Romaƒuɔ 3:21 - Katɔti Ɔku Kedee

²¹ Nsu ulu ɔni lɛlɔ na Katɔti údie ɔ́tina ka bekyuli baasia taabla siin ni, ɔɔɔkɛnku ɔda bubo lɛlɔ. Na ɔda bubo bɔmmɔ ku kenye bediene bédie ɔmɛni bátina nwaa.

Romaƒuɔ 3:21 ပူးပေါင်းရင်းမြစ်များ

Ala Kalɔ Buse 15:6

Abram ɔ́ƒɔ Unwoti Katɔti ɔ́di, ɔmmɔ ɔsu na Katɔti ɔ́bu-nwu aani ukyuli ɔni nse siin.

Yesaia 46:13

Ndubo mbaƒɔ-mii, na uwi ɔsɔ uletu. Ńtagyunku-mii, ɔsu lɛɛɛdubo uwi ɔdi bubile. Ndubo Yerusalem budie na mina lɛnyi likeye na Israel.”

Yesaia 51:8

Badubo udu bɔyii aani kalɛ na kubweyi kɔɔkun adala teebile. Nsu mina ngba bɔƒɔ ku ala bɔbla ulu lɛlɔ siin ute bekyuli ƒui bulebo kawɔlɔkɔ kudii.”

Yesaia 54:17

Ekpola ani na bákywɛɛ ka beti bekpo-mii aladi-mii lɛlɔ. Na enyekpi ani na bekyuli badubɔsu basiku-mii lɛlɔ alabla-mii lɛla lɛdi. Yerusalem ɔdi bina ɔdi na ndubute-mii kusɛ kusɛ na bɛdi lɛlɔ. Ami Unwoti násu.”

Yesaia 61:10

Lɛlɔ lɛɛyɔ́-mi na Unwoti lɛlɔ na ebiti aada mina kɔyu na lɛla lɛni na mina Katɔti ɔ́bla úte-mi ɔsu. Kalɛ na ɔ́ƒɔ-mi ngba use aani kalɛ na baaklibi uleku teesienku kawɛɛkɔ. Na lɛduni lɛni mɔɔtina ka ɔ́bla-mi siin lɛma-mi lili aani ɔkpane lɛduni lɛni na uubi lili.

Yeremia 33:16

Na uwi ɔmmɔ kemmo ni, Yuda ɔdubulie ƒaa na lɛla lɛdi lɛɛɛdubo-nwu bukpoku. Na Yerusalem ɔdubulie ku keyi buɛɛ na bekyuli badubɔsia-nwu lɛnyi banii ‘Unwoti ɔɔtɛ litemi siin.’

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Luka 24:44

Amu na ɔ́su-ma ɔnini, “Ala amɛni lɛlɔ kɔtɛ geen na lɛ́tɛmiku-mii ɔni na lɛ́kya-mii kudɔ. Ala ani ƒui na bénweni na Mose ɔda bubo ɔku kemmo ku Katɔti kenye bediene ala ani bénweni ku kɔgya ɔku kemmo ni, ɔlɛka ebo-nwu kemmo lɛni.”

Yohane 1:45

Ɔƒɛni ni, Ƒilipo ɔ́gyu ɔ́tɔlɔ útáwia Natanael. Na ɔ́su-nwu ɔnini, “Abu bɔ́nu ukyuli ɔni geen lɛlɔ na Mose ku kenye bediene bénweni ala básiku-nwu lɛlɔ bése na Bunweni Kedee Ɔku kemmo! Anwu ndi Yoseƒ ubidi Yesu ɔni nási Nasaret!”

Batalane Kabla 10:43

Na Katɔti kenye bediene bénweni básiku-nwu lɛlɔ ka ukyuli biala ɔni maƒɔ-nwu madi ni, Katɔti ɔdubɔƒɔ nwuna ekpidi udie-nwu lɛlɔ na anwu Yesu lɛnyi kemmo.”

Batalane Kabla 15:11

Oowo! Bɔƒɔ bɔni na bɔ́ƒɔ bɔ́di ɔsu na Katɔti úti Blɔti Yesu kɔnyana bɔnu ɔ́ƒɔ-bu ngba aani kalɛ kani na ama lɛnɔ báƒɔ bádi.”

Batalane Kabla 26:22

Nsu ni, Katɔti údie-mi na bana enu kemmo. Anwuɔsu na mmu nli ngba muudie ɔmɛni kenye taatina amii benengu ku bekyuli ƒui lɛnɔ. Lɛla lɛni na mɔɔsu mɛni ni, ani kani na Katɔti kenye bediene ku Mose bene ƒui básu ka lɛdubɔlɛ.

Batalane Kabla 28:23

Amu na bése limeyi lɛdi bese, na bekyuli pii bébo-nwu kudɔ. Mmɔ na ɔ́tɛmi úte-ma ɔ́siku Katɔti lɛga kadikɔ lɛlɔ. Na ɔ́lɔ-ma kasusu úsienku kesii kani na Mose ku Katɔti kenye bediene bénweni ala bése básiku Yesu lɛlɔ. Na ɔ́tɛmiku-ma ɔ́si ɔtanta útédu useyi uwi.

Romaƒuɔ 1:17

Na litemi buni lɛmɛni muudie ulu siin ɔni mɔɔyɔ́ Katɔti kaƒɔ taatina. Na ulu siin ɔmɛni ɔkɛnku bɔƒɔtaadi lɛlɔ ɔ́si kalɔ kesekɔ útédu kawɔlɔkɔ. Na lɛni na bénweni na Bunweni Kedee Ɔku kemmo banini, “Bani mɔɔsiaku-mi kama siin ni, badubulie ngba na bana bɔƒɔtaadi kemmo.”

Romaƒuɔ 1:2

Na Katɔti litemi buni lɛni na ɔ́su nwuna kenye bediene úse ka ɔdubudie keyi ni, bénweni-ni bákya Bunweni Kedee Ɔku kemmo.

Romaƒuɔ 16:26

Nsu ɔƒɛni ni, bédie ala ammɔ keyi béte kalɔ ƒui bekyuli aani kalɛ na nwuna kenye bediene bénweni bése. Katɔti ɔni nli ngba úsela ƒui lɛƒɔyɔ ndi ka ɔlɛka bakɔ litemi buni lɛmɛni lɛsa na kadi ƒui baƒɔ-nwu badi na badi nwuna litemi lɛlɔ.

Romaƒuɔ 3:28

Ɔsika bɔgyi nwaa ka ni, ɔkɛnku bɔƒɔtaadi lɛlɔ kani na ukyuli ɔɔbla siin na Katɔti anumi, na ɔɔɔdi nwuna ɔda bubo bɔmmɔ lɛlɔ bɔdi ɔsu.

Romaƒuɔ 5:19

Na ɔkɛnku kalɛ na ukyuli unwi ɔmmɔ ɔ́ta únye Katɔti litemi lɛlɔ na bekyuli ƒui bénwini alaekpidi bablane ni, lɛni kani na Katɔti ɔkɛnku kalɛ na ukyuli unwi ɔ́di nwuna litemi lɛlɔ ɔsu na Katɔti ɔdubɔya na bekyuli pii babla siin.

Romaƒuɔ 5:21

Anwuɔsu kalɛ na likpidi lɛ́ya na kukpi kɔ́di bekyuli lɛlɔ ni, lɛni kani na Katɔti lɛƒɔndia lɛdubɔya na bɔbla siin na buduo ngba bɔni nsɔ naaadubɔsa kudii lɛga bɔdi kalɔ ɔkɛnku Blɔti Yesu Kristo lɛlɔ.

Romaƒuɔ 9:30

Ɔmɛni ɔsu ni, bi na ɔdi ka bɔsu? Bekyuli bani naaadi Yudaƒuɔ na bátasiaku lɛlɔ bɔbla siin kama ni, bénwini bekyuli bani nse siin ɔƒɛni na Katɔti anumi ka báƒɔ-nwu bádi ɔsu.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Korintoƒuɔ 2 3:9

Na si ɔda bubo bɔkukudi bɔni muuti kɔtɔ bɔdu teete ukyuli bɔdanku bukeye bɔmɛni udu ni, ɔlɛka bɔti ka litemi buni lɛni mɔɔbla-bu siin ni, nina bukeye butulo budeedi ƒui.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Galatiƒuɔ 3:8

Na Bunweni Kedee Ɔku kemmo básu bése ka ni, Katɔti ɔdubɔklibi anwu ku bani naaadi Yudaƒuɔ ƒui ntɛ ɔkɛnku bana bɔƒɔtaadi na Kristo lɛlɔ ɔsu. Anwuɔsu Katɔti ɔ́su litemi buni lɛmɛni úte Abraham kukuuku ɔnini, “Ndubute kadi ƒui bekyuli kusɛ kusɛ ɔkɛnku awɔ lɛlɔ.”

Galatiƒuɔ 5:5

Na abu ni, ɔkɛnku bɔƒɔtaadi ku Katɔti ɔyikun lɛlɔ ni, bɔsia anu kpakplaa ka Katɔti ɔdubɔnu-bu aani bekyuli bani nse siin. Na ɔmɛni na bunye bɔgya.

Ƒilipiƒuɔ 3:9

Na mɔɔwia ka liti mina lɛlɔ ƒui lite-nwu. Ɔmɛni ɔdubɔtina ka mina siin bɔbla útasi ami ɔlati kudɔ aani bɔni udu na bekyuli baakali ka baakɛ́ ɔkɛnku ɔda bubo lɛlɔ bɔdi kemmo, mmomu bɔkɛnku Kristo bɔƒɔtaadi kemmo. Na siin bɔbla bɔmɛni nási Katɔti kudɔ na bɔdanku bɔƒɔtaadi.

Petro 1 1:10

Katɔti kenye bediene béwi lɛlɔ báwia kalɛ na Katɔti ɔdubɔƒɔ-bu ngba kemmo, na béduo-nwu kemmo kaduɛ na básu-bu bése kalɛ na Katɔti lɛƒɔndia lɛdubɔsiaku-bu.

Petro 2 1:1

Ami Simon Petro ɔni ndi Yesu Kristo kabla ɔblane ku ɔtalane ni, ami muunweni ɔku ɔmɛni lite amii baƒɔtaadine ƒui bani na abu ku-mii ƒui bɔdi benwi ku Katɔti. Na ɔ́ya na bula ƒui bɔ́ƒɔ bula Ɔti ku Ɔƒɔne Yesu Kristo ɔni nse siin bɔ́di.