Romaƒuɔ 3:20 - Katɔti Ɔku Kedee

²⁰ Anwuɔsu ni, ɔɔɔdi ɔda bubo bɔmmɔ kama bɔsiaku mɔɔyá na ukyuli ɔbla siin na Katɔti anumi. Mmomu ni, ɔda bubo bɔmɛni bɔɔyá na bekyuli baatí ka baabla likpidi.

Romaƒuɔ 3:20 ပူးပေါင်းရင်းမြစ်များ

Hiob 15:15

Katɔti batu muedi beeese sɛɛn na Unwoti anumi na katɔ kesii kani na bakya mmɔ.

Kɔgya 130:3

Si ásia ukyuli alaekpidi kama ni, Unwoti, ɔma ndubɔkana ƒula litemi bɔtɛ kenye bunye?

Kɔgya 143:2

Na tatɛku ami ƒula kabla ɔblane litemi. Ɔsika ukyuli ɔyawine biala na uli ngba na kalɔ kamɛni lɛlɔ uuuse siin na ƒula anumi.

Batalane Kabla 13:39

Ukyuli biala ɔni náƒɔ Yesu ɔ́di ni, Katɔti ɔdubute-nwu ubo. Ɔmɛni ndi lɛla lɛni na Mose ɔda bubo bútakana bɔbla kudii.

Romaƒuɔ 2:13

Ɔsika ɔɔɔdi bekyuli bani na bunu kani na beenú ɔda bubo bɔmɛni ndubɔbla siin na Katɔti anumi. Mmomu bekyuli bani mɔɔbla taasiaku lɛla lɛni nkya ɔda bubo bɔmmɔ kemmo ndubɔbla siin.

Romaƒuɔ 3:28

Ɔsika bɔgyi nwaa ka ni, ɔkɛnku bɔƒɔtaadi lɛlɔ kani na ukyuli ɔɔbla siin na Katɔti anumi, na ɔɔɔdi nwuna ɔda bubo bɔmmɔ lɛlɔ bɔdi ɔsu.

Romaƒuɔ 4:13

Katɔti úse kenye úte Abraham ku nwuna bawɔ ka badubɔdi kayawi kamɛni ala. Nwuna kenye kani na úse mɛni kaaakɛnku kalɛ na Abraham ɔ́siaku ɔda bubo bɔdi kama ɔsu. Mmomu ni, úse-nwu kenye kamɛni ɔsika ɔ́ƒɔ Abraham ka use siin ɔkɛnku nwuna bɔƒɔtaadi ɔsu.

Romaƒuɔ 4:15

Ɔsika ɔda bubo buudie Katɔti kɔnyi taatina-bu. Nsu si ɔda bubo buuubo ni, ukyuli lɛla lɛdi lilédie bula bɔƒiɔ taatina-bu.

Romaƒuɔ 5:13

Likpidi lɛkya kayawi kemmo asa na Katɔti úte-bu Mose ɔda bubo. Nsu kesii kani na ɔda bubo buuubo ni, Katɔti ulábu ukyuli bɔƒiɔ teese.

Romaƒuɔ 5:20

Ka ɔda bubo bɔmmɔ búbo ni, bɔ́ya na bekyuli bánu bana ekpidi báti bébu. Na si bɔ́nu bula alaekpidi pii ani na bɔ́bla bɔ́ti ni, mmɔ kani na bɔdubɔnu Katɔti kɔnyana kɔni na ubo úte-bu lɛnɔ bɔti bubu.

Romaƒuɔ 7:11

Na bɔkɛnku ɔda bubo lɛlɔ ni, likpidi bɔbla bɔ́kɛ ulu na bɔ́tɔlɔ-mii na bɔ́du-mi.

Romaƒuɔ 9:32

Na bi ɔsu na bétedu? Ɔsika bátasia bɔƒɔtaadi lɛlɔ na babla siin, mmomu básia ama alati kabla kama.

Korintoƒuɔ 1 15:56

Kukpi kɔɔkɛ́ ɔyikun ɔni na ɔda ɔɔta-bu taasiku likpidi kudɔ. Na likpidi lɛnɔ lɛɛkɛ́ nwuna ɔyikun taasiku ɔda bubo kudɔ.

Galatiƒuɔ 2:16

Nsu bɔgyi ka Katɔti ɔɔsɔku anwu ku ukyuli ntɛ taaklibi ɔkɛnku bɔƒɔtaadi bɔni na ukyuli ubo na Yesu Kristo lɛlɔ kani ɔsu. Na ɔɔɔdi ɔda bubo bɔkukudi bɔmmɔ lɛlɔ bɔdi ɔsu. Abu lɛnɔ bɔ́ƒɔ Kristo Yesu bɔ́di ɔsu na Katɔti ɔ́klibi abu ku-nwu ntɛ ɔkɛnku bula bɔƒɔtaadi na Kristo kemmo ɔsu. Na ɔɔɔdi ɔni na bɔɔdi ɔda bubo bɔkukudi bɔmmɔ lɛlɔ ɔsu. Ɔsika Katɔti útaklibi anwu ku ukyuli ɔdi ntɛ na ɔda bubo bɔkukudi bɔmmɔ lɛlɔ bɔdi ɔsu.

Galatiƒuɔ 2:19

Mmomu nse aani ukyuli ɔni nélie ngba ɔkɛnku ɔda bubo bɔkukudi bɔmmɔ lɛlɔ na úkpi ɔsu ɔda bubo bɔmmɔ lɛnɔ búkpi kalɛ na lilie ngba lite Katɔti.

Galatiƒuɔ 5:4

Na amii bani mɔɔkali bɛnii amii ku Katɔti ntɛ bɔdubɔdia ɔkɛnku ɔda bubo bɔmmɔ lɛlɔ bɔdi ɔsu ni, bɛgyi bɛnii bɛ́da lɛlɔ bɛ́mami Kristo lɛlɔ. Na bɛsɔ bilákɛ Katɔti lɛƒɔndia.

Hebriƒuɔ 7:19

Ɔsika ɔda bubo bɔni na Katɔti úte-bu ɔkɛnku Mose lɛlɔ ni, bútabla Katɔti kabla bútawɔlɔ. Na ɔƒɛni ni, bɔ́kɛ lɛnunsia lɛni ndia ntulo na lɛɛyá na bɔɔní teede Katɔti.