Romaƒuɔ 3:22 - Katɔti Ɔku Kedee

²² Katɔti ɔɔyá na bekyuli baabla siin si báƒɔ Yesu Kristo bádi. Ɔɔbla ɔmɛni teete bekyuli bani ƒui náƒɔ Kristo bádi. Na ulákya kavumana kadi na bekyuli bammɔ ntɛ.

Romaƒuɔ 3:22 ပူးပေါင်းရင်းမြစ်များ

Yesaia 61:10

Lɛlɔ lɛɛyɔ́-mi na Unwoti lɛlɔ na ebiti aada mina kɔyu na lɛla lɛni na mina Katɔti ɔ́bla úte-mi ɔsu. Kalɛ na ɔ́ƒɔ-mi ngba use aani kalɛ na baaklibi uleku teesienku kawɛɛkɔ. Na lɛduni lɛni mɔɔtina ka ɔ́bla-mi siin lɛma-mi lili aani ɔkpane lɛduni lɛni na uubi lili.

Yeremia 23:6

Na uwi ɔni ƒui na ɔdubulie ɔdi lɛga lɛmmɔ ni, Israel ɔdubulie ku keyi buɛɛ. Na lɛla biala lise kpoo na Yuda kalɔ lɛlɔ. Na lɛnyi lɛni na ɔga ɔmmɔ ɔdubɔdi ndi Unwoti Uute Litemi Bɔtɛ Ulu Siin Lɛlɔ.

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Luka 15:22

“Nsu ni, ɔti ɔ́kpali nwuna kabla bablane ɔnii, ‘Bɛbabla na biti adala abuni bibakya-nwu. Na biti asɛɛ ku lɛgbanvuo lɛbuni lɛnɔ bɛkya-nwu enu ku lɛgba.

Batalane Kabla 11:12

Amu na Katɔti Kɔyu kɔ́su-mi kɔnii nsiaku-ma nteesie, na ntayia. Mina banwani ɛku bamɛni básiaku-mi, na búsie bútéduo ɔnana ɔni nátala batu ɔ́kya-mi mɛni kudɔ.

Batalane Kabla 15:9

Útakya kavumana kadi na abu ku-ma ntɛ, ɔsika ɔ́ƒɔ-ma na bana bɔƒɔtaadi ɔsu. Na úti bana ekpidi ɔ́kyiɛ-ma aani abu kalɛ.

Batalane Kabla 3:16

Ɔkɛnku Yesu lɛnyi kemmo ɔsu na ɔnana ɔni na bɛgyi na bɛɛnu mɛni ɔ́kɛ lɛlɔkplu. Na ka ɔ́ƒɔ Yesu ɔ́di ɔsu ni, Blɔti ɔ́bwi-nwu na bina anumi.”

Romaƒuɔ 1:17

Na litemi buni lɛmɛni muudie ulu siin ɔni mɔɔyɔ́ Katɔti kaƒɔ taatina. Na ulu siin ɔmɛni ɔkɛnku bɔƒɔtaadi lɛlɔ ɔ́si kalɔ kesekɔ útédu kawɔlɔkɔ. Na lɛni na bénweni na Bunweni Kedee Ɔku kemmo banini, “Bani mɔɔsiaku-mi kama siin ni, badubulie ngba na bana bɔƒɔtaadi kemmo.”

Romaƒuɔ 10:12

Ɔmɛni ɔɔtina ka ni, kavumana kadi keeebo Yudaƒuɔ ku bani naaadi Yudaƒuɔ ntɛ. Na Blɔti ɔdi bula ƒui Ɔti, na uute bekyuli bani ƒui mɔɔkpali-nwu ala abuni.

Romaƒuɔ 10:4

Ɔsika Kristo ndi Mose ɔda bubo bɔmmɔ ƒui kawɔlɔkɔ. Na ukyuli biala ɔni maƒɔ Kristo madi ni, ɔ́bla siin na Katɔti anumi.

Romaƒuɔ 2:1

Anwuɔsu ni, si awɔ ɔdi aatɛku ukyuli litemi na aadú-ma kɔtɔ ni, eeebo kenye kadi na eedie. Na ulu biala lɛlɔ na ádu ƒula bakpana kɔtɔ ni, ƒula lɛlɔ na aadú kɔtɔ. Ɔsika ala ani na bábla ni, ana udu kani na awɔ lɛnɔ aabla.

Romaƒuɔ 3:30

Ɔsika Katɔti unwi pɛ kani nkya na anwu ndubɔbla na Yudaƒuɔ baabla siin ɔkɛnku bɔƒɔtaadi lɛlɔ. Lɛni kani na ɔdubɔbla bani naaadi Yudaƒuɔ lɛnɔ na babla siin ɔkɛnku bɔƒɔtaadi bɔmmɔ kani lɛlɔ.

Romaƒuɔ 4:16

Anwuɔsu ni, linyese lɛmɛni lɛdanku bɔƒɔtaadi, na ɔdi kama kekpokɔ ute bekyuli na Katɔti kaƒɔbuni kani na ɔ́bla bekyuli bani ƒui ndi Abraham bawɔ. Na ɔɔɔdi bani na Katɔti úte ɔda bubo bɔmmɔ lɛti pɛ ndi-nwu bawɔ. Mmomu bani nsiaku Abraham bɔƒɔtaadi bɔmmɔ kama lɛnɔ. Ɔsika ni, Abraham ɔdi baƒɔtaadine ƒui ɔti.

Romaƒuɔ 8:1

Ɔmɛni ɔsu ni, kɔtɔ bɔdu bɔdi buuubo buuute bani nábla unwi ku Kristo Yesu na bana ngba bulie kemmo.

Romaƒuɔ 9:30

Ɔmɛni ɔsu ni, bi na ɔdi ka bɔsu? Bekyuli bani naaadi Yudaƒuɔ na bátasiaku lɛlɔ bɔbla siin kama ni, bénwini bekyuli bani nse siin ɔƒɛni na Katɔti anumi ka báƒɔ-nwu bádi ɔsu.

Korintoƒuɔ 1 12:13

Lɛni kani na use na abu bani ndi Yudaƒuɔ ku kadi bamba bekyuli akɔ ku bani mɔɔbla bekyuli bamba kabla ku bani mɔɔbla ama alati kabla lɛnɔ akɔ. Kɔyu kunwi kɔmmɔ kani na béti bábla-bu ntu bɔkpila ɔdi ɔmmɔ na bɔdi ɔlɔna unwi. Na Kɔyu kunwi kɔmmɔ na béte bula ƒui na bɔ́ni.

Korintoƒuɔ 1 4:7

Ɔma nédie-ɔ na áƒɔ kuye étulo ƒula ɔkpana? Ala ani na ebo ƒui ni, Katɔti néti-nya úte-ɔ. Na si lɛni na ɔdi ni, bi ɔsu na aakun lɛmɛnɛ aani si ɔɔɔdi Katɔti néte-ɔ ala ani na ébo?

Galatiƒuɔ 2:16

Nsu bɔgyi ka Katɔti ɔɔsɔku anwu ku ukyuli ntɛ taaklibi ɔkɛnku bɔƒɔtaadi bɔni na ukyuli ubo na Yesu Kristo lɛlɔ kani ɔsu. Na ɔɔɔdi ɔda bubo bɔkukudi bɔmmɔ lɛlɔ bɔdi ɔsu. Abu lɛnɔ bɔ́ƒɔ Kristo Yesu bɔ́di ɔsu na Katɔti ɔ́klibi abu ku-nwu ntɛ ɔkɛnku bula bɔƒɔtaadi na Kristo kemmo ɔsu. Na ɔɔɔdi ɔni na bɔɔdi ɔda bubo bɔkukudi bɔmmɔ lɛlɔ ɔsu. Ɔsika Katɔti útaklibi anwu ku ukyuli ɔdi ntɛ na ɔda bubo bɔkukudi bɔmmɔ lɛlɔ bɔdi ɔsu.

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Galatiƒuɔ 3:22

Nsu Bunweni Kedee Ɔku ɔmmɔ ɔ́su ka kayawi kemodi kénwini kabla ɔblane kéte likpidi. Na kenye kani na Katɔti ɔ́su úse ka wete bekyuli ɔkɛnku bɔƒɔtaadi na Yesu Kristo lɛlɔ kadububo kete bani náƒɔ-nwu bádi.

Galatiƒuɔ 3:28

Anwuɔsu kavumana kadi kasɔ keeebo Yudani iye Helani iye ukyuli ɔni mɔɔbla ukyuli ɔdi kabla iye ɔni nli nte lɛlɔ iye ɔnana iye uleku ɔdi ntɛ. Ɔsika bina ƒui bɛ́bla ku Kristo Yesu unwi.

Eƒesoƒuɔ 3:12

Ɔmɛni ɔsu na bunye kpakplaa na búti bula kayi ƒui bɔ́sia-nwu lɛlɔ ka si bɔ́blaku-nwu unwi na bɔ́ƒɔ-nwu bɔ́di ni, na bɔkɛ ulu ƒaa na bɔda bɔlɛ Katɔti anumi ku kayi buse.

Ƒilipiƒuɔ 3:9

Na mɔɔwia ka liti mina lɛlɔ ƒui lite-nwu. Ɔmɛni ɔdubɔtina ka mina siin bɔbla útasi ami ɔlati kudɔ aani bɔni udu na bekyuli baakali ka baakɛ́ ɔkɛnku ɔda bubo lɛlɔ bɔdi kemmo, mmomu bɔkɛnku Kristo bɔƒɔtaadi kemmo. Na siin bɔbla bɔmɛni nási Katɔti kudɔ na bɔdanku bɔƒɔtaadi.

Koloseƒuɔ 3:11

Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.

Yakobo 2:23

Na Bunweni Kedee Ɔku kemmo etemila ébo éte lɛni anini, “Abraham ɔ́ƒɔ Katɔti ɔ́di. Na ɔkɛnku nwuna bɔƒɔtaadi ɔsu ni, Katɔti ɔ́bu-nwu aani ukyuli ɔni nse siin.” Na anwuɔsu Katɔti ɔ́lɔ-nwu ɔnii mina ɔkpana.