye. Ala atɛnku kadi ƒui bekyuli na beteete ɔga kusɛ kusɛ.

Yesaia 54:5

“Unwoti Ɔyikune Ƒui, Israel Katɔti, mɔɔdi kayawi ƒui lɛlɔ. Anwu ndi bina Udiene ku bina ɔgya na ɔdubudie-mii.

Yeremia 16:19

Lɛ́kpali Katɔti lívele nnini, “Bula Ɔti, awɔ ndi ukyuli ɔni muute-mi ɔyikun na aagyumana-mi kpakplaa si líduo lɛbibo kemmo. Bekyuli badubɔsi ɔlɔgyu bebo-ɔ kudɔ na babasu-ɔ banini, ‘Bula bati kuuku bákpa baƒiɔ bani neeebo kɔsia kɔdi na balásu litemi geen lɛdi lɛnɔ,

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Hosea 1:10

“Limeyi lɛdi lɛdubo lɛni na ukyuli ɔdi ulakana Israelƒuɔ bɔka, ɔsika badubo bumomo aani ɛpu kɔnwinimi. Na ɔƒaani ni, ama baalɔ banii, ‘Bɛɛɛdi mina bekyuli.’ Nsu uwi ɔni mebo kemmo ni, bekyuli badubɔlɔ-ma banii, ‘Katɔti Ɔni Nli Ngba uwi ƒui Bebi.’

Sakaria 2:11

Na si uwi ɔni na úbo-nwu kemmo lɛni ni, kadi bekyuli pii badubunwini bebo Unwoti kudɔ na benwini nwuna bekyuli na uwi ɔmmɔ lɛlɔ, na badubɔnu bati ka Unwoti kenye udiene na ɔdi sɔsɔ.

Malakai 1:11

Ɔ́si ɔƒɛ katukɔ útédu ɔƒɛ kanukɔ ni, bekyuli badubumwi-mi lɛnyi na bakyula oloƒui na kadi biala bekyuli akɔ na kalɔ lɛlɔ, na badubɔbla akpala ani námanku bete-mi.

Mateo 22:32

‘Ami ndi Abraham Katɔti ku Isak Katɔti ku Yakob Katɔti!’ Ɔmɛni ɔɔtina ka ama bani néekpi ni, bamu beli ngba. Anwuɔsu ɔdi ama lɛnɔ Katɔti.”

Mateo 28:19

Anwuɔsu biteesie kayawi kadi biala bekyuli akɔ na bɛtina-ma ala kalɛ na benwini mina batɛyane. Na bɛkpila-ma ntu na Ati ku Ubi ku Katɔti Kɔyu lɛnyi kemmo.

Batalane Kabla 10:34

Amu na Petro ɔ́su-nwu ɔnini, “Lɛ́nu lɛ́ti nwaa ka Blɔti ulánu bekyuli anumi.

Batalane Kabla 22:21

“Nsu Blɔti ɔ́su-mi ɔnini, ‘Ta, na eteesie ɔgyu kakaaka na kesii kani mɔɔtala-a na bekyuli bani naaadi Yudaƒuɔ akɔ!’ ”

Batalane Kabla 26:17

Na kesii kani na mɔɔtala-a ni, ndubɔgyumana-a na ƒula kadi bekyuli akɔ ku kadi bamba lɛnɔ akɔ.

Batalane Kabla 9:15

Nsu Blɔti ɔ́su-nwu ɔnini, “Teesie, na atábla kalɛ na lɛ́su-ɔ. Ɔsika ami lɛ́ɛƒuna Saulo aani mina ukyuli ɔni meti mina litemi buni lɛmɛni mesienku ama bani naaadi Israelƒuɔ ku baga anumi ku Israelƒuɔ ƒui kudɔ.

Romaƒuɔ 1:16

Litemi buni lɛmmɔ lilekpo-mi kɔƒa, ɔsika lɛdi Katɔti ɔyikun ɔni mɔɔyá na ukyuli biala ɔni mɔɔƒɔ́ taadi ɔɔkɛ́ ngba bɔƒɔ. Na Yudaƒuɔ ndi bedeedi bani ndubunu asa na bani naaadi Yudaƒuɔ basia.

Romaƒuɔ 10:12

Ɔmɛni ɔɔtina ka ni, kavumana kadi keeebo Yudaƒuɔ ku bani naaadi Yudaƒuɔ ntɛ. Na Blɔti ɔdi bula ƒui Ɔti, na uute bekyuli bani ƒui mɔɔkpali-nwu ala abuni.

Romaƒuɔ 15:16

Ɔsika ɔ́bla-mi ɔnii nnwini Kristo kabla ɔblane nte bekyuli bani naaadi Yudaƒuɔ. Na mɔɔbla ɔkpane kabla kani ndi ka lɛkɔ Katɔti litemi buni lɛmmɔ lɛsa lite bekyuli bani naaadi Yudaƒuɔ kalɛ na lɛkpanku-ma liboku Katɔti aani akpala ani Katɔti Kɔyu kɔ́bla kedee na adubɔƒɔ Katɔti anu.

Galatiƒuɔ 3:14

Na Kristo ɔ́bla ɔmɛni kalɛ na kusɛ kusɛ ɔni na Katɔti ɔ́su úse ka wasiaku Abraham mmɔ ɔsiaku bani naaadi Yudaƒuɔ lɛnɔ kama ɔkɛnku Kristo Yesu lɛlɔ. Na ɔkɛnku bɔƒɔtaadi bɔmmɔ lɛlɔ ni, na abu lɛnɔ bɔkɛ Katɔti linyese lɛni ndi nwuna Kɔyu.

Eƒesoƒuɔ 3:6

Na lɛbɛla lɛmmɔ ndi ka bani naaadi Yudaƒuɔ lɛnɔ benwini Katɔti ala badine aani bekyuli bani na ɔ́ƒuna kalɛ na babla ɔlɔna ɔmmɔ kakɛ kadi. Na ɔkɛnku Kristo Yesu lɛlɔ ni, badubɔkɛ ala ani na Katɔti ɔ́su nwuna bekyuli úse.

Koloseƒuɔ 3:11

Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.